照顧兩個小朋友確實唔容易，有時忙碌過後感到疲累，真係好想好想出外旅遊，但老公工作馬不停蹄，要一家齊人出發又未必咁易，所以今次決定帶小豆坐郵輪旅遊去個短Trip🛳，最重要係唔洗自己Plan定行程同節目，因為郵輪上一應俱全！
今次係我哋第一次响啟德郵輪碼頭上船，其實都好方便，去到check-in就有房卡，我哋上到船就可以直達去房間休息。到船上剛好係晚飯時間，我哋先試鐵板燒，鐵板燒食物種類都很適合小朋友，有飯🍚，有蔬菜🍆🌽，有海鮮🦂🐙🦀，食物都很新鮮， 廚師仲即場表演花式整鐵板燒，好精彩😍
喺船上小豆仲上咗禮儀班同學整壽司，有導師教小朋友摺餐巾，餐桌禮儀等等，家長可以交低小朋友俾船上工作人員照顧，然後家長可以自行安排其他活動，我都係睇番呢個video先知道小豆好投入咁學習，學整壽司亦都可以跟上進度，估唔到小朋友喺船上都有咁多學習機會，唔怕悶亦非常充實👍👍👍
講到我最期待嘅環節，一定係去做Spa啦😍，平時湊住兩個小朋友，好少機會有時間可以做一個全身Spa按摩，嗰度有兩層係做Spa, 地方好大亦好舒服，可以俾自己盡情享受。如果想做Spa嘅朋友，我有個溫馨提示，就係一上船就諗定幾時想做Spa，預早一點Book定，再安排其他Schedule, 就唔會太過趕急或想要嘅時間book唔到。
船上有個叫熊貓天地嘅遊戲室🐼，適合兩歲以上嘅小朋友入去玩， 衛生清潔方面都做得好好，每個小朋友入場前都有量體溫以及清潔雙手， 嗰度仲有陪同小朋友玩樂嘅導師幫手，家長可將小朋友交佢哋暫時托管，咁就可以喺船上輕鬆享受其他設施。 小豆喺嗰度都玩得好開心，因為可以睇圖書、睇電視、仲有電影播放🎞， 有導師教小朋友畫畫🎨，又有公仔玩偶屋、車仔等等。
另一個難忘體驗就係玩VR，其中有一個game可以大約容納十個人，响入面一路睇住個場景，跟住可以打怪獸，我覺得好好玩。我亦玩咗飛行體驗同過山車嘅VR遊戲， 感覺非常真實，真係好刺激！最後仲玩埋一個自己單獨行嘅VR，小豆喺旁邊不斷為我打氣，提示我行前，行左，行右！真係大人都玩到有啲唔捨得走！
另外，其中一個重點就係High Tea🍵🍮🍰，我哋今次主題係Tiffany afternoon tea，所以都係用咗藍色禮物盒做theme，有啲食物都係以粉藍色為主，喺船上航行中嘅時候，望著海景tea time，其實非常之relax😍
要分享嘅實在太多，寫極都寫唔晒，今次老公要開工，小花生又太細個，所未能一齊上船盡興，我期待好快可以一家四口再上Dream Cruises 星夢郵輪 玩過痛快！
#世界夢號 #親子週末郵樂園 #ExpandYourWorld
