大家樂 撈 起的八卦，Yahoo名人娛樂都在討論

到海底撈在香港開張，我其實對佢嘅商業模式有點疑慮。海底撈嘅賣點係好多花款的「服務」，根據我好耐之前睇過佢創辦人的專訪，佢係話因為內地餐廳的質素太低，而開設左呢間注重服務同埋體驗嘅餐廳。

早幾年在內地平價餐廳，食飯的服務係差，次次叫親侍應都係「聲盡呼不歸」。但沒辦法，一分錢一分貨，幾十蚊一餐你想點？但香港唔同，香港係訓練到連商場個廁所呀叔都要識同你講早晨，法式café大家樂的毫無感情人肉錄音機式的「歡迎光臨」更加係一絕，而各大偽日式食肆，由放題到普通餐廳，一入去由吧檯到侍應都會大大聲同你講「二奶生二奶瀉」，提返各位情婦唔好點生冷刺身以免肚瀉，真係好貼心。

問題是，在香港飲食業基本服務已經合格的情況下，海底撈到底還有多大的「增值」空間？

手機套、橡筋圈束髮、圍裙這些東西成本極低，各大小火鍋店可以一星期內就跟到機提供；專人教點餐的話，香港那有一個年輕人會對平板電腦感到陌生？而用平板電腦點餐也不是什麼新鮮事了。至於提供公仔陪食飯呢件事… 真心，幾多歲呀你？依家細路仔出街都唔駛拎住隻毛公仔陪食飯啦，呢件事令我諗起專家Dickson同佢個娃娃女友小莉。隻毛公仔剛開業還好，開多一個月，個公仔索晒陣火鍋味，我真係想好似古思堯咁講句：喂喂，企開啲啦…

然後，餘下的就係免費gel甲服務，咁其實所謂免費，都係羊毛出自羊身上，42蚊一份菠菜你估個價係點黎？如果係純男班底，我個人真係唔建議一班人去貼錢俾人gel甲。另外，如果係等位時可以gel甲，我覺得都叫做有啲野做下，但如果成班人食食下，一個人起身走去gel甲，呢件事會唔會太癡線？食火鍋都係想一班人坐底傾下計姐，咁樣起身走左去，都幾唔禮貌亦都幾唔俾面。

唯獨有兩個服務我覺得幾好，第一係有個託兒區可以擺底個小朋友，但香港出名多怪獸家長，踢波整親都可以告教練，俾隻貓疑似抓到5mm都可以call漁農署，識得屈隨時可以屈到全單8折！我個人建議海底撈提供呢個服務前，必須要家長簽生死狀，「生死由命，不予論罪」。第二係人手充足，據聞係一個侍應睇三、四檯，我食飯最唔鍾意就係埋單舉成五分鐘手都冇人理，大佬，崩口人忌崩口碗，我已經矮架啦，你仲要無視我？不過，大陸飲食業人工平自然可以請多兩個，香港就係因為地租同人工都唔平，所以侍應先得咁少，個個做到初四咁嘅樣，到底海底撈可以頂到呢個支出水平幾耐？

講起員工水平，我好記得幾年前某間著名台式小籠包店在香港開業，我的一個死黨跟我說：「我們去XXX食飯兼睇靚女(帥哥)啦！」當我地排左一個鐘後懷著興奮的心情入到去，根本一個美女都沒有，帶位的是一個很熱情的嬸嬸：細佬～呢邊呀，坐啦！

比我呀媽更加呀媽。

原來所有年輕台灣美女/帥哥已完成香港開業的訓練，一早回到台灣了。從此，我每次同我老友在街上看到一個嬸嬸，我都會在他耳邊說：呢個正呀喂…

#想同海底撈講聲加油
#呢個價香港人好快走
#暫時特色還不算太特色
#香港同行係跟得好快
#你睇一地都係紫薯流心就知
#其實呢啲服務水平在外國真的很普通
#外國食餐飯正常係會被問三次啲野岩唔岩食

