尋日最爆嘅新聞，我首推呢一單！我唔講在泥頭山上燒烤呢件事幾有第三世界國家嘅感覺，亦都唔講合唔合法、有冇領牌呢啲問題。講真，劣食界KOL好多，但能夠做到百發百中，近乎每篇都係劣食的KOL係好罕有，你叫我點忍手唔婊揚你呢個劣食教母？
首先，我真心好欣賞呢個劣食教母嘅態度：「每個介紹都係憑良心」，大家睇下第二幅圖，佢講到幾咁真心又幾咁真誠，同喜劇之王張柏芝純情學生妹一樣咁真！對了，唔記得左俾返個背景資料大家，佢呢篇文係介紹著名法國餐廳Café De Coral（大家樂）嘅黑椒肥牛石鍋，而你又幾時見過有人咁真心去為左大家樂拍片？結果，立刻就有人貼相出來打臉，我自己睇都覺得好尷尬。只要廣告商俾得起錢，張柏芝都可以變純情學生妹，我明白廣東人做肥牛有好多方法，但既然入到高級法國餐廳，不如注意一下食相吧？另外呢…劣食教母，正所謂盜亦有道，你介紹食物唔駛用良心架，你肯用條脷就得架啦。
好啦，我地講返餐廳。劣食教母最屈機嘅地方係你跟佢試完中左伏之後，佢會屈返係你唔識得叫野食「跟住我叫的會比較穩陣」。喂，教母大人，俾幾舊水去餐廳食飯要求「穩陣」？唔係呀嘛？我要穩陣去牛陣啦，我要你介紹黎做咩？另外，好一句「一間餐廳並不需要全部食物都好食」，如斯歪理簡直震驚十三億人！咁係咪一個菜單並不需要全部食物都收費？抱歉，如果一個食客係需要為每一碟食物而付款，餐廳就需要每一碟食物都好食。你擺得上菜單、收得個客錢，點解可以有野係唔好食？你呢間係咩餐廳？
講食評呀嘛？人妻先生寫啲食評都好垃圾，所以我冇資格講，咁不如我地睇下米芝蓮點講？喺2013年Gordon Ramsay間餐廳一夜之間被米芝蓮搣走左兩粒星，大家知道原因嗎？
Michelin guide director Michael Ellis spoke of getting "some very erratic meals" and having "issues with consistency, and consistency is a huge thing for us." As it should be for ordinary diners too, who are paying their own money for an expensive meal.
每一個食評家所著重的，都不只是食物的味道，而是餐廳的「一致性」，推介得就代表你間餐廳大部份、甚以至每一道菜都達到水準要求。我真係唔知呢種香港特式的食評標準從何而來，好一個美食天堂竟然淪落到「餐廳唔需要全部食物都好食」。「十隻手指有長短」，咁你俾錢去食手指啦，我係黎食飯嘅，你收得我幾多，我就要求返幾多，你唔識煮就唔好擺落菜單，就係咁簡單。
再退一萬步講，再睇五、六幅圖，似乎間間餐廳跟住你叫都中招喎，點解嘅？咦？睇返佢講法，原來跟住佢叫都係「比較穩陣」，連穩陣都唔敢肯定，你嘅「推介」真係推晒啲讀者嘅忍耐力出界，會不會太不負責任了？而最可惡的，係一般KOL接鱔稿，都會盡量持平有讚有彈，但佢唔止一面倒hard sell，甚至仲會為左搶眼球而誤導讀者，好似第七幅圖，為左限住200蚊埋單望落吸引啲，夾硬做左個得14碟的8人火鍋餐，點睇就算8個細路都唔會食得飽。結果係每篇文都係條片好吸引，首二十個留言大力支持tag朋友，然後就會有讀者走出黎俾負評，如果海鮮多係賣點，就會有讀者投訴海鮮霉嘅；如果係話個放題場好多機器俾大家玩煮飯仔，就會有人投訴啲機壞晒，排隊要等好耐。其實如果你係鍾意睇人中伏，睇留言真係好治癒好減壓。
香港就是有太多這樣的打手，出賣良心欺騙讀者的信任，一次又一次地推介質素參差的餐廳，說著似是疑非的歪理去蠱惑讀者，甚至為了自己獲利而去灌輸讀者錯誤的知識。利用自己讀者的信任是卑鄙，睜著眼說歪理是無恥，香港有著如此卑鄙無恥的KOL，難怪讀者的水平永遠不會提升，只會越食越劣。
#賣廣告冇講明已經違反商品說明條例
#廣告與實物不符亦是違反商品說明條例
#這不是廣告
#是欺詐
#赤裸裸的欺詐
#三番四次都中招嗰班係唔抵可憐架
#受騙的那個比騙徒更混帳
#蠢人有惡報
#仲有冇人記得自己寫文分享的初心
#可曾記得愛
可曾記得愛 在 可曾记得爱 的八卦
可曾记得爱. 69,419 views Apr 5, 2014 … ...more ...more. Show less. 415. Dislike. Share. Save. AnimeCollectionFY. AnimeCollectionFY. ... <看更多>