但要搵食呀嘛的八卦，Yahoo名人娛樂都在討論

【Yes, UA 特約】邊條蛋散發明番工？

香港打工仔，究竟喺一日內會講幾多次「我唔想番工呀～～」

星期一朝早6點半，好似影印機咁嘅人生又開始。阿娟照舊起身，機械式梳洗，換好頹衫頹褲頹鞋，拎住頹袋出門口番工。

明明得106磅，阿娟每朝都好似拖住4條西伯利亞座頭鯨夾埋9600噸嘅疲乏身軀，登上西鐵車廂。由於喺天水圍站上車，啲位已經被屯門街坊攻佔晒，又唔敢同手持2蚊乘車優惠嘅九旬阿婆爭坐關愛座。每朝阿娟都好唔忿氣，揸住扶手企足廿幾個站，車卡個個都係面如死灰嘅打工仔，猶如一車車運去凍肉鋪嘅行屍走肉。

阿娟打開新聞app，唔係樓價破頂，就係樓市專家睇好後市嘅新聞，勾起阿娟心入面一條刺：「明明隔離 team 林太做嘢又慢又廢，人工高我幾截？我有咩比唔上佢？」就係隔離 team 又蠢又鈍嗰個林太，偏偏阿頭就升佢，人工年年勁加，bonus 又和味，前幾年林太仲買埋嘉湖山莊，阿娟仲住緊公屋……「唉，我唔想番工呀。」

一番到公司，又要對住嗰位明明過咗更年期，但都仲係成日嚟 M 嘅阿姐，阿娟只好戴住副「烚熟狗頭」面具對住佢……「唉，我唔想番工呀。」明明同阿媽講好今晚番屋企食飯，點知阿姐劈頭一句就話今晚要 OT…… 「唉，我唔想番工呀。」

「喂唔好意思呀，我嚟緊又要請 annual，你可唔可以幫幫手跟吓新接嗰個 project 呀？」又係一年請六萬次 annual 射九萬次波，公司有喜事就第一個搶住嚟邀功，有屎就第一個搶住嚟卸膊嘅豬同事……「唉，我唔想番工呀。」夜晚9點終於收工，喺阿娟搭西鐵唯一有位坐嘅時間。佢望住對面位西裝會計友，四目交投，雖然互不相識，但係眼神寫住：「唉，我唔想番工呀。」真係心有靈犀。

（60年後～）
搭完程西鐵，好似電視劇咁一轉，時間已經嚟到60年後（2077年），阿娟個衰妹已經83歲，佢訓喺病床，回想起人生講得最多嘅一句說話，竟然係：「唉，我唔想番工呀。」趁仲有時間，討厭番工嘅你又有無諗吓點改變？

#番著份唔鍾意嘅工真係好慘 #但要搵食呀嘛
#你養我呀家吓 #求包養 #講吓姐
=======================================
忠告：借錢梗要還，咪俾錢中介
查詢及投訴熱線：2681 8888
放債人牌照號碼：0629/2017

多謝高登先個friend ，多謝 King Jer先，雖然係特約廣告，但能夠踏上King Jer 娛樂台感到真心榮幸！ #能夠同時裝教父教母車禍宇宙巨星降魔的士陳汪呀姐等時代巨人在同一版面出現感到好surreal #多謝KingJer #UA亞洲聯合財務 #yesUA #借錢梗要還咪俾錢中介 #唔係有缐娛樂台係KingJer娛樂台呀喂 #KingJer #kingJer娛樂台