［天花亂墜DSE］DSE嘅嘢，還是要考好。因為大學還是要讀。Maximize your options

TLDR：唔好玩skim reading，睇晒佢。當然你貪心當睇四仔嘅，睇第21段啦

1. 舊年放榜，都有寫DSE文。昨晚手痕走去睇返，大鑊。唔係汗顏寫得差，而係自己覺寫得幾好。咁可能係我已經退步中，但自問未必寫得好過之前兩篇（https://fbook.cc/3Wpb）（https://fbook.cc/3Wpc）

2. 繼續，都係寫畀啲考得唔好嘅人。考得好嘅，你本人或貴子弟應該唔會pathetic到要睇我嘅文。雖然呢，我又一盤冷水照頭淋，「其實今時今日要考DSE嗰啲，都等於開波已經輸咗一球先」。點解？我書中有講，我將社經地位分為九等，草根中產富有，我屋企當年應該係下級中產，而家應該係中級。而考得DSE嘅，照計都係中級中產或以下嘅小朋友。咁不幸地，你老豆唔係李嘉誠呢，你就搞唔到Viu TV食唔到郭家文的

3. 有啲人話起跑線好難聽，咁就係你的問題嘛，現今世界一大問題就係啲人只會圍爐聽啲自己感覺良好嘅嘢，你可以繼續飛機話「窮唔代表冇得發圍」「幾百億身家唔代表乜」「食郭家文唔代表乜」「一開波輸一球唔代表乜」，你開心就好。但現實係你一開波整個「全餐」嘅，賠率即時轉，市場好有效率，唔會理你咩「食全餐唔代乜」。記唔記得我係讀精算嘅？我地講概率，population，咁你可以話日日食一包煙都好長命嘅。我城嘅問題就係好多人鍾意將特例變為通例仲去論證。然後個個高估自己。

4. 講返，呢個唔係要「睇唔起」「歧視」，我只係指出個事實。你當我好似啲冷面軍醫或教練咁，睇個小朋友嘅質地，唔似會成功 —但的確唔代表不可能，更不代表你要自怨自艾—反正都發生咗啦

5. 甚至好多人都知道，劣勢反勝仲開心，更加有排飛機。正如我一個仙都冇撚拎我屋企，亦都唔謀住佢副家產，「白手興家」，就有型過老母出首期嘅人啦。雖然有得揀，我都希望我老豆係李嘉誠，冇乜人為咗想激發鬥至，而自己踢個波入龍門先

6. 講返，既然考得DSE嘅，一般屋企都唔富貴，咁你考得差，係更加大鑊的。有錢人可以afford讀書唔掂，嘻咪去追夢焗蛋糕整公仔自己做設計師，甚至簡單啲嘅，咪話老豆留返三個太古城單位畀你，一個住一個收租一個炒，然後你大可以上網日日指點江山，幾好的。

7. 但唔富貴嘅人（例如我當年），考得差嘅，係更大鑊的。因為作為一個唔富貴嘅人，讀好書入大學呢個，都係還可以嘅脫貧方法。雖然似乎個效力越嚟越低。

8. 考得唔好嘅，正路你都係應該下年嚟過，雖然舊文都講過，最緊要檢討，可能你柒，可能你懶，可能你廢。三樣唔同嘅嘢，雖然有一定正相關性。

9. 講咗咁多，其中兩個好大嘅關鍵：第一，而家係1.4個人爭一個大學學位（聽講），第二，大學學費廿年年冇加過價，大家樂人工都升咗唔少啦下話？所以讀大學係易咗，亦都平咗。（不過而家四年，好一個惡政）

