《其實好多時未去到最高層，阿哥阿姐都已經話唔ok》
所有mall decoration 棄置，都係人為架...
上年都有學校問，可唔可以要返商場xmas decorations，俾佢哋美勞堂用...
我嘗試問高層，商場，legal同唔同意捐俾學校... 但其實真係非常麻煩...
1. 首先得到集團同意前，要所有阿哥阿姐ok...
如果一個商場咁做，意味其他商場都要咁做，所以唔會有阿哥阿姐同意，因為覺得「開壞咗個頭」…做多好多野。
2. 如果展品有版權，其實可以喺拎版權時拎多條term 屎，請求版權人授權，完咗展期，同意捐俾非牟利機構...
但呢樣野存在一個問題，如果非牟利機構得到展品後，例如放喺學校open day 俾人影相，而open day 又呼籲校友捐款，算唔算利用展品作宣傳活動呢？呢個只係其中一個例子，如果非牟利機構唔恰當咁使用展品，捐出展品嘅商場需唔需要負上責任？（就算無責任，都會俾人鬧）商場係唔係捐出展品後都要monitor 非牟利機構點用件展品？
3. 就算集團同意，版權人同意，捐俾非牟利機構運輸費其實要商場承擔…
(大公司就係咁，你想做善事唔係唔得，但公司同意唔等於公司會俾多舊錢出來，「唔使我拎錢出來都同意嘅」)
一個商場全年decoration budget 係好緊拙，而decoration 條budget 係好難R 大啲，因為好難show 到俾高層睇，decoration 有直接帶多啲人流落商場消費，咁當然所有高層都覺得「最好係一蚊都唔洗拎出來，但好多人流好多人洗錢消費」。decoration 到底有無令公司賺多啲錢，其實好難measure。一年主要節日Decoration有新年，xmas，情人節，Easter，Halloween，今個節日over budget，下個節日decoration 就樣樣衰衰，年年budget 都係咁上下，材料又愈來愈貴，所以商場都唔會想主動承擔多筆運輸費。
4. 捐俾邊個？
其實上年xmas ，收到學校查詢想要商場decoration，我都好想成事，於是好努力游說。但商場負責人提出咗個問題，我反駁唔到，「你捐俾呢間學校，第二間又話要，咁我點決定俾邊間？有咩criteria俾？如果有criteria，咪又要搞輪選？」
大家諗呢件事，係覺得只要集團唔好賺咁多，就可以好環保咁處理展品。其實高層又唔想做多啲，集團又唔想錢洗多啲，員工又唔想好努力好環保做一啲野，end up 係挑起好多非牟利團體嘅爭辯。
Mall decoration 本身就係一樣好唔環保嘅野，如果今年同上年重複或者差唔多，唔夠grand，又會俾人話大公司都咁慳...所以最環保嘅方法，係唔好搞mall decoration，但唔搞，香港人仲點影selfie？
咁可以點？
1. 可以嘅話，轉用花草樹木代替唔可重用嘅硬膠decoration 吧
2. 可以嘅話，嘗試採用可拆件嘅decoration，下次用返部份配件吧
最後係，其實我係好贊成商場間交換decoration，大家覺得唔可以repeat，如果唔係就無創意，咁不如交換。例如又一城棵聖誕樹不如下年擺喺置地(咁當然，唔同集團，佢哋點會肯呀？)
xmas decoration 在 900+ Christmas Decorating Ideas in 2022 - Pinterest 的八卦
How to Make a Winter Wreath with Julie's Wreath Boutique. More information. Holiday Wreaths · Holiday Crafts · Christmas Decorations · Christmas Ornaments. ... <看更多>