「當你執過百幾個膠水樽之後，就唔會再飲樽裝水㗎啦。」Kitti 這樣跟我說。
幾個月前我帶住支法國礦泉水去西貢參加海洋清潔活動：划獨木舟出海執垃圾！一開始划艇出海時，見到西貢海真的很美，水好清徹，有紅樹林、又有小沙洲。
不過再划近一點就會發現，有超多，係超級勁多塑膠垃圾纏繞住紅樹林同小沙洲！唔係講笑，真係超恐怖😱一路划出去慢慢就會見到好多珍珠奶茶杯，我執完一個又有一個浮過黎。
同伴都叫我算啦，那些珍珠奶茶杯執到天黑都未執完，再執多幾隻就要放棄。划到沙洲上面的樹林，嘩！各式各樣膠樽都有，也見到好多我支法國礦泉水的朋友。
當時的我在想，為什麼那些人硬要亂拋垃圾落海？為什麼不可以把垃圾放在垃圾桶？但諗深一層，其實我地生活上每1秒所用過的塑膠，就算有抌入垃圾桶、就算有放入回收箱，到頭來有幾多會循環再造？結果還不是永永遠遠遺留於地球上。
那天之後如海洋清潔的召集人 Kitti 所講，我真的沒有再買樽裝水。因為我一見到膠樽已經有phobia 😱
自此我每天出外都自攜 reusable 水樽；一想起會有發泡膠就不敢再叫外賣；去星巴克都不再叫凍飲；慢慢驚膠杯同飲筒都驚到減少飲凍飲😅
這個對塑膠的恐懼結果也令我慳到錢，因為一想起上網購物會出現大量膠袋、甚至紙盒時，我現在看到什麼雙十一、Black Friday 都無動於衷～
有次在沙華看見一件衫，鋪頭沒有我的尺碼，要上網訂，但一想到件衫我可能只會穿一兩次，但那個膠袋就會永永遠遠留在地球上，太恐怖了，之後我又慳返買少件～
我初時也覺得減塑好不方便，每日要帶好多東西出街，有很多東西不能買… 但真實地接觸過大量塑膠垃圾之後，腦海就自然會湧現一大堆減塑的辦法，慢慢習慣了就不覺得麻煩。生活上因減塑而發生的「麻煩事」也只是令我變得更好、更健康、又慳錢。如事者我這幾個月來也堅持到減塑生活，希望明年也可以一樣吧！
#減塑 #環保 #reduceplastic #wastefreeworld #hongkong #sustainablelifestyle