10. 相反去睇，你讀唔到（應該唔會有乜人讀到而唔去讀架？），問題就更大。大學嘅嘢，似乎讀咗都冇乜用，最低消費入場券咋，但唔讀就好擇洗—所以都係讀左幾有用。

11. 讀大學嘅原因，好簡單，錢。就係人工高啲，學位都冇個，你係幾難撈的。況且唔一定我要去做律師醫生或乜，但至少可以Maximize your options，好似龍應台同個仔都講類似嘅嘢，亦係我人生嘅核心價值。你揀人當然好過人揀你，你大可以拎個First Hon去做消防員或者開巴士，但呢個係你嘅選擇。掉轉頭，冇個學位嘅，好多嘢你根本冇得揀。

12. 而更重要嘅係，講真，我認為好多人，特別係男仔（包括我），三十歲前都係一舊飯，唔知自己想點。咁你十幾歲嘅小朋友，嗰啲「追夢」，得罪講句，有幾大含金量？你冇接觸過社會，冇接觸過個行業，冇接觸過啲社會上嘅仆街（例如我），太早覺得自己應該點點點，未必係好事。

13. 再次強調，雖然我好憎講，但都係要利申返，本人是一個學霸，夠晒maximize option．我要講呢樣嘢，係不停提防自己跌入嗰種「吳彥祖教你溝女」「美斯教你踢波」嘅「其實唔難」。記住人地唔係專登喎，但吳彥祖真係覺得，喂我開口約啲女就得架啦，美斯真係發現，喂我一推就過架啦，「其實唔難」。

14. 不過，入大學嘅嘢，真係，「其實唔難」。

15. 我教過成績唔好嘅學生，repeaters．當然事實我似乎應該教精英班（同事話阿媽係女人喎），當年成績冇咁好嘅學生，同我亦冇咁親近。但至少，我知道，教班霸同教護級係唔同玩法，你想拎A嘅玩法同拎pass又唔同。

16. 咁都係嗰句，在top level，我唔信咩「努力就成功」「人人可以成材」，人人可以做美斯美斯就唔係美斯啦，根本陳美詩繆美詩紐奴高美你都做唔到（冇錯，樓奴都做唔到）。

17. 但，我地係講拎個大學入學資格喎，照計呢啲位呢，係努力或正確態度幫到你好多的。因為同投資一樣（我本書都有講），高水平嘅競技當然係天才對決，但低水平嘅競技，一般都係Loser’s game，啲人個個自殺，開波出界，好多啲分係對手失，唔係你拎返嚟。所以你正正常常打好基本功，已經可以贏晒啲落場自爆嘅人。

18. 讀大學嘅好處，都係嗰句，人工高啲，同埋地位高啲。我知一街都大學生，事實。但正係因為咁，你「唔係大學生」，就更加顯眼。當然你又可以用特例駁我，我知，邊個邊個都冇讀完大學嘛，你咪去學下。我就講整體啫。BTW，你講呀朱生蓋生嗰啲，聽聞人地屋企點都係上級中產甚至低級富豪，人地係入到哈佛然後中途唔讀，就真係唔撚同你「連XX大學都唔收」。

19. 另一樣嘢，我諗都係識嘅人唔同，雖然而家又好似冇咁明顯。大學就中學化，成個社會都扁平化，太多有學位嘅七碌。我亦係好冷酷咁話你知，好多柒頭換咗廿年前點會有大學讀？呢個亦係好多咩「大學生收入」統計嘅虛妄，三十年前中位數大學生可能係最勁3%嘅學生（冇實數，舉例），而家中位數大學生係15%嘅，如何比較？

20. 至於咩「獨立思考」「critical thinking」之類就算鳩數啦，你要靠大學先有，你都肯定係冇的。你由一街都仲要講「邊個邊個冇讀大學都搵到錢」「行行出狀元唔係讀醫嘅都可以好高人工」，知你啲網友有幾「獨立思考」「critical thinking」

