《一起身發現自己變細咗，要同隻貓合作……》
喵。一如以往，我俾熟悉嘅貓聲叫醒咗。神奇在今日聽落特別大聲，就好似入咗一間環迴立體聲戲院咁。我睜大眼，第一眼見到天花板離自己非常遠，就好似相隔幾十幾層樓一樣。
「搞邊科呀？」我企起身，突然感到頭頂閃過黑影，抬頭望上去……
我見到主人……屋企隻貓圓圓居然變到超級巨型，原來就係佢擋住咗陽光！
「嘩！？」我當場嚇到成個人向後跌低，好彩地板夠彈性。
「喵。（貓糧呢？）」圓圓喵叫。
「發生咩事！？點解妳會變到咁大……我明喇，係夢！肯定係尋晚打機打上腦……結果發惡夢……」
我一邊自言自語，圓圓就一路喺我身邊轉嚟轉去，以前只係隱約聞到嘅貓香味呢刻竟然變得好強烈。我拍一拍自己臉頰，冷靜落嚟再望清楚周圍……
「咦？」
我終於發現，原來根本唔係圓圓變大，而係我唔知點解變細咗……大概只係得返四吋咁高。
「喵～」見我一直冇理到佢，圓圓終於轉身走咗去枕頭旁邊瞓低。
我嘗試回想返之前發生過咩事。最有印象就係尋晚同依緣玩PS4，我因為笑佢玩得渣，結果佢一氣之下講咗句：「哼，現實又唔見你玩得咁叻！」
一齊咗咁耐，我當然知道佢呢句說話係完全冇惡意。但如果要解釋我而家嘅狀況，就可能係同佢呢句說話有關。
「……定係，因為隻GAME呢？」
諗到呢度，我慢慢行埋去床邊。以前只係輕鬆一腳就可以落嘅床，而家睇落足足有成十米咁高，跳落去可以話係死硬。
我有諗過利用枕頭去做彈床，但試過就發現變細咗嘅自己根本就唔夠力拉個枕頭落地。更慘係手機漏咗喺廳唔記得拎入房，冇辦法打電話求救……唔通，我只可以留喺床上面等依緣佢返嚟？
「喵。」就喺下一刻，巨大版圓圓又走返嚟我身邊。
「圓圓！妳一定係想幫我喇……」我突然好感動，變細咗連眼都易淺埋。
「喵，喵喵喵喵。（再冇貓糧我就會去掃跌哂你啲高達模型。）」
………
……
…
「圓圓，想要貓糧嘅話，我哋就要互相合作。」我無奈咁指向房門外面，「我而家落唔到床，所以要爬上妳背脊，等妳帶我出廳……係咪好易明先？」
圓圓聽完先打咗個喊露，隨即踎低身，睇落似係同意俾我爬上去。事不宜遲，我即刻行到佢面前，由白色貓腳開始爬上灰色貓身。好唔容易爬到去頸後，我攤開雙手嘗試攬住佢，同時抓實啲貓毛……
「圓圓，記住跳落去嘅時候唔好咁大動作，如果唔係……嘩啊啊啊啊！！！」
我都未解釋完，圓圓就起身一個貓躍跳落床……我差啲就捉唔實成個人甩出去。雖然最後冇事，但頭先真係閃過一下走馬燈，浮現汪阿姐個樣……
嚇死人咩！嚇到個心離一離吖！
「點解係汪阿姐唔係依緣……」我忍唔住吐槽。
驚魂未定，圓圓又開始行起上嚟，好快就行出大廳。雖然喺呢間屋已經住咗差唔多三年，但呢刻變細咗去睇，真係所有嘢都變得好唔一樣。貓砂就好似一個大型沙灘、上星期為圓圓而整嘅貓迷宮就好似一個亞馬遜遺跡一樣……
「圓圓，唔係嗰度。」我阻止圓圓行埋去玩迷宮。「係茶几嗰邊……」
呢刻，我部手機仲有PS4都喺茶几上面。不論係搵線索定求救，總之上去就實冇錯。
「圓圓，一陣又要靠妳，跳上去茶几……咦？」
圓圓並冇聽我指揮，而係帶住我行去廚房嗰邊……
「喵喵。（我要食貓糧。）」
「咪住先，等我哋上到去……」
「喵。（冇貓糧就靠你自己。）」圓圓停低腳步，擰轉頭喵道。
我好清楚圓圓嘅性格，固執程度基本上係同依緣不分上下……換句話說，我只可以照佢說話做。
同落床一樣，變細咗之後要拎貓糧再唔係一件易事。整個過程我同圓圓要合作面對各式各樣嘅挑戰──例如拎鎖匙，就要先搵嘢頂住油壓櫃桶（唔係我就會被困喺裡面），搵到鎖匙又要諗辦法去開（因為個鎖匙窿對我嚟講係凌空，圓圓又唔識開）……經歷過千辛萬苦，終於拎到包貓糧去滿足圓圓……
「喵。（飽飽。）」食完貓糧後，圓圓終於露出滿足嘅神情。
