《有感而發》
剛客串左一節《4點痴線財經》，同大家分享一下我既感受。响接到棠哥既邀請之前，我已經一早就知道，今集會討論我有幾「燈」（當然係指我推介既科指啦）。佢地想請我同大師同框去撼一撼，節目效果既野，我當然明，亦無任歡迎。事關响科指既問題上，我從來堅持大家應該等半年之約過去喇（即係十月打後）先至黎審判我。
我好多謝棠哥，佢搵左大師，仲有煎Sir黎「拱照」我。而節目名更加改為「4點『光』線財經」。節目中，大師繼續照舊高談闊論佢既鐵塔（788），煎Sir就講佢响兩舊水推過既比亞迪（1211）。而我，當然係講返科指既ETF（7226）同停緊牌既保協助鑫（3800）。對好多人黎講，呢個節目既設定係挖苦；對我黎講，其實係學習。
五、六年前未入行既我，都有試過當股評人係「燈」。入行之後，我好快已經無呢種感覺，因為我越黎越了解部分散戶既流弊（多少係源於短視，如果唔係惡意既話），越黎越了解做呢一行既難處（多少係被斷章取義，如果唔係被挑骨頭既話）。响我面前既，係兩位响我未出道前已經獨當一面既前輩。佢地既歷練，絕對比我多好多。
與其去懷疑別人挖苦你，點解唔欣賞一下兩位前輩，如何從容回應別人既批評，仍一笑置之，甚至係自嘲作樂。作為股評人，豁達係維生必備既技能，而最緊要既係：要對得起天地良心！無人會時時都得到所有人既認同，但我地都要時時做好自己。今日，我有幸同兩位前輩同框，獲益良多，祈望我响將來都可以同佢地一樣笑看風雲。
😌
足本重溫：
https://youtu.be/ImmE3vFvQ28
Raga Finance #4點痴線財經 #沈振盈 #羅尚沛
羅尚沛 在 羅尚沛 的八卦
羅尚沛 （英文：Eugene Law），香港著名財經名嘴，現任銀河證券業務部發展董事。主力研究中資概念股的投資價值，對中國經濟及金融市場有深入了解及獨到分析，屬於 AH 股 ... ... <看更多>