21. 仲有，「讀唔到大學」，帶嚟嘅打擊，都真係唔細。首先十分現實，大家都知come on James，條女入到大學而你入唔到嘅，基本上你一定被飛或者戴帽，我晚晚同你賭都得。我話知你識轉彎定靚仔過阮民安，there are many guys like you all over the world，條女入咗大學，面對一大堆禽獸組爸之類（我冇做過，我可以掟石），真係同拍AV人間廢業差不多的。正面啲講，條女眼界都唔同咗，再唔係以前大西北嗰個食爭鮮都好感動畀你中出嘅小妹妹啦。同樣地，啲女由大學到出嚟做嘢，又係另一個重災區，原因同上。掉轉呢？條仔入到大學條女入唔到呢？「就反而冇乜所謂」「你條仔唔會飛咗你的」「因為啲仔唔介意條女唔識嘢，最好乜都唔識」「條仔搵到錢唔止食爭鮮可以食名將，你更加獎勵佢添」「況且好多人鍾意玩校服」「咁我知啲人入到大學都係玩返中學件校服」「但就係唔同嘛，你條女柒個金毛笠件Hall Tee在底仲扮學生妹咩」「咁都得嘅你去油麻地一樣有校服玩添」「正如啲人約空姐都要睇證件嘛，唔只係要件制服咯」

22. 呢段完全過火，但真係示範，你再叻都好，你入唔到大學呢，都係要面對一定壓力。咁當然千金難買少年窮，都係經歷，你捱得過嘅之後仲強大 — 但有啲人就捱唔過自此自暴自棄一世嘛。都係嗰句，有得揀嘅，我唔會揀一開波輸兩球先然後激發鬥志咯，梗係開波對手趕一件出場再輸全餐，然後再自爆輸多球，我拎住兩球在手練波咁踢試下新人試下戰術，玩到你完場最開心。

23. 你見我呢篇文，係唔得assertive，充滿猶豫。因為個世界真係唔同咗，我唔sure嘅嘢我就寫唔sure．十年前我可以好肯定咁話你知，梗係讀大學搵份好工啦。但世界一路變。呢刻我都仲相信讀大學係個好選擇，因為人工高啲，識嘅人正常啲。但呢個溢價係一路縮緊嘅，扁平化嘛。你學好多嘢亦唔使經大學。

24. 況且，新書都有寫，傳統嗰種爬corporate ladder嘅玩法，越嚟越難玩。特別係香港。特別係你係一個考DSE嘅非富貴家庭。我就係有咁嘅自覺，我當年係行呢條路，雖然唔係完全一帆風順，但大致條路都係 讀好書入間好大學搵份牛工 入商業機構 升職上位加人工 儲錢投資 再搞其他嘢。但唔等於你而家你照行都會OK。我大學畢業係2000年喎大佬

25. 呢篇的確寫得唔係幾好，不過大家應get到我嘅意思。有啲人話我寫文冇重點，我嘅重點就係冇重點，sorry我係唔興好似伊索寓言咁話你知有乜教訓。嗰啲文我都識寫，打工成日寫，Tell the audience what you're going to say, say it; then tell them what you've said嘛。但在某天我已拒絶再玩。See？呢啲就係maximize your option，我知道點玩，但唔跟佢。同你完全唔識係兩回事。

26. 我新書有講，你睇好多戲都可以谷阿莫三分鐘講完，但你唔係浸住兩個鐘，就唔係嗰回事的。正如好多書都可以幾句講完，但就係你要睇晒先浸到嗰種味。唔係你楊丞琳大閘蟹咁濕一濕水就得。

27. 而即係，留到最尾先講，屌你老母睇三千幾字都冇耐性，就咪撚讀大學浪費社會資源啦。我講真的，我啲讀者好多都兩三日睇完我本7萬字大作，完全唔難入口。咁你睇幾千字都搞唔掂嘅，你同我講咩創意咩知識型社會？即係你係日日在whatsapp send voice message嗰啲撚樣啦下話？