【Yes, UA 特約】邊條蛋散發明番工？

香港打工仔，究竟喺一日內會講幾多次「我唔想番工呀～～」

星期一朝早6點半，好似影印機咁嘅人生又開始。阿娟照舊起身，機械式梳洗，換好頹衫頹褲頹鞋，拎住頹袋出門口番工。

明明得106磅，阿娟每朝都好似拖住4條西伯利亞座頭鯨夾埋9600噸嘅疲乏身軀，登上西鐵車廂。由於喺天水圍站上車，啲位已經被屯門街坊攻佔晒，又唔敢同手持2蚊乘車優惠嘅九旬阿婆爭坐關愛座。每朝阿娟都好唔忿氣，揸住扶手企足廿幾個站，車卡個個都係面如死灰嘅打工仔，猶如一車車運去凍肉鋪嘅行屍走肉。

阿娟打開新聞app，唔係樓價破頂，就係樓市專家睇好後市嘅新聞，勾起阿娟心入面一條刺：「明明隔離 team 林太做嘢又慢又廢，人工高我幾截？我有咩比唔上佢？」就係隔離 team 又蠢又鈍嗰個林太，偏偏阿頭就升佢，人工年年勁加，bonus 又和味，前幾年林太仲買埋嘉湖山莊，阿娟仲住緊公屋……「唉，我唔想番工呀。」

一番到公司，又要對住嗰位明明過咗更年期，但都仲係成日嚟 M 嘅阿姐，阿娟只好戴住副「烚熟狗頭」面具對住佢……「唉，我唔想番工呀。」明明同阿媽講好今晚番屋企食飯，點知阿姐劈頭一句就話今晚要 OT…… 「唉，我唔想番工呀。」

「喂唔好意思呀，我嚟緊又要請 annual，你可唔可以幫幫手跟吓新接嗰個 project 呀？」又係一年請六萬次 annual 射九萬次波，公司有喜事就第一個搶住嚟邀功，有屎就第一個搶住嚟卸膊嘅豬同事……「唉，我唔想番工呀。」夜晚9點終於收工，喺阿娟搭西鐵唯一有位坐嘅時間。佢望住對面位西裝會計友，四目交投，雖然互不相識，但係眼神寫住：「唉，我唔想番工呀。」真係心有靈犀。

（60年後～）
搭完程西鐵，好似電視劇咁一轉，時間已經嚟到60年後（2077年），阿娟個衰妹已經83歲，佢訓喺病床，回想起人生講得最多嘅一句說話，竟然係：「唉，我唔想番工呀。」趁仲有時間，討厭番工嘅你又有無諗吓點改變？

#番著份唔鍾意嘅工真係好慘 #但要搵食呀嘛
#你養我呀家吓 #求包養 #講吓姐
=======================================
忠告：借錢梗要還，咪俾錢中介
查詢及投訴熱線：2681 8888
放債人牌照號碼：0629/2017

正在籌備演唱會和全新廣東專輯的古巨基，今次專輯概念是香港故事，當中有不同題材的歌曲都會令香港人感同身受。來到第二主打，古Sir便請來一位字字珠璣、句句精闢，讓香港人最有共鳴集結的子華神，黃子華！

「香港很需要一個黃子華，帶給大家歡樂也帶給大家一些舒緩，而這首歌正好記錄了子華的部分心血。」古巨基說。

Now available on:
------------------------------------------------------------------
iTunes – https://apple.co/2ItCBSV
Apple Music – https://apple.co/2tRyzke
JOOX – https://goo.gl/2jqqST
KKBOX – https://kkbox.fm/cSLd2Q
MOOV – https://s.moov.hk/r?s=OopQdP
Spotify – http://spoti.fi/2GxPRFK
hmv PLAY – https://bit.ly/2pNlNP2
MusicOne – http://bit.ly/2piea2f
3HK – http://bit.ly/2tSETbg
MyMusic – http://bit.ly/2GvwkFP
------------------------------------------------------------------

