阿媽：「你仲記唔記得邊個區太？」
「咁乞人憎，好難唔記得喎。」
阿媽：「你唔好咁冇禮貌啦，佢個仔呀，幾叻呀，上個月買咗樓喇。」
點解我咁憎區太呢？因為由細到大佢都走去吹噓自己個仔呢樣嗰樣，而我阿媽就係一般師奶性格，聽到之後又真係覺得好勁，下下揾我去比較，呢樣係好多香港家庭嘅傳統弊病，人人都係獨立個體，有咩好比較呢？
買到樓就叫叻咩？唔斷供，保得住先再算啦！
嘩，乜講嘢咁毒呀？聽埋我講先，絕對唔係要詛咒人，呢啲只係做headhunt時嘅所見所聞。我每日收咁多CV，見咁多人，本身有份高薪厚職，但突然面臨公司裁員嘅candidate真係見唔少，有啲人唔大洗又冇負擔可能好啲，不過孭住層樓，肯馬死落地行仍然入不敷支嘅亦大有人在。
印象最深刻係有一個candidate，佢本身份糧接近4萬，CV寫住私人原因辭職，又相隔兩年冇做嘢，呢類case要sell畀客確實有難度。原來佢之前患病，身體狀況急轉直下，好記得呢位candidate同我講：「自己本身有積蓄，頭一年都仲可以，但係去到第二年，開始有好大心理壓力，怕坐食山崩，但係健康問題又唔適合搵fulltime。」
好開心聽到佢最後好返，不過同時好心痛，佢話去見工時唔敢同HR講得太白，因為驚人哋知道佢之前健康出問題，最後會唔敢請佢，結果去幾個interview都支吾以對，反而影響咗表現同埋受聘機會。
幸運地，我最後都幫佢搵到一間好公司，仲記得係返太古城，雖然份工間唔中都要OT，不過規模都幾大㗎，對家亦好體諒佢呢兩年嘅經歷，一拍即合咪好囉，幫到人，我又有佣收。
再重申一次，雖然我唔多like區太，不過亦唔會咒佢個仔嘅，只係人生有太多嘢唔係按照軌跡運行，例如你份工同埋你嘅健康，供樓、供車、供乜供物，可能會令你嘅生活豐富咗，享受多咗，但同時都係一直孭緊不同嘅重擔上身，所以有車有樓唔算最叻，保得住，有後著，有埋周詳部署，咁先至安心同穩陣。
我唔係做保險，都唔係sell你買保險，我本業只係一個headhunt，所以關於按揭保險、年金、人壽等等嘅保險知識，直接去保聯同學會 HKFI Smart Union睇下啦，保險產品種類多，受保範圍要清楚，最後你選擇咗邊種保險，揀咗邊間公司，搵咗邊個agent，唔使同我講㗎，最緊要係買之前睇清睇楚，要真係幫到自己呀！
#保聯同學會 #保險產品種類多 #受保範圍要清楚 #按揭保險 #年金 #供到樓未算叻 #有埋周詳部署先至最叻