28. 下篇實用啲，教你揀乜科。不過好忙，過兩日先寫。呢篇照顧咗啲考得唔好嘅先，唔係我大愛左膠，只係有緩急。「女人就係唔明，我睇埋場波先得閒執勞蘇，唔等於場波緊要過勞蘇」。

29. 我from day one 都係精英主義的，但處理先後同重唔重要，唔係同一回事。我教書時都係搵啲考得唔好嘅學生傾計先的，即時平時可能唔係太多計傾。考得好嗰啲，你自己有排鳩威啦，暫時唔使我錦上添花。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［星語心願］星巴克有自己嘅語言。Introvert 埃汾驚唔驚？—驚？驚咩呀？我多數都用mobile order嘅。健力士，妙不可言。

TLDR – 消費就係身份認同，講同一種語言就係自己友。

Economist 原文：Why we speak Starbucks　（https://econ.st/2OXQwoM）

1. 話說在香港站開咗間韓國果汁舖JUICY，貼上網就有韓國朋友認得，埃汾去咗三五七次韓國都冇留意呢間嘢。有機會再講。

2. 但想講嘅係，前面有條港女，打扮，一舉手一投足，講嘢，都充滿港味。其實唔關我事，呢篇亦唔係講港女嘅文（但一定會有人當係）。佢同我一齊達陣，咁我讓佢先，正路，因為五五波。問題係佢搞撚咗幾分鐘都未叫到嘢！佢先係同隔嚟另一港女討論，然後又要打電話問朋友（仆街，玩百萬富翁呀？不如問埋現場後面排嗰啲丫？），然後又問下到大M同XL有幾大（明明前面就有個吉杯），又問下草苺會唔會好甜，又問下邊隻最好賣。如是者搞咗幾分鐘。拿，鍾意有人情味可以去咩台南呀乜鬼，包保同你吹半日水都冇所謂。但呢度係香港。香港站呀下。買杯嘢飲幾分鐘，應該係普世價值不能容忍嘅嘢。對不？我見連登仔都鬧啲友七十一交錢交一分鐘，或者埋到去先慢慢搵八達通

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

3. 但呢啲都唔係重點。重點係，店員同佢講草苺拿鐵多人叫。但佢話，Latte咪咖啡咯，係咪即係士多啤梨咖啡？店員好努力咁解佢知，係牛奶。

4. 我知好多人以為呢篇文係講港女，再講一次，就算前面係條仔都會有呢篇文（但如果係條仔有冇同一個故事？）。呢篇文係講星巴克！你老味丫，星巴克真係害人不淺！

5. 當然啦，星巴克並無發明Latte，亦冇發明呢個字。但的確係星巴克將呢個字在香港發揚光大，正如鄧麗欣之前冇港女叫Stephy，Keira Knightley 之前亦都冇港女叫Keira（＊）

6. 想講嘅係，應該好多人都知，星巴克有佢自己嘅一套語言。但有冇諗過點解？

7. 你去茶餐廳，奶茶就係奶茶，茶走就係茶走。固然年紀輕嘅撫摸員未必知，有啲新移民（no offense，不知者不罪）亦可能唔知咩係滾水蛋荷蘭唂咕。但，你唔會去澳牛有第個叫法，去大家樂有第個叫法。其實我在唐人街都係叫茶走鮮油多，唔會有第種叫法。當然你可以話法蘭西麥當勞唔叫quarter pounder 叫Royale with Cheese，但呢個係另一國家。

8. 但星巴克唔同。固然你唔會講「齋啡」（＊＊）（雖則我試過），亦應該唔會講「飛沙走奶」。但大家知了，唔係細中大SML，你叫細杯必然會畀人友善地更正，係tall．對上係Grande，Venti，Trenta。後兩者更加係星巴克自己註冊商標。聽聞有人以識得叫Trenta為榮（正如好多人都鍾意叫menu冇嘅嘢嚟show off，香港人真係好累），我就只係見到記得搵廁所同糖尿病。

