做人最緊要開心英文的八卦，PTT和Yahoo名人娛樂都在討論

「A woman is like a tea bag. She only knows her strength when put in hot water.」Nancy Reagan這句說話，令我想起前港姐冠軍譚小環在銅鑼灣賣魚蛋。

Frankly，I was shocked。但震撼過後，我Daisy由衷敬佩。一位港姐冠軍、曾是萬千少男心中的女神，放下身段在鬧市賣魚蛋，你以為容易？這種韌力，能屈能伸，怎不教人佩服？我呼籲各位，每人去她的店買一串魚蛋以示支持。當然，也不單止女性，男人也可以很像「tea bag」，一切都是EQ和AQ。

從網上新聞的照片看見譚小環剪了一頭短髮，戴上粗框眼鏡，在一盤魚蛋前不斷問客人：「要辣定唔辣？」從片段中還看見她和母親二人在街上推車仔運貨。

傳媒馬上給她起了「魚蛋妹」的稱號。記者問她會否介意這個稱呼，她說：「去到呢個階段，已經無得介意，職業無分貴賤，魚蛋妹都係人，靚唔可以當飯食，因為它不是永恆，沒有人可以永遠保持美貌的。所以無論做什麼也好，最緊要過到自己的關口。」

我認為「靚」有很多種。四十一歲的譚小環當然已沒有十八歲時候的青春，但她能夠不理別人的眼光，做自己認為該做的事，比那些整天塗指甲的闊太靚得多。「靚」是一種態度。即使要說外貌，譚小環才四十一歲，今天的護膚品這麼先進，只要注重飲食和保養，女人看來比實際年齡後生十年是應該，看來比真實年齡老就是活該。

現在的譚小環依然清爽苗條，令人感覺很舒服，以這樣的條件還是可以繼續在娛樂圈工作的。但正如一些藝人最終選擇轉行，譚小環在無工作十八年後決定改行開舖賣小食。

抱怨是一件很容易的事，行動卻很困難。要跳出自己的comfort zone，冒風險，也可能被嘲笑。相比起來，坐著一動不動，賴天賴地或緬懷過去當然輕鬆得多。但我喜歡英文專門劃開一組past tense，它在悄悄地提醒：「Hey，你現在說的風光史已是N 年前的舊聞呀！Please，別那麼婆媽好不好？」

放下身段並不容易，尤其對那些頭上有光環（或自以為有光環）的人而言。但抓著過去死不放手，一定不會開心。好像Woody Allen的電影《情迷藍茉莉》（Blue Jasmine ），由Cate Blanchett飾演的女主角Jasmine就是最佳例子。Blanchett把角色發揮得淋漓盡致，憑這次演出奪得奧斯卡最佳女主角獎。這是一部喜劇，她卻演出了這人物的悲哀。

戲中的Jasmine 由一名曼哈頓闊太淪落到一貧如洗、無家可歸，正是因為放不下昔日風光。丈夫愛上小三，要跟Jasmine離婚，她本來可以拿著贍養費好好過活，或另結新歡也不錯呀。她卻選擇報復，令丈夫入獄，兒子因而跟她翻臉，家財被充公。

她惟有投靠草根階層的妹妹，心中卻又看不起她。即使已經破產，Jasmine還是繼續活在妄想世界中，以為自己仍是闊太，落難居然還學人搭First class！她千方百計釣金龜，本來計劃進展出奇地順利，但最終還是逃不出過去種下的因。我想這個角色大概是Woody Allen電影中下場最悲慘的人物吧。拒絕面對現實只會加速死亡。

做人永遠都要向前看，明天的事誰會知道？說不定譚小環有天會成為魚蛋界一姐。「如果人(口地)見到我，記得我係魚蛋妹，都好呀！」她笑說。拿得起放得低-----型。 (摘自王迪詩信報專欄. 閱讀王迪詩其他專欄文章: http://www.daisywong.com.hk/?page_id=145 )