主唱: 古巨基 featuring 黃子華
作曲: 雷頌德
作詞: 林夕/Rap 詞: 黃子華
編曲: 雷頌德
監製: 雷頌德

黃子華(RAP) ：
喂喂喂，世界好簡單，但係人類好複雜。
係咁㗎啦，好出奇啊？搵食唧，犯法呀，我想㗎？

古巨基(唱)：
神救贖人世 靠笑穴
能誘惑人笑 要夠絕
人生有什麼 好喜悅
子華說 子華說

黃子華(RAP) ：
喇各位我哋唔係唔負責嘅人，為咗爸爸媽媽短短一剎那嘅快樂，
我哋負責咗幾十年喇，真係橋到船頭自然直啊？定係船到橋頭變林夕啊？
拉拉鏈又一日，唔拉拉鏈又一日，無人搵你做野你咪當自己係偉大嘅藝術囉，生勾勾嘅時候係唔會得到應有嘅尊重，我恭喜你，你仲偉大過偉大嘅藝術家，死咗都無人尊重啊！
不過輸少當贏啦，係輸淨少少都當係贏。
哎呀！若要人不知，唔好咁低B。

古巨基(唱)：
要笑到低脂
這世界 被人笑 令人笑 是頭等善事
醜不醜 要自知 當作表演趣劇夠睿智

黃子華(RAP) ：
我好鐘意返工啊！你話唔係鬼上身點講得出啊？
真係做隻貓，做隻狗，做隻出位的馬仔。
老闆，點解我可以做得咁差？其實我可以做得差啲㗎，
出俾你果份唔係糧，係賠償，雖然話一千幾百，猶如垃圾，
富貴於我如浮雲，但係浮雲於我如命根，我地滿身傷痕，
身無分文，之但係Buffet不妨食過份，出貓豈容你太高分啊？
哎喲返工緊係睇鐘，今日最希望係聽日打風，搵食唧，犯法呀，我想㗎？

古巨基(唱)：
神救贖人世 靠笑穴
能誘惑人笑 要夠絕
棟篤笑大家 的死穴
回水要自嘲 花心血

人類若 那麼易笑不必我賣笑
玩幽默去拯救這眾生
將苦水 飲到喜悅
子華說 子華說

黃子華(RAP) ：
喂喂喂，你仲唱？
失戀唱情歌，即係漏煤氣閂窗。
愛情呢家嘢，你預左唔OK，你就OK。
你唔中意我？我憎你！你中意我？我唔信你。
問世間情為何物，情侶裝係唔怕核突。
初戀之前，小龍女只需要靚，靚就唔洗扮啊，扮就唔謊靚啊。
個時真係膚淺啊嘛，喇依加個人成熟咗就知道啊原來身材都好重要啊，
一個頂級嘅紅顏，係會帶嚟頂唔順嘅麻煩。
化妝變做喬裝，呢啲就叫做公關！

古巨基(唱)：
關公最慘 好孤單 好正經 不愛玩 沒情愛愁煩
AB餐 揀正餐 揀野餐 至少有條件 鬥煩

黃子華(RAP) ：
愛情同股票一樣，未入之前會不停咁升。
一但到手，就會掉頭咁走，你仲夠膽擺酒？
唔怕嘥咗條魚，嘥咗隻雞，同嘥埋隻狗？
你愛嘅，你得唔到，你唔愛嘅，你甩唔到。
男人對愛情最緊要嘅係新鮮，但係女人最緊張就係保鮮。
「你從來都無愛過我」，「你對我已經唔係好似以前咁」
唉，夜半訴心聲，何需太高清，
一句到尾，一句到尾，一句到尾，愛，講是沒有用的，做啦。

