【#國際線：內含實用資訊】保衛中大，有咩可以做？
經過呢兩日，唔少朋友好難安枕，面對特區政府，我哋有咩可以做？但正因為無人全知全能，點都應該喺自己崗位盡做。關於國際線，講真好多朋友比我跟得仔細好多，不過呢幾日喺華盛頓，同一啲美國政界學界舊朋友re-connect，都講起香港，我綜合咗幾點建議，可能有少少參考價值，如果有用就share吓啦。
入正題。
1. 當警察喺大學濫用暴力，如果有現場學生、舊生有外國國籍，絕對可以向各自領事館投訴；除此之外，亦建議直接搵各國最關心香港嘅議員，有代言人會事半功倍。假如係美國人，可以直接email CECC (美國國會及行政當局中國委員會,infocecc@mail.house.gov)，同埋最關心香港嘅Senator Rubio辦公室 (casework@rubio.senate.gov，或填form: https://www.rubio.senate.gov/public/index.cfm/contact)。我今日去佢地office，詳細溝通過呢刻最新局勢，佢地好歡迎大家電郵，Rubio助理住過香港、對香港好有感情，會親自逐封睇。請email標題註明關於香港最新情況，由於內容可能被用於條bill嘅相關工作，請大家用證據說話，需要個人化經歷、唔要template，特別請講自己點解走出黎、當晚所見所聞、有無受到香港警察不公平對待，令佢地政府知道點樣保護國民，議員亦更有保護僑民嘅legitimacy去關注香港。
2. Senator Rubio係最熱心支持香港法案嘅參議員，而目前法案去到參議院遇到一啲阻滯，呢幾日佢同負責排時間表既參議院主席麥康內爾攤牌，而最新消息，麥康尼爾經過呢兩日，啱啱正式表態支持法案，但詳情未傾。所以，即使唔係美國公民嘅中大學生校友，都可以email上述電郵，分享同類經歷，等佢地更知道最貼地實情present出黎比其他議員、寫op-ed，希望呢幾日嘅犧牲，可以幫返到條bill。由於法案另一個重點，係講緊一國兩制點樣被蠶食，特區警察「一國化」係一個重點，因為涉及日後仲會唔會對國際條約揸正黎做，假如大家有證據點樣blur咗呢條線，可以一併講述。
3. 問過RAND、Brookings、SAIS等等舊朋友意見，雖然Donald Trump好難捉摸，香港只係一張牌，又有出賣盟友往績，但佢係好要面嘅老人家，並唔係完全無路捉。我地要知道佢8月曾經公開講過：「I think it would be very hard to deal if they do violence. If it’s another Tiananmen Square……I think it’s a very hard thing to do if there’s violence」，即係警告北京，如果「天安門式」處理香港，貿易戰好難傾得埋。重點：「another Tiananmen Square」，呢個係語言偽術，可以指「六四咁嘅死亡數字」，可以指「六四式軍警鎮壓」，可以指「六四攻擊學生模式」，本來係為左比佢自己有迴旋空間，彈出彈入。正因為佢咁滑頭，我地要學以致用：警察圍攻中大，已經potentially qualify as「another Tiananmen Square」。有朋友話「都未死人、警察都係執法、點可以同六四比」，咁未免太學究，何況假如唔係校長高層親臨現場，慘劇可能已經出現，唔通真係死人先算Tiananmen？大家可以用呢個angle，用twitter多啲分享，順便溫提Trump，佢講過嘅情景已經出現緊（記住善用#hashtag），唔好比人覺得佢講嘢無到，同時配合國際輿論，令呢個analogy國際化，希望對北京、警察有少少制約。至於唔同意咁類比嘅學者朋友，「一切平靜之後」，好歡迎樹下開個tutorial討論下，但呢刻好忙，不了。
唔好意思，暫時只諗到咁多，其他好多建議，我覺得唔太可行，就無謂講。不過國際線臥虎藏龍，一定可以集思廣益，質素絕對唔係呢個咁既政權可比。大家小心，努力，加油。
#hktiananmen #齊上齊落 #守護中大 #守護香港
re 0 op 在 Re : 從零開始的異世界生活OP『鈴木このみ- Redo』完整版/Full 的八卦
... <看更多>