年末年始返香港嘅時候，我約咗讀日文朋友出食飯聚一聚😂😂😂我哋果時好兒戲咁樣話四月會不如去旅行，點知萬萬都估唔到可以隨口講就成事🤦🏻♂️照慣例，有青梅竹馬喺到就唔使安排行程😂今次我地去即興伊豆自駕遊，由星期五放工個一刻開始就係東銀座接我出發，諗起浸溫泉就好開心，成個人都可以放鬆晒！！！
我真係唔鍾意戴安全帶，一箍上身就好似窒息咁即時暈車浪🤦🏻♂️🤦🏻♂️🤦🏻♂️佢地見我有異樣都會停一停車等我出去抖抖氣，去便利店買多D零食當宵夜，好有小學生去旅行個種興奮感覺。但由東京去東伊豆長征四小時都係一個苦，終於都入到溫泉旅館ーー熱川館🙄
熱川館
http://www.atagawakan.co.jp
朋友話平時住至少都要2XXXX円以上，今次竟然有優惠！！！可惜有雨女（あめおんな）纏身，三日都有雨落，成個海乜都望唔到😭更何況係我地間房係正正對住伊豆大島呢～瞬間衝去露天風呂浸一浸，爽一爽皮先😚😚😚由於夜晚十點幾都已經無乜人，我一個人霸晒成個浴場玩水自轉，時不時又出去露天風呂到邊揼雨邊浸溫泉。偶爾企起身聽住海浪扮hunter X hunter嘅希索加咁扭動身體🙈🙈🙈浸咗成個鐘，成個人髮晒之後返到去都好攰勁眼瞓～但難得三個係到，點都要傾偈傾耐D，UPDATE近況嘛！！！
兩位係我嘅日本與青梅竹馬，一齊捱過四級三級嘅密集階段😩讀書嗰時都話一齊去旅行架啦，點知一plan就plan咗10幾年，真係好恐怖😱😱😱😱所以今次成事都係多得天時地利人和🙏🏼要珍惜同你去旅行嘅朋友啊！因為肯一齊去旅行先見真章😏
#大丈夫 #工作遊記 #露天風呂 #希索加 #伊豆大島 #雨女 #溫泉旅館 #熱川館 #東伊豆 #暈車浪 #東銀座 #自駕遊 #伊豆 #青梅竹馬 #香港 #年末年始
