唔知係咪我太離地，定香港太過癡線，即係如果你話砂糖、鹽呀，攞多一兩包，我都仲可以理解，但依家成個袋去掃場，咁就擺到明處心積慮黎「掃貨」了吧？
事實上，我其實唔太信呢個師奶平時會在家裡沖呢啲茶黎飲，甚至還會嫌它不夠「養生」，很可能拿了回家後，也是束之高閣而已。中國人對於商家有一種好古怪的心態，佢地天生將自己同商人放在對立面，因為對方是「賺錢生意」，所以無論如何，就算會損人不利己都好，都要想盡辦法「回本」，甚至要對方蝕本。對方蝕了，不管自己有否得著，都是開心的。彷彿在他們的世界裡，沒有「共生」、更沒有「雙贏」，在民革式鬥資本家的規則下，不是你死，嘿，也是你亡，總之你死掉就最好了。
最有趣的是，一定會有啲小賤人跑出來說店家「這麼寶貝就派人看管」，如同「女人著得少布就預左要俾人搞」、「啲藝術品咁貴就搵野封住佢唔好俾小朋友掂到」一樣。我覺得一個社會的公民水平低落到連茶包砂糖紙巾都要一捲而空的話，就算擺個警衛喺度，你都係會扑暈個警衛照搶「做咩派個咁弱嘅警衛黎看守喎」？
唔信？AED有埋個櫃，咪又係一樣俾人偷？偷黎做咩？小農DNA持有者的心思你好難估到，拎返去電髮又得、同老公玩電擊play亦得，再唔係擺係屋企，萬一有事都可以隨時用，有備無患看門口都好架！
正正因為這個社會，大家都不是以共生、雙贏為目標。所以僱主唔能夠對員工「互諒互讓」，能誅死對方的，就千萬不能鬆章，結果一定係羊毛出自羊身上：被狠刮了一次的商家不再提供免費飲品、遲到被扣錢的員工會特登同你用彩色印文件，又或是當日索性hea做。到最尾誰都沒有賺到。
在這個令人倒胃的文化裡生活的人，又點會開心？
#有一種共孽叫貪婪
#以後點笑大陸人偷坑渠蓋
#好彩屎坑唔偷得
#不然都給你拆了
#總之攞左先就好
#拎返屋企做垃圾
#但如果你喺面前面塞俾佢佢又唔會要
#偷嘅快感係如此病態地令人興奮
#阿里媽媽與四十歲大盜
#禁區
#什麼叫規矩
#什麼叫體統
