【唔睇都睇下系列：公關Dry到爆】
好多人成日都話自己好Dry，但對公關嚟講，Dry都有分幾種。
最簡單就係每到月尾荷包嘅Dry。我知我知，個個都係「踎低起身見頭暈，每到月尾見手緊」，但除咗我哋嘅使費，仲有係每個月幫公司出嘅petty cash。一個月出去開會坐車、買event物資、幫阿客淘寶、onsite expense等等等等，有時一個月嘅petty cash分分鐘多過自己份糧。「做咩咁傻仔貼錢打工？」做得PR就一定明白，下下等會計批錢俾你先做野，deadline就真係變咗做死線，自己都好快無得撈。
第二種Dry就係體驗性嘅Dry。因為OT嘅關係，好多資訊或活動都只可以上網睇video或者聽其他人講，根本無時間自己去體驗。有時候聽到啲公關口若懸河，好似知道好多嘢。鬼咩，唔夠八卦點同人social呀？但公關們往往把口就縱橫四海，真人出城就：「嘩，原來呢度係咁架？」呢種頭腦同體驗嘅反差，往往都唔好意思講出嚟，果種感覺，猶如愛在心裡難開口；好似識但其實唔係好知嘅複雜同矛盾，真係公關自知。
而大家最容易聯想到OT的Dry，你以為只係掛住返工拍唔到拖？少年你真係太少OT了。其實人做嘢做到6點後，已經會皮質醇超高；加上唔想晚飯都係公司食，做到九點幾仲好多嘢做、個肚又餓到爆嘅焦急；再再加上見到啲同事借啲二發呆早走推俾人做嘅忟憎；再再再加上完全唔體諒你已經開晒OT仍然不斷加單俾你，但自己晨早放咗工嘅客戶……真係盡怒火中燒到龜裂。再再再再加上係辦公室吹咗成日冷氣，皮膚自然乾到爆裂，呢種Dry到由內而外再返到內嘅複雜，真係要參考《演員的自我修養》都未必可以表達出嚟。
只要一日有想賺錢嘅老細、唔生性嘅客戶、偷懶卸膊嘅同事、永遠例遲嘅contractor，公關都會好似一舊Dry檸檬咁，榨到你盡都仲要放你係雪櫃吸味，用到你一滴都無 ── 沒有最Dry，只有更Dry。而想皮膚無咁Dry，可以試下搵Beauty Box 幫手 (喂，雖然我唔係返夜場公關，但話晒都有少少少少要個面口搵食吖，皮膚Dry到甩晒皮出event，有損我哋一眾公關仔女嘅威名喎)。一經訂購，每個月都會自動送上不同醫美產品；咪話公關仔無幫你睇埋，今個月有Bioderma Hydrabio水活保濕系列卸妝潔膚水(250ml)及隔離霜SPF30/ PA +++ (40ml) (價值$478)，幫皮膚深層提升自我保濕能力，從此美女公關開OT無時間shopping都無有怕。遇上唔適合嘅產品，仲可以每月 25 號前到訂戶專區按取消訂購，下個月再訂過。
嗱嗱嗱，你哋咁鍾意搵公關買平嘢，家陣用
想買平嘢就自己嚟呢度睇睇：https://goo.gl/pc4XFS
#BeautyBox #公關都要搵食吖俾啲面吖喂 #廣告呀喂唔睇都埋嚟睇下 #嗱嗱嗱咪心邪體驗性三個字係一齊讀嘅 #試過有會計好威咁新年遲咗出Pettycash仲要好威咁話咪當多封利是囉但啲錢原本係我架喎 #proposal咪就係紙上談兵之嘛 #OT有冷氣Dry爆已經好有時公司無加冷氣成晚焗住唔止Dry仲感冒都開齋