大家好似好擔心移民過到黎，啲英文講得唔好會俾人笑。我想講嘅係：你唔好咁on9啦，你有冇見過鬼佬移民黎香港，會擔心自己啲廣東話講得唔好會俾人笑呀？

即係咁，你個樣點睇都唔似英國人（除非你隻美白護膚品真係好堅啦下），而你開口有其他國家嘅口音，係好正常，甚至有啲人會覺得好sexy，所以首先你唔好介意自己啲口音，英國人人都有口音，呢件事係好普遍，大家都係咁生活，一樣活得好好的。最差嘅係你成日睇唔起自己，就好易覺得人地歧視你，咁樣嘅日子點會覺得開心呢？

做人自信啲好不好？

另外，去他的文法，我尋日開會鬧9班印度佬咪又係I does not thought bla bla bla... 係呀， I do not think 唔係I does not thought ，成件事就好似香港黑警記者會啲英文咁錯L晒，但依家我追緊進度，我唔通講「Sorry my English is so bad」然後重新再講過咩？講野流暢比起文法更重要，文法差最多係騎呢，但溝通到就ok架啦，唔通開會下下俾五分鐘你組織文法，諗好寫埋落紙再proof read埋先再朗讀你嘅意見出黎咩？我個波蘭同事急起上黎，講波蘭文都係咁啦😂😂😂 聽唔聽得明？梗係聽唔明，但語氣聽落好似好緊急咁囉 😂😂😂

得罪講句，係香港人先咁鍾意執人啲文法，你老尾send封email提你條富貴竹approve單野，你唔L approve但走黎捉文法係咩玩法？邊樣先係正經同緊要，你幾廿歲人半隻腳行左入棺材都唔識分架咩？我在香港時遇過好多呢啲「執文法的西女孩」，正經野又唔討論，就係捉埋晒呢啲嘢，普通email Best regards 同regards都要拎黎講，好心啦，你很閒是嗎？

黎到英國，雖然工作環境充滿西人，但完全冇呢啲臭西人，真係覺得身心愉快，家宅平安。

#真係講起都嬲嬲地
#咁鍾意改文法唔見你同考評局申請做改卷員
#首先你講到就得
#講得多講得耐就會好
#你睇我啲OhYesSirItsSoDeep講得幾標準
#我次次講都冇人捉我Grammar架
#英女皇都冇我講得咁好
#唔信你叫英女皇講一次

幾小時前一個講facebook safety check的一篇短文，短短半天，被分享了近四千次，觸及範圍達八十一萬人。最重要的是，很多人看到這篇文後，都撤回了誤用的求救post，把空間留給有需要人仕，這是我寫那篇文的重點，能夠幫到大家、留返多一個求助渠道俾需要幫忙的人，這就夠了。

在這裡我還是要謝謝各位前輩（尤其是健吾姐姐）幫忙分享，才能有這個成績。另一方面，我想很誠心地感謝，一直以來都有在我這裡留言的讀者朋友。這裡合共超過400個留言，每個留言我花一分鐘，也得花六小時才能處理完，更不要說有些存心來找碴的傢伙。非常感謝大家幫忙留言，拔刀相助，在我爆炸之前收左好多呢啲煩膠嘅皮。

好吧，每隔兩千個新的follower，我這裡也得重新說一次我這裡的規距。首先，這個page我保證除了羅賓漢行動外，絕對唔會出現任何廣告，我保證我每篇文都冇收任何人錢。我開個page黎係分享我的世界觀，你喜歡可以很喜歡，你不喜歡一定會憎到我死，但是，我不介意，因為我唔係靠你個like食飯，亦都唔會因為多左定少左個like，而改變我的理念同信念。所以請你唔好當我呢度係其他的專頁，可以任你撒野。入屋叫人尊重主人家是基本禮貌，呢個page之內，我係主場，你係客，你要是不懂禮貌，就不要怪我不作款待。唾面自乾絕對不是本家風格，你冇家教，我代你老母教，就是這樣。

講完勞氣野，我就再講啲更勞氣嘅野。我睇左幾百個留言，我依家一見到留言講「理性分析」我就真係頭痛。呢啲話自己「理性分析」的留言，同大陸講自己「民主文明」簡直係一模一樣。佢地嘅理性並唔係一般的理性，而係佢地帶有個人強烈情感的理性，即係同條女西曬面但死都要話自己「我冇嬲」係無任何分別。遇著佢地，往往都係秀才遇著兵，有理說不清。

