#講明先
#今晚我會做幫手轉post呀
#每個人做自己最能夠幫到香港嘅嘢
給所有今日chur住我叫我(再)道歉既藍絲：
我已向傷者道歉。昨晚，11時，在youtube live。事前半小時有早通知我有live，片長10分鐘，片中多次話我係喺5點幾睇新聞，6點幾出post，我當時話段片係假，言論不恰當。片中對傷者講過多次對唔住，sorry等字眼；按當時的統計數字，約有數千人入過live，concurrent數幾百人。
好多人提我，因為我個專頁有70000多粉絲，言論會影響人，而有說已有傷者在醫院，故此應該修正言論，最好刪除，以免廣傳。於是，我立即上了最附近的朋友家中，借了個地方做live，修正言論。
就向傷者道歉一事，我預告了，做了。如果在這裡留言的網友，覺得因為你無上到去睇，認為我要再道歉直到你睇到為止，咁過埋今日，我再錄多段片，放上youtube，或再電郵到你指定地方都得。但唔好咁野蠻，你無睇過就話人哋無做。
https://youtu.be/jceDWgGb2Os
此外，我想說的，其實我不是一個youtuber，我在facebook發表的言論，係無錢收架。事實上如果要俾錢我寫嘢，除非我自己想抒發，如果唔係，我應該會收好貴，暫時無人會俾呢個稿費我去寫嘢。
我個專頁由自己抒發吓自己感受開始。我希望嚴正地講出一點：一個人寫咗嘢，係無可能在日後日子無限地按情勢發展不斷修正；又如果講錯／寫錯／估錯，日日都要出嚟道歉。我接受因為這個專頁有丁點影響力，如有言論不當，要面對、承認同埋修正，向傷者道歉。這是我覺得應該做的，所以立即做。
今日，如果喺呢度留言既藍絲，喺香港人好傷痛，比昨日和之前的百幾日都更傷痛的日子，好想再睇我向傷者道歉，好，我錄，今次你記住睇喎；我再加送一段文字都得，過埋今日，我明天寫，以免上不到網的又繼續chur我。
對於傷者，對不起，我曾誤會了你是特技人，寫了一篇文章，數小時內有20多萬傳閱，這可能誤導了曾閱讀人士的想法。希望你早日康復，謹此慰問。
我學會了，任何情況，以後不評論受傷者／受害者一方，這十分敏感，而且在有影響力的地方，更應謹言。昨天，我整天的情緒都很激動，出了3個posts，人在激動的時候，特別想說話，現在回想起來，都覺得自己有點衝動。
今天，我的情緒更激動。早上轉載了一個香港人要參與區選的貼圖，甚麼都沒說，卻發現在這裡比我更激動留言的很多人，是香港人（？）不太關心區選，也不關心今天香港發生的所有事件，最關心的是找梁芷珊道歉，找我負責。
好，我再說：過了今天，我再錄，你真係記住睇。
我從來無喺Youtube掛勾落廣告的，所以我沒有youtuber的思維，當每日都係live咁不停跟進一啲嘢，但日後我會嘞，仲會講多啲，請大家多多入去我個channel 收看，讓我收多些廣告費，幫補吓收入。
我段貼文，係因為有人勸我免太多轉載，所以刪去，但我已問了網友拿cap圖，會再post返出嚟。
藍絲既然入得嚟掃地，咁我即係可以搵到你block你。假account我就一定block la，係50 cents既就更加block，我唔會助長你收五毛，但當然歡迎你日後入youtube幫我儲view 儲hours啦。(咁你又會話我刪你留言，所以我會將留言cap晒圖，放返喺度，請放心。)
至於香港人，我仍會留住你，希望有一日，你們終於看到一些我們看到的角度，任何時候，改變立場，改變陣型，我們歡迎，十分感激。
藍轉黃，一啲都唔醜，亦都無ego issue需要考慮，我們等你，又無論你有無轉到陣型，亦請參與區選，選你支持的人就好了！
你知道嗎？選出能代表你意見的人，代表你向政府發聲，這是和平表達訴求的最佳方法，我們一起做好嗎？
一直支持我的朋友，多謝大家，不需要花時間寫很多留言去和藍絲爭論，有心的，留個emoji我就收到！
每個人做自己最能夠幫到香港的事就好。今晚，救中大！明天再談。
#救中大
#1112
(未proof read, 會一路修正)
