［#公立醫院醫生投稿］#醫生朋友哭訴醫護慘況
#請廣傳
我哋依家要淪落到N95入紙袋循環再用，用豬肉佬膠枱布同黃色level 1 PPE， faceshield 自己清潔.....然後去幫病人插喉.....仲要一個case 只許用一件膠加黃色level 1 PPE。
開case插完喉就放埋一邊晾衫咁掛起，完case 拔喉就著返上身...... 而且所有以上裝備要被lock起，我哋要用要記名，點數.....而家只係搏彩咁搏個病人夠乾淨，唔係武肺隱形帶菌者。
而家乜野年代？
有啲所謂經歷過沙士嘅人會鍾意講，嗰陣時03年沙士，我地咪又係咁樣咁樣過，得一個N95用全日... 而家已經好好啦！
我想講，嗰陣時一係你好彩，一係你跟本冇入過去真SARS ward做，唔好爭住拎光環！
SARS 係一個用人命換返嚟嘅慘痛經歷，當中的教訓醫管局有冇去學習過?？
百幾年前d人都用草紙忟屎啦？ 而家又唔見你照做? 洗手咪得囉！而家d洗手液加埋香味添，好香架，唔見你做?
究竟而家係乜野年代? 唔好，唔該唔好仲同我講緊17年前你地係點點點...仆街!
仲有，所謂既ICN (Infection Control Nurse)呢種廢物，從來都唔係真正落手做clinical work嗰個... 平時冇事冇幹就攞住張紙好似風紀咁匿埋check你有冇洗手...當你做都屎淋尿瀨既時侯，就去嚟同你哋講：「你地個ward fail 咗，因為頭先有同事掂完個牌板冇洗手就掂病人...」
我挑！ 做野救人幫人呀，仆街！唔好咁離地啦，夠人手我幫病人沖個靚涼吹埋頭搽埋甲油都得! 洗你喺度指指點點!
好啦ICN...最初又話AGP (Aerosol generating procedure) 要全副gear ... N95， faceshield、包頭，level 3 PPE..用完要點點點degown 就包包包實先好掉....所有野就最高規格咁...
而家呢？ ICN 死哂去邊? HA 話唔夠裝備啦…咁就搬龍門啦…唔洗最高規格啦，用膠加黃色袍就夠啦，N95口講話入紙袋，唔敢寫低點re-use, 亦冇人過黎教你點re-use … 乜野事呀你地? 夠膽就白紙黑字寫低話合乎國際標準! 得個講字呀？ 龍門任你搬，唔洗落手做又唔洗負責，你玩哂丫！
#睇到心都酸
#其實玩死晒啲香港醫護邊個醫你班仆街
#警察加薪醫護只有加辛
#晾N95可以消毒咁駛咩醫生