9. 更加神化嘅係，佢地仲有好多古靈精怪嘅叫法，而我唔知香港店有冇跟。Marble Macchiato，Zebra Mocha都話首先我唔係好飲咖啡，在星巴克更加少飲。二來，嘻，其實我係用mobile order嘅　—就係避撚開啲諗幾分鐘都未叫嘅人。

10. 基本上，星巴克就係有自己嘅一套詞語，唔止，仲要有自己嘅一套文法：you say your size before your syrup, your preferred milk before your primary drink。星巴克初初開嘅年代，應該唔少人唔慣，同埋好易畀人發現第一次去（我其實諗起：夜場，一樣係大把術語）

11. 呢一切一切，當然唔係偶然。星巴克有自己嘅linguistic rule book，應該返工要學，做過嘅可以介紹下（但麥當勞就冇呢啲嘢，埃汾做過）。當然係為咗行銷，Brand building，品牌忠誠，community，自己友。諗落都有道理。果然飲咖啡都要講陣營。

12. 政治上就更加係，就算唔係主要講呢個話題，你留意下啲人嘅用字，同一件事同一樣嘢，唔同嘅用字，就已經反映唔同嘅價值觀。例如”白左” 同 “Liberal” （＊＊＊）

13. 話美國好多公司都玩呢套，In-N-Out（冇去過，都話冇去過美國）要講“triple double” （兩塊牛肉三塊芝士）或者“4x3”（四塊牛肉三塊芝士）。仲有健身公司都要玩

14. 香港嘅例子，我一時諗唔到。安利？怕且唔係。照叫片頭切腩撈粗你去第度都可以咁叫，亦都唔會有人唔明。定係澳牛？特別係個流程，煎蛋炒蛋，意粉通粉。同埋記撚住最後先叫嘢飲。

15. 諗嚟諗去，我諗到了！一定係譚仔！雖然我亦少食，但都知　勿演　懶肉　之類。真係成為marketing 兼 身份認同喎。最正係，成件事係意外！（定係必然？你請得嗰啲阿姐就會有呢個結果）

16. 真係的，政治，講到尾就係敵我之分，身份認同。而家消費都係玩呢啲。話說星巴克直頭會調教啲客：你叫　“small cappuccino with an extra shot and foam” 佢會覆你 “double-tall cap, extra dry”。你可以去試下，當玩chatbot咁

17. 關於Latte，仲要講多樣。如果乜都講政治嘅，以下包你好反感：Latte drinker，其實係「白左」「左膠」嘅代名詞。果然乜都有意味，正如牛油果多士又好敏感（澳洲），睇波食蝦三文治又好敏感（曼聯名宿講嘅）「一年去幾次日本食米芝蓮然後講悲慘世界」（埃汾講嘅）亦係有意思。

18. Latte drinker，等於英國講嘅Champagne socialist，法蘭西講嘅Gauche caviar（魚子醬鳩嘈）。意味好明顯，就係「一年去幾次日本食米芝蓮然後講悲慘世界」。不過香港當然係另一回事，「冇可比性」，目測十個有九個都鬧白左，但又照去星巴克　照食魚子醬照樣食米芝蓮　然後講社會不公義。但的確冇乜可比性，因為香港人太有錢．窮人都飲星巴克。另一方面，當然係香港人憎人富貴亦厭人窮，絶對唔係「左右」（即使只係講經濟嘅左右）可以分。

19. 最後講多樣，Latte index．香港嘅星巴克，其實差不多全球最貴。但依然好多話自己「窮人」嘅去—咪解釋到點解可以賣咁貴。當然，最直接嘅講法就係話租貴，呢個係萬能key – 但，又點解香港Big Mac 平過好多地方（肯定係榜嘅下半截）？埃汾話，應該因為香港人鍾意打卡。星巴克可以扮品味，麥當就冇。「係香港人先咁鍾意扮嘢？」「係」

