Search
這次主角是小馬克，但媽媽話很多，應該會跟大家聊聊馬克平常的穿搭！
還有上次那個誰誰誰沒空來，這次我們又來新竹了，快來見面吧(招手)
《優尼聖竹北ROOKIE童裝店》
一日店長-小馬克
◆我愛小馬克-馬克媽媽&小馬克 / 親子同樂會
◆活動日期：2017/1/21（六）
◆活動時間：PM1:00-3:00
◆活動地點：優尼聖竹北ROOKIE童裝店 / 新竹縣竹北市光明六路91號
更多活動詳情：https://www.facebook.com/…/a.82430077099…/1277031389050794/…
#我愛小馬克親子同樂會 #優尼聖運動聯盟 #WINTHEGAME
[方以文問兩句][姚嘉妮 Claire Yiu]
《BB來了》嚟到結局周，後半部分嘅主線由允豬一家人移到去其他角色身上，包括咗觀眾好鍾意嘅許朗。嘉嘉將朗朗呢個表面歡樂但有悲傷故事嘅角色演得好討喜，做學生妹、mk妹都無問題。上一次有重啲戲份嘅角色就係2017年播出嘅《超時空男臣》當中嘅嬌姨，做奸險後母。今次做傻大姐朗朗，佢點拿捏呢？多謝嘉嘉忙緊做宣傳都繼續覆我，等我哋了解多啲佢創造朗朗嘅過程。
_______________________
問：朗朗傻大姐十三點嘅性格，睇得觀眾好開心。你自己點分析朗朗呢個角色呢？除咗係傻大姐之外，仲有啲咩面貌？
答：首先好多謝觀眾咁鍾意朗朗呢個角色，真係冇諗過，我啱啱收到個角色嘅時候，已經覺得個角色好立體，背後佢有好多鮮為人知嘅秘密、有好多唔開心嘅過往，知道係有得發揮，所以我係好期待呢個角色。點分析呢？大家知佢係十三點，永遠將嘻嘻哈哈放喺出面，佢自己經歷好多，但佢本身算係一個樂觀嘅人，所以就想用嘻嘻哈哈去掩飾咗佢內裡唔開心嘅往事啦。另外，朗朗覺得辜負咗阿妹，佢好似成日都想贖罪，明知個妹好憎佢都盡量去照顧佢，個妹有少少反應、返嚟屋企食飯已經好開心。
喺感情方面，朗朗成日畀仔飛，落仔落咗三次，照顧小朋友佢當係一個贖罪，去孤兒院湊啲小朋友嘅時候，個心都係好內疚。好似唔係好想或者好敢接受新嘅戀情呀，就算長青對佢好好佢都唔肯接受，因為佢驚去投入另一段感情，又覺得自己係爛泥，一pat爛泥扶唔上壁，自己諗住都係孤獨終老。但係你見到佢前晚嗰幕（按：長青送紅豆柳葉）個樣發晒姣，你知佢之後都會墮入愛河嘅，佢哋個結局都好搞笑，大家要留意下。
_______________________
問：好多人一見到你做朗朗，覺得有啲唔適合，但好快你就說服晒觀眾，仲成為咗套劇嘅亮點之一。你收到朗朗呢個角色有咩感覺呀？
答：我開頭接觸個角色時，又覺得okay喎，因為我係做一個過氣mk妹，唔係真係做mk妹😂😂😂，過氣咁我覺得可以好放去做。同埋個造型都好出，所以我做嘅時候都係放晒出去做，佢係一個有乜嘢就講乜嘢嘅人，喺說話上面可以大聲啲、可以bilibala啲，因為竹我知道故事後面係會backup到呢個角色。
_______________________
問：你自己同朗朗有冇相近嘅地方呢？去邊度搵材料去演朗朗呢個角色？
答：《BB來了》呢個故仔，我諗每個人對於唔同嘅角色都有少少共鳴之處。每一條線都好獨特。有啲人係同朗朗有共鳴，就係如果你唔開心，有啲嘢隱瞞，好似朗朗隱瞞個妹，唔係代表唔錫個妹。我錫你唔一定要講晒全部嘅晒畀你聽。呢啲矛盾，喺套戲講咗出嚟，係有好多人有共鳴。