古巨基(唱)：
神救贖人世 靠笑穴
能誘惑人笑 要夠絕
棟篤笑大家 的死穴
回水要自嘲 花心血

人類若 那麼易笑不必我賣笑
玩幽默去拯救這眾生
將苦水 飲到喜悅
子華說 子華說

--------------------------------------------------------------------
關注更多古巨基消息 | Get Closer to Leo Ku
--------------------------------------------------------------------
英皇娛樂 @Facebook: http://www.fb.com/eegmusichk
英皇娛樂 @Instagram: https://www.instagram.com/eeg_music/
古巨基 @Facebook Fan Page: http://www.fb.com/leokufanpage
古巨基 @Instagram: https://www.instagram.com/leoku/
古巨基 @英皇娛樂 Official Website: http://eeg.zone/#/artist/208
古巨基 @新浪微博 Sina Weibo：http://weibo.com/leokubi
英皇娛樂 iOS App：http://url.cn/7PUwlQ
英皇娛樂 Google+: http://bit.ly/EEGGoogle

做飲食，工時長，人家食飯輕鬆你開工。漢發麵家，兩代在深水埗經營45年。老父做大牌檔，賣雲吞麵牛腩麵魚蛋粉，胼手胝足日做十五六句鐘，但求養活妻兒。80後兒子郭滿唐，一樣在街頭受磨練，但2011年遷檔入鋪，打破困身宿命：每天營業大約十小時，周日、公眾假、聖誕新年復活暑期統統休息，爭取天倫樂。營役中，一份父愛，兩種表述；正如待客也在變：「以前客人食要快靚正、簡單；現在有要求：食物要好味，環境要乾淨，又要service。」阿唐說。畢竟，時代不同了。

漢發麵家在深水埗石硤尾街做了38年大牌檔，7年前入鋪，就在舊檔拐過街角的大南街上。僻靜的大南街，都是布行皮革號金屬配件公司，人流很少；漢發除了午市爆滿，早餐至下午茶時段一直有六七成座上客，生意算很不錯。

「師傅教落，煮食，任何事都不可以馬虎。豬扒蛋飯，喂！應該豬扒好吃，蛋要靚些香些。白飯不用理會了，但也不行的。我每一樣都要做到最好，白飯我都要做到最好。」聽說阿唐是個牙擦仔，眼前的他果然自信滿滿。


「我們的白飯蒸的，不是用飯煲煲的。你家常煲一兩斤米無問題，但我們一煮六七斤米，如果放在電飯煲就不夠力去推，變成『漚米』，就好似明火煲湯同電磁爐煲湯的分別，兩者的口感已經不同。」他耐心解釋。

言辭可以誇誇，但食物騙不了人，「客人吃下去就知道你有沒用心機去做每樣事。」阿唐說。譬如店中名物豬膶，咬下去爽脆，再嚼粉嫩，有淡淡的薑酒香，非一般！他不怕公開秘技：「最緊要你花心機去泵乾淨血水出來，吃時就不會有豬腥味，切又要有差不多的厚度，這些全部是用時間和心機去做的。」咬一口炸鯪魚球，是預期的爽彈，且滿滿陳皮味，蝦米碎帶點鹹香；估不到混入的芫荽碎，只取莖部加強爽口感覺，看得出一番心思。

豬扒是茶餐廳尋常之物，做得出色卻鮮有，它和豬膶一樣都是漢發入鋪後的新猷。阿唐的豬扒不用食粉，但能做到鬆軟多汁，「我想了三個月，終於想到怎樣不加任何香料而保持豬扒的原味。最重要是，我要將豬扒揼鬆，而不是揼實。」說時遲，他已揼了兩塊；他鬆肉不會假手於人，務求力度不出偏差。


這厚切豬扒的面積比平常所見大三分之一，原來指定供應商裁料時斜斜厚切，「厚，才能保住肉汁。」除了豬扒大件、豬膶麵膶多而厚，由大牌檔賣到今天的柱侯牛腩、南乳豬手飯，一樣超級大份，阿唐解釋：「這就是街坊生意。我想過出細份量，但怕他們不接受。」入店後的漢發，隱隱然留着大牌檔的豪邁。

轉型 拜師　

37歲的阿唐，不知不覺投身漢發近20載。話說父親郭漢標十來歲從鄉下揭陽來港，做過紗廠，曾在豉油街與人合夥開大牌檔，因賭排九而輸掉半個檔口；1973年借錢在深水埗頂了一個大牌檔，改名「漢發」；40多歲才娶妻泰籍華僑楊美嬌，次子阿唐出世時已年近50。