「唔應該直接拎外國嘅價值觀批評香港嘅文化」、「幫手鬧少啲香港，唔好咁自卑睇唔起香港野」、「but I wonder how much you understand British Culture」

係呀，佢地覺得自己好冷靜，但一開口句句都充滿個人意見，明明自己用字侮辱你話你自卑在先，但你一起佢圍佢就會話「你冷靜少少」，講到反而係樓主本人潑婦罵街，呢招真係好絕。如果唔係白紙黑字有晒前文後理，我俾佢咁樣描述完真係「好唔冷靜」。

你試下第一個comment俾人imply媚外「拎外國嘅價值觀批評香港嘅文化」，但之後第二個comment又用更白人優越的語氣用英文去講「其實我都唔知你有幾認識英國文化囉」，然後再下一個comment同你講debate係英國國會develop出黎… 嘩~ 到呢啲龍門飄移到十號風球咁款的人，我係真心跳掣。你老幾呀同我講英國文化？你係lord定係sir？我同個Sir 上床，你都未有機會行入去佢後花園呀，而碰巧我舊公司大呀頭就係一個lord，係呀，聽佢地講歷史講文化係好開心架，但咁又點呢？英國文化我唔識太多，不過我從呢啲男人身上，學到咩叫「騎士文化」和「紳士文化」：英勇無畏、憐憫弱者、謙卑禮貌，這是我認識的英國文化。至於拎天災死人塌樓去作為一個「俾香港人一個假一個鬆下的機會」，這和我認識的英國有點不同，你是去大陸世界之窗那個英國學回來的嗎？說好的憐憫之心呢？說好的博愛呢？

如果你見到「人妻先生手記」就以為係一個好好蝦，乜都唔識的師奶，你真係錯得非常非常非常緊要。平時可能你一兩句英文，講下英國和歐洲的見聞可以呃下啲妹妹仔。但係老子我，呢啲食盡天下男人的得道老妖，你完全唔係我個水平的對手。噗嚇，還妄想跟我debate了？幾多人等緊同我傾計，我一定要招呼你架？貪你口臭？定貪你隻蕉？(I mean黃皮膚白人心) 你有18cm嗎？沒有就別插隊了。

仲有，你可以質疑所有人，但你絕對唔可以質疑我對香港的感情。我對香港冇感情、唔為香港自豪的話，我唔會離鄉別井都仲繼續日日喺度寫文，每日起碼用兩個鐘寫文同回comment，你講到自己咁為香港，你有冇每日免費拎兩個鐘出黎？你有，你先叫做同我平起平坐；你冇，又憑咩黎叫我幫手鬧少啲香港？你對香港的愛就係咁膚淺，因為你打從心底始終覺得，自己是個比香港人優越的人。我和你不同，我知道自己優秀，我也承認自己優秀，所以我會用盡我的能力去幫香港，我就係覺得有得救先至會繼續治療啊！我就係覺得香港人唔係黑心，只係貪玩或者唔明白個系統，先會出文去鬧呀！你有冇見過我譴責過強國？我去開個微信帳號寫文，仲隨時有打賞添，點解我要留在facebook寫無錢收的文？我時間多得濟？落吧溝多兩條洋腸玩下唔好？

最後，我再講多一次，你唔好同我講禮貌，你唔俾面我，我駛乜俾面你？要是對爛人我都咁好聲氣，咁我點對得住長期都對我咁好的讀者朋友同各位前輩？以德報怨，何以報德？

#你真係唔好同我講文化
#我喺香港電台開咪講文化嗰陣時你都未玩facebook
#亦都唔好同我講英國議會規則
#我十年前大學上莊就係跟呢套
#order到你鬼都冇得做
#人妻先生係男人
#人妻先生係同志
#人妻先生係婊子
#但人妻先生唔係壞人
#我話過起你圍講得出做得到
#放心我冇開名
#放心我亦都block左你
#放心冇人搵得返你個comment
#保護弱者係強者的天職
#縱使你真係好乞我憎
#我都係會保護你
#我很婊但我很溫柔