20. 真的，人性的弱點嘛，星巴克姐姐（或哥哥）講嗰堆咁嘅組合語言，雖然你唔明講乜，但你覺得好型。當然到佢寫你個名叫你個名你就覺得更加開心。自己個名係最動聽嘅聲音嘛—特別係由靚女靚仔充滿朝氣叫。你三十幾蚊買杯星巴克，應該有十蚊係為呢樣嘢。「所以只有有錢金融撚先會叫外賣點件intern去拎」

（＊）BTW，星巴克，Stephy同 Keira Knightley都係埃汾恩物。雖然我係近乎唔飲星巴克咖啡嘅。我嘅壯舉係試過一杯咖啡都唔飲但續到Gold member

（＊＊）又話時話，咩叫「齋啡」，都曾經有人爭論過。做人真係好辛苦。咁但對我嚟講係好簡單嘅，如果我會飲咖啡，就係齋啡。唔落糖唔落奶。凍熱都唔落。不過話時話，「Cold Brew係咪即係齋啡？」。憑我有限嘅知識就應該唔係，係講個過程。「但Cold Brew default應該係冇奶冇糖的？我冇見過咖啡師會問」「又聽聞飲Cold Brew落糖落奶會落地獄」。拿，我真係唔識的，搵人出嚟解。但我就從來唔落。

（＊＊＊）呢度指西方，特別係美國嘅語境，唔好拎香港大陸或台灣嘅　左右　嚟比，一百萬嘅問題：民進黨係左定右？即刻答，然後Google下。

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

樓面達48萬平方呎的將軍澳日出康城大型商場「The LOHAS康城」
8月23日起陸續分階段開幕 ,當區唯一的購物中心
大致上同將軍澳站的商場設計相約,沒有大分別
樓下最多人既 FRESH新鮮生活 係一個綜合式購物街市 一半係超市,一半係街市模式
其實同領展個種新街市模式係一樣
刺身 海鮮 燒味鋪 仲有高級海鮮,包括可以代煮 (要付款,以斤計)
營業時間為早上8時至晚上11時，超市設有26個主題區
寵物都可以入場,海鮮係即撈即煮,另外湯包區有陪月阿姐即場教埋你煲湯
店內設多個特色主題專區 各種肉類,本地蔬菜,高級食材,乾貨,餐飲
豆腐/素食專區,引入各種各地既唔同食材,半製成品供食客選購
熱食/熟食區/壽司專區
煮場館,各種熟食,包括自選配搭既飯盒,燒鵝王子,專賣燒味
食點,港味道,海鮮城
壽司區仲有最平既388蚊OMAKASE 另有豪華版選擇!
仲有每日新鮮製既午餐肉,肉腸,健康少油鹽,在家吃都可以更健康!
而家開幕,電子付款非常方便,場內9成人都係用電子付款
八達通仲有折扣優惠,300蚊以上減30
樓下有大家樂,快餐店,日本城,酒樓 譽居 山一和食屋
優品360° Pure Cut 思樂牙科診所 中原地產 美聯物業 新城藥房
鼎王麻辣鍋亦會開店
#鼎王麻辣鍋 #日出康城 #THELOHAS康城 #FRESH新鮮
#康城超市 #燒鵝王子 #山一和食屋 #DOCODOCO #康城 #疫情下的香港
#街拍 #實拍 #市面實況 #襯熱鬧 #新店開幕 #英皇戲院 #HKBLOG #HKBLOGGER
#HKFOOD #HKFOODBLOGGER #HKIGFOOD #HKFOODLOVE #禁堂食
The LOHAS康城商場
地鐵站距離約5分鐘即達

八斗公------位於八斗街122號
沿革：
萬善祠-八斗公原本是一個石頭砌的小廟，以前，颱風或暴風雨過後，海浪常會把附近林投樹下的沙淘去，這時，常會發現林投樹根下抓著一具具大型屍骨，本地人就把這些屍骨丟進小石廟中，從外面就可以看得到裡面的骨頭，有時，漁民捕魚時撈到骨頭，也將骨頭送到這裡來，以求安心。