阿唐18歲開始到大牌檔幫手。「當初我說接手漢發，或者學煮雲吞麵，阿爸都跟我說一句：不要學，寧願你做三行。」做飲食太辛苦，父親不想他走同一條路。阿唐着實有兩年做過布行、跟車、地盤，始終對烹調最感興趣，於是跟父親學煮麵、炆牛腩炆豬手。

漢發本來只賣幾款粉麵，轉變始於隔鄰茶水檔結業，那時阿唐跟父親建議加碼賣奶茶咖啡；父親初時不允，怕他兼顧不到，但阿唐下了決心就似衝鋒車，他看書，問前輩，想盡辦法去學沖一杯奶茶。

試了三個月，漢發的茶啡和加賣的公仔麵跟雲吞麵一樣受歡迎。後來父親退休，阿唐就請夥計和媽媽一齊做，「我媽管雲吞麵那邊，我管奶茶咖啡這邊。」由於左右牌檔相繼結業，漢發變了一街獨市，客人多到讓他租下牌檔後方兩個鋪位擺枱擺凳。未幾消防來查，說是無牌經營；其時母親因中風已少露面，漢發由阿唐和太太Zoe支撐大局，兩小口決定入鋪轉角的大南街，好接住大牌檔的生意。

入鋪之後，阿唐認識了人稱「米芝容」的容記小菜王前老闆易偉容。容師傅經常來吃東西，指點阿唐這個後生仔。「我弄得好吃一點，容師傅就說：呀！也不錯，都有我教你的一半。」2014年，阿唐設宴正式拜師。容師傅手把手教他炒醬、用料，又幫他改良了父親傳下來的大牌檔食物：柱侯牛腩更濃、南乳豬手更香、雲吞爽口更多肉汁。

「這些柱侯醬是以前大牌檔師傅經常用的，炒醬最關鍵的是控制火候，一句鐘才能炒好這醬，慢慢用時間去逼它的味道出來。」阿唐今天滴着汗站在火爐前推醬，仍背着師訓：「師傅教我最基本做廚師的三樣：第一眼望；第二鼻聞；三就是口試；等同於每一碟餸的色香味你都要知道。」

共享的世界

做食肆，打開門做生意才有收入，但漢發的營業時間比一般食肆短。「飲食來說我們其實算懶惰，開十句半鐘，不過我們一回來就『砌』到最尾，好辛苦。」同為80後的老闆娘Zoe說。她特別安排「早收」及「多假期」：聖誕節、農曆新年、復活節、暑假都關店休息四至十日不等，員工同聲讚好。

「多假當然開心，不用那麼疲累。」在廚房不停手淥豬膶的蘭姐說。 「我們出月薪的。輕鬆了，好呀！」茶水部阿麗回應。 「放工早些，你可以有家庭樂；逢時過節又可同家人食飯，我自己都有小朋友的。」笑容可掬的阿娜落力招呼客人。

阿唐一臉得意：「老闆搵到錢，夥計自然辛苦；但如果老闆搵唔到錢，夥計又閉翳了。最緊要大家工作開心，現在是共享的世界嘛！」
「其實要做（營業）24小時都可以做，但有時買不回你和他們相處的時間。」Zoe口中的「他們」是兩口子一對9歲和7歲的兒女，「如果日日返工不放假，好難建立感情，好似現在他們出街仍會拖住我的手，夜晚睡覺都想黏住你，這些是買不到的。」年輕的媽媽Zoe甜笑。

