上星期一位男性朋友分享咗佢近排ptgf嘅經驗。
「肺炎呢期好危險喎，有無咁渴呀？」
「咁有無得錫咀㗎？」
「成年未㗎？你驚唔驚佢偷影你啲相然之後勒索你？」
朋友一唱一和，我反而就好專心咁睇緊朋友share出嚟嘅tg group，裏面唔單止有ptgf仲有ptbf。雖然只係得打格頭像同自我介紹，但係對我來講已經好juicy。#原來真係有好多人做好多人幫襯 #個group有成三萬人
Btw，俾返小小男性朋友背景：全職富二代，感情狀況complicated。老竇俾咗幾層樓佢收租過日子，夜晚無聊就揸下架tesla做uber。佢做到sugar daddy全因為佢有一個rich daddy。
「咁你係咪真係有戀愛嘅感覺？」到我忍唔住問。
「Er...起碼我覺得佢唔係貪我啲錢囉。」
「唔係貪你啲錢!!!!!!!!!!!!!!!!!!!!!!」
#全部人聲量大到頂樓都聽到。
「唔係....咁起碼明碼實價，你知道佢唔係有其他目的。」
「無其他目的!!!!!!!!!!!!!!!!!!!」
#大聲到爭啲俾人投訴。
只有寂寞男人先會花錢去買一段如夢嘅關係，因為喺價錢牌底下男人能夠預測結果，唔再需要面對被拒絕，同處理欲拒還迎嘅關係...佢會得到想要嘅結果，因為佢係個客。#誰俾錢誰是客
舊年代嘅女性一直活在保守嘅禁慾文化之中。作為女人，一定要將愛情、婚姻、同性三樣綁埋一齊，是但一樣拆開就代骯髒羞恥。而家社會終於開明，已經能夠逐漸接受三樣分割，提倡女性自行決定身體自主權。 #其實係好事
係...雖然話就話個身體係你嘅，你想點都無人阻度你，但當你將身體同錢綁埋一齊嘅時候，你有責任去履行一個職責，就代表自主權已經唔再喺你度，咁樣其實唔係有啲背道而馳咩？#問題嚟嘅
既然行得走得，點解要瞓住賺錢？
#廢腑之鹽
#定話我已經其實太落後
#都係錫自己係最重要
