［國泰業績極速評！］賺埋都唔夠快運蝕。但好彩投共有前途。
1. 係咯，其實兩句已經講完。
2. 不過介紹返 （http://bit.ly/2TEUXYJ），原本以為會出現嘅goodwill impairment/write off，冇出現。
3. 但橙色，就當然見到舊goodwill 走咗出嚟了。見到個無形資產，多咗40億啦。照計今年年中點都減值啦掛！
4. 講返大數。紅色，你見「主牌」，國泰同港龍（＊）。全年有微利兩億。幾好架啦。不過呢，快運就蝕返一樣咁嘅錢，嘻。而公司都有講，原本係預快運賺錢嘅，但，點知蝕錢，so sorry
5. 咁打和咗，靠乜頂？首先係中間綠色呢舊。英文版叫做Air Hong Kong，可能有啲友都唔知係乜。其實係華民。貨運。但當然國泰自己都有貨運，客機都運貨添（唔止你啲行李）。
6. 更重要嘅係，聯屬公司。藍色。一命救全家。阿蘇是也。Asso，唔係火山。未細睇，但基本上，都話投共有前途。係乜？就係國航（753）。兩間公司互渣嘛，但又未到過半，咪變咗阿蘇咁入。咁你話，咪睇到國航賺幾錢？未出業績架喎（好似）。其實都會，但呢啲情況一路都有，以前匯控（5）出業績你都睇到交通銀行啲數。同埋反正因為種種原因（會計制度不同呀，貨幣呀等等），你呢度條數，未必就係跟比例推到國航出嚟。
7. 仲有大家都最關心嘅，炒期油。或者叫燃油對沖。粉紅色。結果，一如所料，係冇乜影響嘅。但而家咁嘅油價又點？就等分析員問管理層了。
8. 結論：下次業績應該都要解決嗰37億goodwill啦掛。你又會見我重覆寫一次。再唔係留返2020全年咯。但唔係話今次唔中就下次咁。今年內都唔減值，我會相當驚奇。
9. 今次呢段600字就寫咗15分鐘。因為要框下圖揀下顏色咁，又要答下同事問題。
（＊）正式應該係，國泰，同國泰港龍。留意下空姐廣播。
write off銀行 在 何謂回撥？ - 香港經濟日報- 知識庫- 金融財經- D181014 的相關結果
若有證據顯示有關貸款收回的機會渺茫，便要將貸款項目作全數撇帳（Write-off）；相反，若減值較預期少，銀行可以把超額的撥備回撥。 ... <看更多>