一齊食飯　像個家

每天清晨，阿唐載着妻小從沙田住所出發回到深水埗的小店，先叫貨、編排全日流程，七時半親自送子女上學，到下午三時必先擱下所有事務去湊放學。「六點一定全部人收工，我們等小朋友在附近補完習一齊回家。」Zoe續說。阿唐笑指斯斯文文的太太最有威勢。Zoe點頭，笑指丈夫樣貌看似好惡，其實「很溫柔」，「結婚前我入過醫院，他在大牌檔落場一小時也趕來看我。記得初初認識他時問他週日做甚麼，他說買排骨同爸爸煮飯食。我覺得他是鐵漢柔情，很看重家庭。」

阿唐回憶，小時爸媽要打理大牌檔，自己滿月後就住在保母家。「我升上小學，放學後上補習班，七點多返大牌檔食晚飯、上閣樓睡覺；暑假也在補習社過，每日只有一句鐘見到阿爸阿媽。」舊檔位置今日已成一個地盤，只找到檔口對上兒時一家四口擠過的舊閣樓。「阿爸每次見我們，都問我們肚餓不肚餓、吃不吃東西。可能他沒怎樣讀過書，不懂表達他那種愛。」阿唐拖住一對天真的兒女，不時提起已經離世六年的父親。

想當年，父親在自己升中後開始休星期天，帶着自己周圍走，回到從前的落腳處述說往事，兩父子很親近。「放假阿媽通常自己找朋友，我十三四歲已經喜歡買餸煮飯和阿爸一起吃。我很想維繫一家人，一齊食飯、一齊看電視，像個家。」阿唐說。

「錢是賺不盡的。」他笑一笑，現在應付店鋪租金無問題，也「夠使夠用」，最重要是「可以多些時間陪小朋友」。為了保證出品，他炒醬、打鯪魚球、揼豬扒、牛腩起筋……事事親力親力，「每一日的滿足感，就是見到客人吃我的出品他吃得很滿足很開心。」而辛苦了一整天，「最開心就是可以和小朋友一齊收工回家煮飯食。」

撰文：韓潔瑤
攝影：關永浩

漢發麵家
地址：深水埗大南街192號
電話：2380 7068
詳情： http://bit.ly/2CBN65U

人在高興時，特別好胃口；人在悲傷時，還是會肚子餓。何況開工前、收工後！

凌晨一點半的堅尼地城，港鐵收工，車輛停泊，百店沉睡中，唯獨新興食家剛剛亮燈啟爐，開始煲粥搓麵粉做點心；蒸籠白煙漸漸升騰，溫潤香氣飄呀飄，縈繞城西近三十個寒暑，撫慰着夜幕下轆轆的饑腸。

「我們來到西環的時候，它是一個菜欄市場呀、屠房呀，做半夜三更為香港服務的基層市民（生意）。」新興第二代老闆徐國興回憶。店是街坊格局，廳面五六張枱，走廊擠多幾張；沒電視，沒電腦收銀；牆上貼着上世紀市政事務署「隨地吐痰得人憎」告示牌、手書中英文提示：「夜深時分，請將聲量收細」恍若穿越到了七八十年代。

店雖說三點營業，但兩點零五分已來了第一個客人——的士司機鄭先生。「我兜到呢度就入嚟坐一坐，當作休息。」樓面阿姐三點才上班，「我慣咗自己招呼自己。好彩放緊暑假，否則坐滿晒學生，企都無碇企。」他逕自取碗筷開茶。

不一會，蒸點心的師傅林哥搬出兩楝點心到點心角，跟他打招呼：「食住先。」

鄭先生取了一籠粉卷，回敬：「新鮮熱辣！」

沒一刻鐘，又走進兩個外籍男，未坐下就去揭蒸籠，顯然是識途老馬。說時遲，做蔬菜批發的梁先生已經倒開黑如墨汁的普洱，自得其樂：「我自己沖（茶），喜歡幾多茶葉就落幾多。」最重要是沒第二個地方如此早開，「我飲完茶就要開工。」跟他搭枱的四眼阿叔，低頭不動，掛着「請勿打擾」的漠然。

