是日金句：「你係黃絲，同你係一個西客係無任何關係的。」（by Brew Note / Rest Coffee Gin 的老細）
我知老細寫呢句時嬲嬲，但係我睇到呢句時忍唔住哈哈。😆😆😆
諗起數個月前嘅一件事。
話說喺運動期間，北角打到笠笠亂，有一晚 Brew Note 照樣開鋪。老細同店長本來六點收鋪，但十點幾依然開門。
有記者及年青人走到內街，打開門，大概感覺到眾人的氣牆，知道是自己人，於是便問能否點飲品。
老細話：「鋪頭收咗喇，無嘢飲賣，但有啲免費嘅嘢飲，你哋自己攞啦。」
記者可能有啲唔好意思，問能否點餐，老闆就答：「無嘢食賣㗎，但有餐蛋麵，煮個畀你食。」
幾個從夢區回來嘅年青人，圍在咖啡館嘅長桌，飲嘢食嘢，休息之際，順便睇下新聞片。我仍然記得，當晚瘋傳一段暴力影片，開端就是女尖叫聲，音頻很高，亦好嚇人。
手機傳來「吖～～～吖～～～～」（有冇人猜到喺邊段片？）
現場眾人都嚇了一跳，忍唔住望過去長枱。
過咗一陣，年青人再播片，又唔記得閂細音量，所有人第二次被嚇驚。
呢個時候老細就出聲喇，走過去同佢哋講：「睇片嘅時候要閂細聲音啊，而家大家都好緊張，畀啲機會人哋休息一下。」
年青人即刻講唔好意思，之後都無再犯，所以都唔算乞人憎，走嘅時候都好有禮貌咁多謝（其中一個人重請我飲咗一罐嘢）。
老細如果叫得你哋唔好太嘈，梗係有原因啦。即使係畀錢，但講嘢大大聲，都係好影響其他人。有時見到啲人大吵大鬧咁打卡，都幾滋擾。如果老細唔出聲，我又唔好意思叫老細處理，咁就戴個降噪耳機囉。
而家啲人好鍾意話乜嘢「黃店都無面畀」，其實呢，黃絲都有西客啫。
#你估人哋想被人標籤做黃店㗎咩
#但人哋黃到發金
#成日話乜叉黃店都無面
#咁面對黃西客又要唔要畀面㗎
👉👉👉 無利益推介一下： https://goodlife.com.hk/product/%e5%a5%bd%e7%94%9f%e6%b4%bb-x-paper-and-veggie-x-brew-note-x-h-k-lovecraft/
👆👆👆（因為《Yellowopenrice》介紹黃辣店「燒房焗」，因此發現咗有間網店叫「好生活」，之後又無意中發現裡面有個「Brew Note 陣營」嘅套餐 link。如果見到顯示賣晒，可能等多陣就會有貨喎。）
veggie意思 在 維根墨西哥辣豆醬，這個真的不是肉！？"Chili"、" - YouTube 的八卦
... <看更多>