我同朗朗某程度係好相似嘅，我嘅人生經歷係幫到我喺朗朗個角色度發揮。因為朗朗以前真係有好多經歷，之後慢慢喺個戲滲出嚟時，嗰陣就可以用到自己嘅經歷。因為做咗咁耐人，人生有高低起跌，係會幫助我入戲。朗朗都好似我自己，因為我都鍾意嘻嘻哈哈，喺人面前鍾意講笑、搞笑嘅一個人嚟，鍾意將啲問題收埋，覺得過咗一日就得一日，身邊嘅人開心，自己就開心。仲有，朗朗同我最似就係成日着拖鞋！好多人喺街見到我都會係踢緊拖嘅！ 😂😂😂
_______________________
問：成套劇你最鍾意邊部分呀？朗朗嘅戲當中，你最鍾意邊場呢？
答：（按：微戲透）啲flashback我好鍾意，你話做學生妹、旺角妹，佢講返以前唔開心嘅嘢出嚟時，我都好鍾意。同埋有一場flashback係連住我同長青坦白我點解落個仔，成段戲我都好鍾意。其實之前監製係想畀另一個演員去做我flashback嘅角色，但我堅持想我做返，因為我覺得嗰個戲係好影響到我之後嘅成段感情，所以我想自己做返，監製都即刻話好呀。我覺得係件好事嚟，我自己着返校服做返旺角妹，係令到我個角色更加出。如果搵另一個人做，可能我自己拿捏唔到佢點做，會影響我之後嘅戲。
_______________________
問：今次《BB來了》連中學生都做埋，仲有咩角色想挑戰？
答：學生妹都做埋😂😂😂我入行咁耐未試過一啲好打得嘅角色，我想做一啲好打得嘅角色。因為我鍾意紥紥跳，我真係唔停，但唔知係咪我外型比較斯文，定人哋覺得我斯文。希望今次朗朗呢個角色，畀人感覺到其實我都真係唔係好斯文，係一個紥紥跳嘅人😂 。今次監製畀呢個角色畀我可以show到呢一面，其實我都真係好似朗朗bilibala、粗粗老老咁，希望遲啲可以做啲打嘅戲，或者一啲歌舞嘅戲，我都鍾意，希望有機會。
_______________________
問：嚟緊《特技人》都有你喎，可唔可以講吓劇中角色？
答：《特技人》我係客串呀（按：又係客串……監製畀多啲戲嘉嘉啦），做一個coffee shop老闆娘。當中會同朱晨麗有啲戲，開解吓佢咁。
_______________________
問：依家重點係咪主持《都巿閒情》？演戲方面有冇癮呢？童裝生意嗰邊忙嘛？
答：《都巿閒情》我都鍾意做，依家我係一個working mum（按：嘉嘉同老公林祖輝育有一女一子），我做《都巿閒情》係有個使命感，令到啲人覺得睇《都巿閒情》嘅唔一定係師奶，係一啲聰明、靚、識得好多嘢，係有智慧嘅阿太，希望可以將「師奶」呢兩個字變咗做一個型嘅名詞。我自己都鍾意拍劇，如果唔係我都唔做演員啦。希望監製睇完《BB來了》或者我之前嘅劇，希望佢哋都肯信任我，畀多啲唔同嘅角色我去做吓，我都想有唔同嘅角色show畀大家睇。
衫嗰邊其實我好少搞，都係林祖輝搞，好開心啲BB童裝一路發展都係好嘅，愈來愈多人知道「ROOKIE」呢個牌子，我哋代理嘅牌子例如係Jordan 、Levi’s 、Nike咁都係一啲好嘅牌子，我哋會努力做得更好。不過落手落腳做我就好少喇，因為我自己都忙住湊小朋友，又有幕前工作，網上又做啲KOL工作呀，真係好忙，咁所以打理生意方面我依家都好少。
_______________________
#方以文問兩句 #姚嘉妮 #BB來了 #超時空男臣 #都巿閒情 #無綫 #TVB #亞洲小姐
今日「民峰而至」拍攝姚嘉妮開的童裝店（Rookie)主持除左有我仲有同林伊麗添，鄧佩儀，我地加埋四個chock樣！
rookie童裝 在 Re: [心得] 非常建議洗脫烘 - PTT 熱門文章Hito 的八卦
10 F 推CCMC: Zara童裝縮水2個尺碼吧23区貴貴棉背心變形了但還11/27 11:35. 11 F →CCMC: 是很推洗脫烘不用等洗好換一台機器11/27 11:35. ... <看更多>