噚日Team building， 返到屋企都10點幾，期間聽唔到電話，後尾先知我同另外兩個同事都有missed call同埋未read嘅message，全部嚟自我哋一位舊同事。
呢位舊同事搵得我哋咁急做咩呢？原來佢問我CV上面嘅summary應該點寫？有冇example借佢當罐頭咁抄，另外想問另一位同事關於Excel嘅嘢，有冇template？跟住再問有咩pdf轉word檔嘅網址推介，因為佢用緊個免費嘅，一個鐘之內只可以轉檔兩次。
做得headhunt都要問呢啲？冇辦法，因為佢舊公司，亦即係我而家呢間公司，配套方面十分齊備，有專人幫我哋打CV，database又有各式各樣嘅template，基本上喺呢度做，淨係負責出job ad同搵人interview就得，不過我就唔鍾意咁樣，入嚟咁耐從未叫人幫我執過CV，自己一手一腳打先至會了解，同個客介紹candidate嗰陣又唔會口啞啞，最重要係想保障candidate私隱，唔想太多閒雜人睇到啲資料。
可惜我呢位舊同事一直唔肯學，乜都假手於人，教咗佢又唔記，寧願喺問題重複出現時見一次問一次，咁就梗係冇進步啦！
我以前做sales已經試過，當時公司話客人問價，計料唔使自己計，send個email去product development（PD) 個部門就得，但係試咗一兩次之後唔對路，因為PD班同事態度好差，三催四請係指定動作，仲要睇埋面色，其實冇客問價，公司冇生意，又點養你哋呢？只係將心比己，PD部門畢竟唔係sales，幾多生意都好，佢哋份糧仍然係一樣，咁點解要服侍班sales呢？立場問題，我好理解，而為咗唔再成為PD部門嘅殺父仇人，我決定睇晒啲資料研究點樣計價，之後有客問就mark貴少少，最後階段先send去PD，返嚟個數平咗再update個客，大家都開心。
其實我係咪要學計價呢？職責上真係唔使。我而家可唔可以pass畀人執CV呢？我有呢個權利。不過我決定自己去學同埋了解，因為學多一樣嘢，將來就可以求少人哋一樣嘢。
最後我呢位舊同事係點解決呢？我哋幾個都聽唔到電話，搞到佢要問新公司嘅人，結果就要聽說話同埋睇面色。
無論你置身任何地方，無論你係飾演任何角色，學多一樣嘢，就可以求少人哋一樣嘢。
pdf轉word免費 在 免費PDF轉Word、Excel、合併、壓縮、浮水印 - YouTube 的八卦
CleverPDF: https://www.cleverpdf.com/zh-tw免費離線版(批次轉檔): ... CleverPDF: 免 ... ... <看更多>