這時，六個後生仔嘻嘻哈哈坐滿隔籬大枱，都穿著港大宿舍兆基堂的T恤。原來有人要離港，一班巴打來搞餞行。主角Evric說，大一時師兄帶他來，他又帶師弟來，自己快升大四了。

怪不得新興和附近港大的師生關係密切，有時以點心贊助學生活動；牆上就有幾張港大屬會的感謝狀，當中還有前校長徐立之的簽名呢！

年輕人鬧哄哄，在廚房的阿興伸頭瞄一瞄，「呀！司機、學生，都是熟客，他們自己搞掂。」轉身又忙他的。今天負責炸爐的師傅放假，主力調校食物味道的他，要分身去炸春卷、炸鮮奶。

兄弟班，個個賣力
廳面盡頭，是無遮無掩的開放式廚房，供應近五六十款點心。五六個師傅全日一邊做一邊蒸，做好甚麼就賣甚麼。點心出籠，林哥就速遞到點心角，客人自選自取；三點後也有阿姐用托盤巡場；五六點開始人多插針難入，大聲公輝師傅不時引吭叫賣：「叉燒包、燒腩卷啦喂朋友，古法炮製喇！」「大大件抵食呀！」

懷舊點心如南乳燒腩卷、大過拳頭的雞球大包、糯米包、鵪鶉蛋燒賣，坊間已經少見。

「我們一向以來都是自己做點心，做舊時啲古老嘢。」人稱「海叔」的徐海說。他是阿興的父親、新興的創辦人，在茶樓、酒店做過點心師傅，1972年於九龍橫頭磡七層大廈徙置區開了新興茶樓，經營15年，因為政府收樓被迫結業。

做飲食，哪裏有人需要吃東西，哪裏就有生機。海叔看準西環的凌晨市場，廿八九年前帶領兒子和幾個舊夥計來到加多近街，重新掛起新興的招牌，開始凌晨三點至下午四點的營業循環。因為加租、收樓搬過幾次，五六年前才落腳現址士美菲路。

「我由上環水坑口入行，做了60年，到厚和街（前一個鋪址）無再持牌了。」阿興接手後，海叔仍然朝朝3點必露，坐鎮收銀，做到上午11點返家瞌一瞌，下午3點又回來，都是為阿仔着想：「現在請人艱難，我就幫他打理一下。」

阿興說，現在一盤生意由他和幾個股東拍檔，「他們都是這裏的師傅、舊夥計。」

他指各人一直出心出力，也因為是股東拍檔，大家沒計較，當年才能捱過沙士難關。

63歲的華哥人很害羞，是阿興的拍檔之一，入行超過40年。「我十幾歲已經跟住海叔賣點心，我幫他打工時咁做，佢畀啲股份我，我又係咁做。」他本身住天水圍，海叔揸弗年代已在附近租宿舍給師傅，他乾脆以店為家。「喺呢度好快趣就過一日，雖然辛苦，但係開心嘅！一班拍檔合作咗幾十年，有拗撬都唔會放喺心。」他弟弟阿耀也加入了新興，負責做包、搓皮。全日所有師傅都不停手，肚餓時就走開一陣去醫肚，很快又回到崗位上。兄弟班，個個賣力。

現在海叔不再在廚房勞神，「爸爸雖然88歲，但他真是一個很令人佩服的老人家，對工作好有熱誠，堅持繼續每日上班。」阿興如粉絲仰望偶像。他是家中老大，三個弟弟一個做冷氣，一個做煤氣，最小的到加拿大升學、謀生。「我讀書不是太好，整嘢食覺得好開心，所以有興趣做。」52歲的他，看上去只像40，但入行已經30年，跟着父親研究點心。

靚料正貨　還得用心
從前爸爸日做16小時，阿興接手後一樣日做16小時。每晚凌晨一點多，率先回鋪開爐頭搞醃料，「好多食物要醃，又要煲粥，要早點回來，否則做唔切。我們的品牌是自家製，所以很多事都是親手去做的。」

