五年前。呢首歌令我既事業180度turn around。
之前既晚晚禮拜六叫好但極不叫座。我被東亞邊緣化成為一個只出single不出碟由佢自生自滅既artist，所以我當時已經聞到味，再唔得就忽得，好驚好大壓力，當時預左呢隻好可能係我收山之作，所以就拼盡力誓必要寫一首保住自己既歌，又或者係就算收山都end on a good note既遺作。
要知道，當年首歌錄好，東亞同事開例會大家聽，負面反應居多，有好幾個高層同事都話，仲舊過晚晚禮拜六唔會work我地唔會出力推。但當條街勁好反應，DJ又好支持，亦正正係呢班同事最快9秒9變臉，話呢首歌真係好好要推下咁囉。
卒之，呢首歌成為我代表作，第一首冠軍歌。亦因爲環球Duncan勁鐘意呢首歌亦周圍講呢首歌係song of the year而約左我出來飲野繼而轉會。
啲野隔左咁耐，真係唔怕講。如果樂壇唱片公司係無政治同山頭主義，呢首歌分分鐘當年橫掃頒獎禮，但而家會識諗，當年贏到獎又如何，首歌留得係人心先係最重要。
Anyways，好多謝大家，尤其是DJ傳媒朋友當年咁俾面自動波去呢首歌，同埋當年所有力撐呢首歌既網民。邊個真心幫我，邊個9秒9變臉，我完全知道who is who，但都多謝你們給我上了人生寶貴一課。
#為執著乾杯
#藍奕邦歸位
#係時候咩都講晒出黎
#別忘掉原是靠堅持醫好每個傷患
#當年我寫完青春頌全東亞都reject添
#呢頭插完首歌OldSchool過兩日又讚隻歌勁感動
#變臉大法
#大開眼界
#敵不過政治
#鬼叫你唔埋堆唔擦鞋咩
#唔係我bitter而係呢個世界堅多仆街
#無論如何呢首真係GenuineHitSong
