一覺醒來已經下午6點，我申請咗放半日嘅，因剛過去8日真係好intensive，為咗做好個show，所有台前幕後單位都開盡turbo，每一日每一秒都改善緊，都只係想入場嘅觀眾睇得開心，滿滿共鳴同愛咁走。其實話說我本身是冇嘉賓做的，因為大師嘅作品展一定有好多星會嚟唱歌，我由一年前睇報紙就開始whatsapp藍班長，由一句「十劃都未有一撇」，直到年頭去探佢同暴龍哥班佢話「6月9、10呀」，然後不停問，都明白係好難安排到。佢為咗令我可以快啲第一次响紅館「唱歌」，將我安排咗入band唱和音。當我知道時我已經好開心，因為隊band係一隊神級line up，band leader係鼎鼎大名嘅盧東尼，專程由加拿大飛返嚟做呢個show，除咗佢，仲有令外兩位都係由加拿大飛返嚟淨係為呢個show。講真，壓力係大嘅，頭兩日我好lost，啲chorusing咁多parts，兩日加埋有咁多首，我好怕拖累個show同令藍班長失望。直到band rehearsal時，藍班長好casual咁指住我同製作單位講：「不如第一晚隻"最愛的你"我叫呢條𡃁仔出嚟陪我唱啦！」（呢個人竟然記得我同佢講過佢咁多作品我最鍾意"最愛的你"）如是者過咗好幾日嘅綵排，我亦响各位老師嘅指導下開始跟得上步伐，去到星期四入台，做咗11個鐘嘅綵排，凖備好自己，星期五就到自己踩台同開show⋯⋯點知就响仲有兩首歌到最後一個rehearsal item --- 我同藍班長首合唱之前，就發生咗意外⋯⋯我記得，當時我呆咗10分鐘，好驚好擔心跌咗入去嘅人，同時亦收到好多whatsapp慰問。白車到，傷者送院，大批警察及機電工程人員到，我哋乜都停晒，由6點半到7點50分，一直未收到通知到底個show開唔開到。8點鐘收到大會通知上台面集合聽改動：今晚5個升降台全部唔可以用、冇dancers、所有artistes要用樓梯上落、rundown要cut歌⋯⋯聽到呢度，我知道自己嗰part凶多吉少，然後導演跳過咗自己個item冇cut到，但見有好幾首藍班長自己嘅solo都cut咗，我就知道一定係佢出盡方法保住我。老老豆豆，佢冇必要咁做，我係乜水？而且發生咁大件事，佢承受咗好多好巨大嘅壓力，要笑住繼續開show已經好專業。佢可能平時俾人感覺傻傻哋、成口衰嘢、嘻皮笑臉，但有幾多人知佢心入面有幾多壓力同唔開心都自己一個人頂晒？好多人都話，做乜個show唔搵多啲原唱者嚟，又話成日停留响80年代，又問做乜要咁做乜要咁⋯⋯我想講，呢個show就算而家冇晒啲舞台嘅效果、冇晒dancer(班dancer都好慘辛苦咗咁多日而家cut咗)、冇好多原唱者都咁好睇，就正正係因為啲歌本身。藍班長响show講過一句：我寫嘅詞唔受時間限制。呢句說話，我今次深深體會得到，至於點解唔搵咁多原唱者，呢點我想以自己立場為藍班長平反，首先，有好多巨星都已經唔响度，而一位樂壇前輩做一個作品展提供一個平台去俾機會呢一代嘅歌手參與，呢一點先係難能可貴！以我個例子，佢真係冇必要咁大力去保護我。別人笑我太瘋癲，我笑他人看不穿，呢一句，响藍班長身上深深體會到。一個每一刻都對人歡笑，但又寫到咁多震撼人心嘅作品，亦處處為人著想、提攜後輩，做咗亦唔講乜都在心中嘅人，呢兩晚對住咁多觀眾同我哋台前幕後講咗好多次「對唔住」，我知道，佢心入面真係好唔舒服。我只係想講，多謝你，林敏驄！唔單單係呢個作品展、呢個參與演出嘅機會，而係你以身作則教咗我點樣成為一個更好嘅人，我會努力㗎喇！唔會令你失望，放心 Andrew Lam！
hi仔 wallis 上
oh wallis: full set by UniofOxford Collection by bauhaus
photo by Heiward Mak 麥曦茵
#林敏驄今天星閃閃時日如飛35年腦交戰作品展演唱會 #林敏驄 #今天星閃閃35年時日如飛林敏驄腦交戰作品展演唱會 #CommonLoser #hkDumbJoker #斜槓青年 #窮忙族長 #曹震豪 #WallisCho #小牆紅館初體驗 #蘇格蘭牆 #非工業用 #bauhaus_hk #uniofoxfordcollectionbauhaus #SS17 #springsummer17
uniofoxfordcollectionbauhaus 在 UNIVERSITY OF... - bauhaus (The Official Page) - Facebook 的相關結果
【bauhaus尖沙咀店- UNIVERSITY OF OXFORD 】 全新UNIVERSITY OF OXFORD... ... Follow & Like : UniofOxford Collection by bauhaus ... <看更多>