上年我曾經加入一間老牌出版社做編輯，我每日用晒所有時間同心機去幫人哋完成一本書，放工返到屋企已經攰到冇心力寫字。
"If you don't build your dream, someone will hire you to build theirs."
考慮過後，雖然人工同福利都算優厚，但我都決定辭職。請辭當日，我上司問我跟住落嚟有咩打算。我話我想自己寫故事。佢嘅第一個反應係：
「喺香港寫故事搵唔到食㗎喎？」
當時我只係尷尬一笑，因為一嚟我深明佢並唔係想潑我冷水而係講事實，二嚟我亦都未知自己下一步應該做啲乜。
同樣係中文市場，但大陸同台灣嘅小說網都發展得好好，有相對完善嘅收費同產出機制，令作家真係可以靠寫故事嚟謀生，培育出優秀作品嘅同時，亦令閱讀人數不斷增長。
反觀香港喺呢方面，就好似一個發育不良嘅BB。香港嘅故事，彷彿由落筆開始就已經注定係悲劇。講嘅唔係故事情節，而係故事本身嘅命運。
上司仲似乎好擔心我，問我如果日後有啲freelance編輯工作會唔會有興趣接，可想而知，喺香港靠創作搵食係幾咁令人憂慮。
睇住自己户口內嘅儲蓄唔頂得幾耐，我都有懷疑過，究竟辭職係咪太衝動呢？但係可能我上世扶過一萬幾千個阿婆過馬路，所以竟然喺呢個時候有一間叫TBC story嘅手機故事平台搵我。
見面當日，兩個創辦人簡介咗隻App，簡單嚟講：
對讀者而言，tbc...就係用手機嚟睇故事，配合情節加入聲音、圖像同影片，係全新嘅故事體驗；
對作者嚟講，tbc...會支付稿費畀作者，亦係一個故事版權買賣市場，希望為故事搵到更多出路。
而最打動我嘅，係呢一句說話：
希望呢個app可以令唔睇故事嘅人鍾意睇故事；令本身會睇故事嘅人，願意睇更多唔同類型嘅故事。
就係因為呢個理念，我加入咗呢間Startup公司。
我第一次，真真正正可以靠全職寫故事維生。
籌備咗一段日子，個app今日終於上架了，我寫咗六個故事，其中有份參與嘅科幻愛情故事《Ex-File》仲有周國賢作曲主唱嘅主題曲😭另外仲有林夕寫鬼故、鄭梓靈寫愛情、健吾寫BL、Pizza寫師生戀等等等等。
唔係話香港出品就一定要撐，但至少，畀個機會我哋去證明，香港出品嘅故事唔係垃圾。
請大家花小小時間，免費下載tbc...story app：
https://pr7d8.app.goo.gl/ynr
tbc中文 在 使用電視代碼在電視上看YouTube 影片 - Google Support 的八卦
中文 （繁體）. català; dansk; Deutsch; English; English (United Kingdom); español; español (Latinoamérica); Filipino; français; hrvatski ... ... <看更多>