《女老師與空姐的單身剩況》
「我叫阿欣，今年24歲，岩岩畢業，任職小學英文老師，人工二萬頭，先簽一年約，但副校長話表現好下一年就有Perm Offer……」
一年前，我就係咁樣開始同大家分享做Miss嘅辛酸。一年後，當我仍然係一位單身老師，仍然喺呢間學校朝七晚七，殘到唔敢見人嘅今日，想再update下我嘅近況。
「一間學校最令人頂唔順嘅，唔係班細路，而係行政，開無限個會，阻晒我啲時間！」我約咗我嘅Best Friend，之前做地勤嗰位Rachel出嚟食飯呻下。
「抵你架，之前我介紹啲男仔妳識，又唔把握機會做少奶奶，咁好條件，靚仔又有錢妳都放佢走……」Rachel一邊講，一邊將啖凱撒沙律放入口。
「係校長無啦啦話要開會先甩底咋，不如話你個Friend咁小氣……」我拮極都拮唔中粒番茄。
捱咗一年，我真係如副校長之前嘅承諾，升咗我做Perm，但咁又代表咩，只係仲忙咗，嚟緊仲話要我設計全級嘅新課程同教案，帶多隊朗誦隊，全校推行電子教學……我已經唔知咩叫「私人時間」。每日依然係改簿開會備課鬧人，改簿開會備課鬧人……有時食飯都無時間……每一日都重重複複。
拍拖未？每日都會有個男人等我收工，就係校工叔叔。
我望住眼前愈嚟愈靚嘅Rachel：「妳就好啦，成日同圍飛，又大把人埋身，收工又成班人去飲嘢好Free呀！」
Rachel喺呢一年間，已經由地勤轉咗做空姐。
「哈，妳真係以為個個空姐都好似啲人咁講，咩『飛雞』，日日畀機師撩，落club識鬼佬咩，有，都唔係你想象中咁……」
「睇嚟有嘢爆喎……」
「畀我試啖妳個飯先！」
我將個意大利飯推咗畀Rachel之後，佢就話：「啲機師成日都著晒制服落去蒲，Show自己幾多條柴，有次呀……有個機師賴有型走埋嚟問我有冇睇過……」
「王家衛？Coen brothers？Gus van sant？」我問。
「佢Chok晒樣咁，原來係問我有冇睇過Fifty Shade of Grey……佢話好鐘意飲男主角成日飲𠴱隻Gin……話請我飲返杯。」Rachel忍唔住笑。
「咁你點答佢呀？」
「我哋冇人理佢。佢同個個女仔都係咁樣開場。」
Rachel話我得閒真係要落去見識下啲狗公，唔係同佢哋發生關係，而係睇下男人有幾壞。佢話最近先有個消防員，有老婆仔女都仲煩住佢。
「但我而家無落去喇，呢啲關係始終唔長遠，佢哋會認真咩？ 我落去𠴱幾次都係當俾面個阿頭。」
我記得Rachel講過，佢選擇做空姐，係想見識多啲個世界，唔係個個都入行為咗吊金龜。落LKF飲嘢，只係有時避免唔到要應酬。
「成班人去，你唔去會好掃興。」Rachel又諗返起佢Training𠴱時唔肯擦個阿頭鞋，所以差啲唔Pass，原因係畀佢話笑得唔夠好睇。
傾下傾下，甜品己到。
「阿欣，你幫我食吖，我聽日約咗人，驚肥呀！」Rachel推咗個梳乎厘畀我。
「又話唔蒲！」我豁出去，一啖心太軟，一啖梳乎厘，肥都唔理啦！真係好大壓力，好想食甜嘢減壓！
「呢個唔係club識架……」佢拎咗部電話出嚟打開咗個網畀我睇，E唔知咩。
「唔係卦，妳都信呢啲？」
「本身我只係諗住玩下佢個性格分析，幾得意！」佢再同我解釋：「之後會幫你配邊啲男仔岩你，玩下玩下，睇下自己喺市場上咩Level都好吖！」
「邊有人信妳呀，咁靚女又空姐都要配對！？」我質疑。
「我唔細喇，我想認真拍一次拖。」佢陰陰咀笑：「其實Match返嚟啲男仔條件都好好！」
「好就唔會冇人Mark啦！」我又質疑。
「妳估全世界得妳忙到冇私人時間咩……」Rachel補充：「肯定嘅係，唔會遇到𠴱啲有老婆仔女嘅消防員，因為一早畀人Ban晒。」
我再望一望呢間「E字頭」嘅公司嘅網。
「記唔記得我哋以前喺公園仔話過要嫁個有錢人。」Rachel示意叫侍應埋單。
我答佢：「結果妳畀個MK呃，我就一直單身。」講完後，Rachel同我都諗緊嘢咁，我個腦入面不停重覆佢𠴱句：「 我想認真拍一次拖。」
我問佢諗咩諗到入晒神，佢話：「我想我哋兩個都幸福，我同妳都已經錯過咗好多時間。」
單身唔可怕，可怕嘅係冇勇氣去改變，停留原地重複失敗。
「我哋兩個都會搵到Mr. Right架！」起身一刻，我同Rachel講。剎那間好似返返去十幾年前我哋著住校服傾心事傾天光咁，嗰時嘅我哋，對愛情依然充滿住昐望。
踏出餐廳後，我將E字頭嗰個網由Rachel手機copy & paste Send畀自己，eSynchrony。
呢步係從未試過嘅新一步，但我知道，下一頁終會係好結局。
(此文由eSynchrony贊助，入去睇更多內容啦： http://bit.ly/lovesapiah)
凱撒沙律英文 在 超簡單凱薩沙拉，沙拉醬的英文怎麼說？阿輔告訴你！（Easy ... 的八卦
超簡單凱薩沙拉，沙拉醬的 英文 怎麼說？阿輔告訴你！（Easy Caesar Salad）｜Afu ABC：做素食維根料理學 英文. ... <看更多>