😂😂😂唔識講，總之稿費抵比，我學到嘢，謝謝老師！
＝＝＝＝＝＝＝＝＝＝
讀者投稿：史篤城
我哋成班同事做咗一件好喪嘅事，不過都係為勢所迫。
我公司雖然唔係中資，但因為同大陸有生意來往，所以老闆藍到無可再藍，好多次講起示威者都叫暴徒。算，我對老闆不嬲冇咩期望，不過公司入面有條仆街senior想搏上位，竟然學人玩篤灰，主動搵同事facebook同ig嚟check，再cap圖比老闆睇，連同事whatsapp轉咗同抗爭有關嘅頭像都會print screen。
上星期老闆叫咗幾個同事入房照肺，我哋成班都好嬲好睇唔過眼，結果有個同事以其人之道還治其人之身，特登走去買張電話卡，目的就係要開個新facebook account，再去咗個仆街senior嘅facebook度，將佢冇hidden嘅相同埋生活照copy晒出嚟，用senior個名嚟register，post返啲相上去，中間攝好多反送中，鬧林鄭，鬧大陸嘅相關標語上去，大量示威文宣圖，仲特登公開幾個post話自己上街示威好撚感動之類，然後匿名開多個email，cap晒啲嘢出嚟，直接send去老闆個電郵度。
仲未完，個同事因為知道呢位仆街senior跟緊邊幾個大陸客，又係cap晒圖send去呢批大陸客嘅email，調返轉篤灰佢撐反送中同埋出咗去示威，跟住就梗係出晒事啦，老闆叫咗佢入房傾咗足足一個下晝，佢枱頭個直線響足全日。
咪話個同事特登開咗個email嘅，send完畀班大陸客篤灰之後，有一個客竟然回返個電郵嚟，寫住：「你是誰？此事太嚴重，有更多具體資料嗎？」我同事喺我哋面前打咗呢堆字reply：「資料已全給你，他不會承認的，甚至會說是黑客入侵，但我們都知道他討厭中國，也一直反政府，反新移民，反黑警，支持示威者。」
我截住佢：「咪住，用字角度錯咗，唔好用黑警同埋示威者，佢哋嘅角度應該要打：反警察，支持暴徒。」好在我睇多兩眼，最後完美send出。
之後大家都諗到咩劇情啦，個仆街senior兇晒我哋成班人，問係邊個做？見到佢又嬲又狼狽個樣真係好想笑，冇人會驚囉，亦冇人會答佢，預咗老闆信佢，但係班大陸客就一定唔會就咁算。
其實咁耐以嚟，篤灰嘅人都係向基層員工埋手，因為基層冇後台，勢孤力弱，但呢樣亦正正係我哋嘅優點，我份工一萬幾千怕咩再搵，但係高層要搵過另一份同工同酬唔係咁易，你篤灰搞我哋吖嘛，我哋咪篤灰搞返你囉！睇下邊個傷啲，反正班人全部係盲亨，一見到你反送中同埋反政府就乜都唔理批鬥咗先，你想搞到我冇得撈，我都要你冇得撈。
建議深受白色恐怖威脅嘅人用返呢招，個個都唔會認㗎喇，到時篤啲仆街出嚟，佢哋嘅解釋都會同我哋一樣，嚟吖，誰怕誰？
whatsapp頭像 在 53 头像ideas 的八卦
Whatsapp Social Media Icon Whatsapp Logo, Whatsapp Icons, Social Icons, Logo Icons PNG and Vector with Transparent Background for Free Download. 更多信息. ... <看更多>