小一入學回顧之<聖瑪加利男女英文中小學>
呢間位於南昌站五分鐘路程的一條龍小學，囡囡K2時我已經去聽簡介會，原因係
1. 英文學校 - 唔係覺得英文優越d, 而係囡囡自小對英文較有興趣，希望佢有學習上嘅優勢，容易D建立自信
2. 一條龍 - 免卻因為考中學而造成嘅壓力
3. 語境良好 - 校內有不同國藉學生，又有多一種外語學(德、法、日、西班牙文)， 譬如你修德文，中學暑假就會送你去德國exchange，住喺德國家庭，反之人地個小朋友又會飛過黎你度住。擴闊小朋友嘅視野，又有生活體驗，而且外語仲會考埋DSE，唔係學黎玩玩下
4. 好多唔同類型的體育活動，學校都幾著重體育成績
5. 小班教學 - 一級只有兩班，33人一班，即是得66人。上主修科時，又會根據小朋友嘅程度，再細分做22人一班，呢個係呢間學校最吸引的地方之一。
呢間學校都算早開始報名，而且報名期好長，由六月至十一月左右，先報先面試。我一直都心儀呢間，於是六月頭已經報名，六月尾面試。
當日囡囡同大概五六個小朋友一組，由老師帶上課室，佢地會輪流去老師到答問題，選擇題多，有數學推理，亦會考英文、中文的會話(包括普通話)及閱讀能力，等候期間會被安排喺一邊畫畫油顏色(呢部分應該唔計分，純粹kill time)。家長就喺校務處前等，填左一份問卷，提供D簡單資料，仲有答左一兩條例如「小朋友有咩長處?」等嘅問題，十分鐘填完，於是就坐喺等，一等等左個半鐘。
時間都幾長，建議可以出外附近食個tea先返去。
囡囡終於出黎，見佢都好開心，但估計題目唔淺，佢話中文都有d字唔識讀。
由於報名期好長，校方又冇公佈固定的第二次面試日期，所以等候嘅時間好漫長，直至到十月頭，終於收到信去第二次面試，呢次就係小朋友自己入去見副校長，主要係傾計，校長比d書佢讀下，同叫佢單腳跳等等的平行力測試。
隔左十五分鐘左右，就會叫家長入去一齊面見，呢個步驟好關鍵，原來有得見校長，代表入讀嘅機會好大。校長會同家長講講小朋友剛才嘅表現，亦會詳細講解佢地的辦學理念。
當然面試完又係等，直至十一月左右，先正式收到取錄信，過程差不多半年，不過收左，等幾耐都值。
總結經驗:
1. 考得呢間，預左心理準備要等好耐，平常心就唔會太折騰
2. 小朋友面試前可能要睇多少少中文書，雖然係英小，但由於學校谷緊中文，面試的中文題都考得幾多
3. 唔駛問，英文一定要有番咁上下，尤其會話
4. 試下同小朋友練下平行力，對第二次面試應該有d幫助
國 小 數學推理 題目 在 數學邏輯題目在PTT/mobile01評價與討論 - 台灣景點資訊集合站 的八卦
小學邏輯推理題目，你想知道的解答。小学数学逻辑推理题精选(100题)-1、黑兔、灰兔和白兔三只兔子在赛跑。黑免说 ... ... <看更多>