神蹟：
有一年兩位釣客來八斗子釣魚遊玩，碰到下雨，他們就到八斗公萬善祠躲雨，其中有人就發願，如果餐廳賺錢，就回來幫助建廟，回去之後，餐廳生意興隆而很賺錢，於是，股東們就到八斗子來建萬善祠，同時，也將旁邊七斗子的社尾土地公也一起建起來，本地人也共同出錢，由餐廳包尾（即負責所有建廟不足的錢），就建起了現在看到的兩間小廟。

八斗公萬善祠落成後，餐廳的股東們每人都準備一副成禮來拜，而且，每年農曆五月二十一日開始，青葉餐廳都會在廟前作戲作好幾天，楊麗花也是青葉的股東，以前當紅時，還曾經連續三年每年農曆五月二十一日來這裡作戲作三年，甚至吸引了許多從基隆趕看楊麗花歌仔戲的人，作完三年的歌仔戲之後，第四年沒來，聽說身體不舒服，而且，那一年青葉餐廳的廚房還發生火災，第二年趕來作戲之後，聽說生意又越燒越旺了。

酬神作戲的種類有歌仔戲、布袋戲及放電影等，有一年甚至作戲作超過半年之久。現在多半作兩三天的歌仔戲後就放電影，布袋戲沒人看了。現在電視普及化放電影也沒了。

到八斗公萬善祠來拜拜的人很多，晚上尤其熱鬧，大家樂、六合彩很流行的時候，許多樂迷、彩迷也常來問明牌，有一次，有一個婦人贏了錢，就打了五、六面的金牌（一面幾分重）送八斗公萬善祠。

八斗公------位於八斗街122號
沿革：
萬善祠-八斗公原本是一個石頭砌的小廟，以前，颱風或暴風雨過後，海浪常會把附近林投樹下的沙淘去，這時，常會發現林投樹根下抓著一具具大型屍骨，本地人就把這些屍骨丟進小石廟中，從外面就可以看得到裡面的骨頭，有時，漁民捕魚時撈到骨頭，也將骨頭送到這裡來，以求安心。

神蹟：
有一年兩位釣客來八斗子釣魚遊玩，碰到下雨，他們就到八斗公萬善祠躲雨，其中有人就發願，如果餐廳賺錢，就回來幫助建廟，回去之後，餐廳生意興隆而很賺錢，於是，股東們就到八斗子來建萬善祠，同時，也將旁邊七斗子的社尾土地公也一起建起來，本地人也共同出錢，由餐廳包尾（即負責所有建廟不足的錢），就建起了現在看到的兩間小廟。

八斗公萬善祠落成後，餐廳的股東們每人都準備一副成禮來拜，而且，每年農曆五月二十一日開始，青葉餐廳都會在廟前作戲作好幾天，楊麗花也是青葉的股東，以前當紅時，還曾經連續三年每年農曆五月二十一日來這裡作戲作三年，甚至吸引了許多從基隆趕看楊麗花歌仔戲的人，作完三年的歌仔戲之後，第四年沒來，聽說身體不舒服，而且，那一年青葉餐廳的廚房還發生火災，第二年趕來作戲之後，聽說生意又越燒越旺了。

酬神作戲的種類有歌仔戲、布袋戲及放電影等，有一年甚至作戲作超過半年之久。現在多半作兩三天的歌仔戲後就放電影，布袋戲沒人看了。現在電視普及化放電影也沒了。

到八斗公萬善祠來拜拜的人很多，晚上尤其熱鬧，大家樂、六合彩很流行的時候，許多樂迷、彩迷也常來問明牌，有一次，有一個婦人贏了錢，就打了五、六面的金牌（一面幾分重）送八斗公萬善祠。