不少行家慳水慳力，老早已從點心工場取貨；海叔搖頭：「在上面（大陸）的貨拿到來無咩汁，乾爭爭！」

「自己做嘅就靚啲，用料靚啲。在上面取貨不知道，人家做好給你，你看不到人家怎樣做，信心就是這些。」海叔舉例，白米他們入貨比別人貴30元一包，「一日用兩三包米就相差近100蚊，一個月相差幾千蚊。最好食先得，材料嘛！」

父親的信念，阿興切實執行。各式燒賣豬肉餡、蒸排骨，都不用雪藏貨，「食落唔同嘅！」他笑說。魚肉釀豆腐，魚肉爽彈帶陳皮香，烤得金黃的豆腐是買布包豆腐回來炸；豉汁鳳爪的雞腳自家炸後再煮，皮夠爽。如此尋常配料許多食肆直接入現貨，他們貫徹「自家製」，不嫌工夫多，花時間。

棉花雞的魚肚，阿興表示用最貴的一種；咖喱金錢肚，他特別選用夠口感的厚身牛肚，整塊燉腍後裁成條，用秘製醬料醃透；吃起來惹味卻不油滯厚味。

點心都是街坊價，小點17元，頂點才25元。因為沒有炒爐，全店食物只能蒸或炸，50多元的午市蒸魚套餐算最貴了。不過，用料絕不馬虎：除了黃花、紅衫魚、撻沙、烏頭必然冰鮮，鯇魚是鮮蹦活跳的整條買回來；配陳皮清蒸或薑葱的斑頭腩，是取貨20多斤游水大龍躉，抵鋪後才劏魚斬件，務求貨靚新鮮。

「西環初時沒有甚麼店鋪酒樓，現在競爭愈來愈大，我們唯有盡量做好，咁先對得住街坊。」阿興說話的口吻，跟父親如出一轍。

今天，莫失莫忘
要是算上橫頭磡的前塵，新興已逾40年歷史，沒有爭利的驚濤，沒有賺淚的起伏，每一日也如今天：師傅密密手，每樣點心求快也求好：糯米包軟硬適中，加了蝦米吊味、花生粒添口感；腸粉用米漿新鮮即拉，夠薄夠滑；招牌流沙包皮薄軟熟，一咬爆汁，流着濃濃的鹹蛋及牛奶香……

「做就個個(間間)都是那樣做，無話叻得過人，你自己調校的味道好些，你有些心機做就好些。」海叔不直接誇獎，但大夥兒的用心，全看在眼裏。

阿興人很隨和，只是做，沒埋怨。「跟街坊有份感情，每天都碰口碰面，個個從小吃到大，都很熱情、很欣賞你的點心，覺得有份滿足感，也是動力所在。」尤其看着大學生入學、畢業，出來工作後也回來探班，他特別珍視這「金錢以外的東西」。

雖沒米芝蓮加冕，新興捧場客除了街坊大叔，更有不少後生仔女；牆上有E神、霆鋒的留影；CNNgo網站全港最佳心水點心店它榜上有名，中外遊客慕名而至，時常全場爆滿……阿興和拍檔大有條件開晏，不必日夜顛倒。

「有些人都會問我：三點那麼早，開遲一點吧！其實都不想那麼早，但因為儲了一批熟客以及有口碑，他們每一天返工放工常常來光顧你，建立了一些感情，也不想失去這一班客人。」不善辭令的阿興解釋。

想了想，又補充：「太夜，真係好難搵嘢食。」他笑起來，帶點傻氣。

採訪：韓潔瑤 拍攝：關永浩

新興食家
地址：西環堅尼地城士美非路8號地下C號鋪
電話：2816 0616
詳情： http://bit.ly/2MUEwSs

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)