好記得頭先佢餓到係咁舔我，就好似想吞我落肚咁，好彩最後都冇咁做到。
「圓圓，滿足啦？滿足就要靠妳帶我去茶几度喇。」
「喵～」
聽到我嘅說話，圓圓懶洋洋咁再次踎低身，正當我諗住爬上去嘅一刻……廳門居然傳嚟開門聲。
「喵！（係依緣！）」
圓圓一聽到聲音，即刻開心到彈起身，由廚房台盤跳落地下……完全係忘記咗我嘅存在。結果，我一個失足由台盤跌落去，雖然唔知實際上有幾高，但肯定夠粉身碎骨……
無啦無啦……
妳隻衰貓，有女貓奴就唔理我……
見熟悉嘅灰色地磚距離自己越嚟越近，我認命咁恰埋雙眼，迎接死亡嘅降臨。
*
「阿朗，醒呀，阿朗！」「喵。」唔知隔咗幾耐，我俾一把女聲（連同貓聲）叫醒咗。
「依緣……」張開眼，喺我眼前嘅係正常尺寸嘅圓圓，仲有女友依緣。
「你做咩瞓喺廚房呀？唔怕冷親咩？」依緣問，然後注意到台盤上面嘅貓糧，「唔通……你偷食貓糧所以暈低咗！？」
見依緣露出難以置信嘅表情，我即刻解釋：「冇呀，我緊係唔會食！係圓圓佢……」
我指向圓圓，只見佢雙眼水汪汪一臉無辜嘅樣，毫無疑問依緣最後一定係相信佢，所以我決定慳返啖氣。
「對唔住。」我同依緣道歉。
「唔洗道歉，我明㗎。」依緣態度好認真，「人類總係有好奇心，就算想試貓糧都……」
「我冇試呀！」我無奈咁回應，「我係想講……尋晚唔應該話妳打得渣。」
依緣聽完好意外，然後企返起身，「「你傻㗎？一齊咗咁耐，你覺得我會上心咩？」
講到呢度，佢拎起地上面嘅購物袋，裡面係一大堆零食同汽水。
「你睇！我專登買咁多嘢，就係諗住今晚一次過打爆機㗎！」
「妳得唔得㗎？」我笑住抱起圓圓，「等我呢個專家教妳喇……」
結果，我到最後都係搞唔清楚成件事係點解發生。不過，呢件事至少令我明白到，現實真係唔同玩遊戲。仲有，下次同女友打機，都係唔好隨便話佢玩得渣……
「過到喇！妳終於過到喇！好勁呀，依緣……」
「你好假呀！死開喇！」
「喵。（真係眼喵怨。）」
（完）
鍾意呢個故事就俾個 Like 同 Share 出去啦！
【睇埋呢度！】
趁呢個機會想介紹返一隻PS4遊戲，叫做《The Last Guardian》。呢隻遊戲就好似上面嘅故事咁。主人翁同巨大生物Trico需要互相合作，通過唔同嘅難關。
親身試玩過，發現呢隻遊戲真係幾有挑戰性。提示唔多，好多嘢都要自己探索，操作方式仲好有真實感，每步每跳控制得唔好都隨時失誤。據聞仲可以喺歷險過程同Trico培養感情，對往後闖關都好有幫助。喺度推介俾大家～
介紹片：https://youtu.be/uhucr2WPic0
PlayStation HK #PS4最後的守護者
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
ps4 share game 3人 在 [問題] 數位版遊戲可以給幾台PS4玩?? - 看板PlayStation 的八卦
如題，
大家都知道可以用互設常用主機的方式
達到兩台PS4同時遊玩同一個帳號下的遊戲的方法
不過一直沒看到這個分享遊戲的上限是幾個
而這次我朋友A購買了PS4主機
我們是三台主機都使用過朋友B的帳號下載過GTA
現在三台都用各自的帳號 在GTA連線上完全沒有問題
且雖然只有我跟B有購買PLUS，A還只是剛辦的普通帳號 也可以使用GTA線上模式
該不會PS4分享遊戲，也跟之前PSP一樣，可以分到四個人嗎?
--
--
※ 發信站: 批踢踢實業坊(ptt.cc), 來自: 49.214.242.104
※ 文章網址: https://www.ptt.cc/bbs/PlayStation/M.1502734194.A.E7F.html
... <看更多>
相關內容