【美甲教學】
美甲有很多方法，有塗指甲油啦、有畫花啦、有整Hard/Soft Gel啦等，以上種種大家都是有一個問題出現，就係時間問題啦！因為就算照燈都要時間乾，何況係天然風乾呢？咁岩遇著天氣潮濕的話，仲更加麻煩，又怕未乾透要整花指甲！
在眾多的美甲方法中，就我就喜歡美甲貼啦！因為真可以以好快，一隻指甲只需5秒內就完成，十隻手指只不過50秒，一分鐘都俾多佢！
早前在 Glamaclub 的七月盒子內，其中一件產品就是美甲貼啦！咁就順利成章在此教教大家如果貼得更好更完美啦！我覺得美甲貼勁度岩我呢類又要懶又要貪靚的女仔而設！哈哈！
所需工具：
- 美甲貼
- 指甲銼
- 尖咀鉗（如有需要）
- 木棒（如有需要）
- 棉花棒（如有需要）
步驟：
1) 美甲貼多數附有多於5張的不同闊度美甲貼，供不同SIZE的指甲使用，量好邊張用於哪一隻指甲上就可以準備開始啦；（圖1）
2) 我習慣以鉗子夾起美甲貼，不過這款美甲貼都好厚身，不易撕破，所以用手指都無問題；（圖2,3）
3) 將有弧度的一邊緊貼著指甲邊緣，對岩位置一貼，之後可以用手指／木棒／棉花棒把表面撫平；（圖4,5）
4) 以手指／木棒推平表面後，確保美甲貼緊貼著指甲，就可以將多餘的部份緣著指甲邊摺一下；（秘訣：可以輕輕向外拉出，以確保邊緣的緊貼度）（圖6）
5) 再用指甲銼以90度向下挫兩至三下（同一方向，不要來回拉扯），多餘的美甲貼就會掉下，這就完成了！（圖7,8,9）
P.S 如果怕易掉的話，可以在上面塗一層Top coat保護，咁就可以保持一星期或以上都完整架啦～（保存時間因人而已，我就可以一星期多了！）
All-Belle 愛比堤假睫毛
#美甲貼 #nailart #nail #hkblogger #hkbeautyblogger #blogger
