我覺得，做人最重要係謙卑、尊重；禮貌唔禮貌都係表面功夫，但心存謙卑、尊重別人就冇得扮出嚟，其實尊重人哋就係尊重自己。以下呢件事，足見品德嘅重要，冇品，咩職業都幫你唔到。
P.s. 手術直播，係病人生死關鍵，操控在醫療團隊手裡，唔學嘢都唔會笑得出嘛！迷途嘅人類真係令人心寒。
《嬲》
初雪後第二日，卻又回暖一點，佢地叫呢個做Indian summer。雖然只有十度左右，但我已經好㷫。
一個大陸攪嘅國際醫學會議，搵丹麥呢邊做手術直播。你派兩個唔識講英文嘅人過黎「幫手」，算。Logistics、rundown 全部攪到一鑊粥，要我幫你執手尾，我算。直播當日，工作人員遲到一個鐘，於是我由醫生變身翻譯義工再變身 IT9，我都算。
喂，當人地一邊做手術俾你睇，你班 panelist 居然𢱕低頭玩手機，仲係咁講普通話唔Q理人，都唔好講嘞。痴孖根，當個手術出現阻滯，你地居然放聲哈哈大笑？喂你冇野下嘛。
唔係微笑喎，係最乞人憎果隻細聲講大聲笑喎。
唔係靜靜雞笑喎，係對住個直播鏡頭，笑到扯晒蝦咁喎。
唔係街市賣菜果個阿嬸笑喎，個個都係心臟科醫生嚟㗎喎。
唔係一個人笑喎，係三個大陸城市，十幾個醫生，一齊笑人喎。
我做左十二年醫生，參與過世界上大大小小唔同嘅醫學會議。咁失禮、咁唔識尊重嘅 panelist，真係聽都未聽過。
喂呀哥，我去開會睇人表演做手術，竟然有 complication 嘅話，我梗係擘大雙眼，睇清楚人地點拆解，抄 notes 都抄唔切啦。上得山多終遇虎，心臟科，手術做得多，實會有 complication 㗎喎。一個醫生好唔好手勢，其實就係睇佢識唔識 complication management 渣嘛。見人出事，梗係把握機會學野啦。請問你笑乜春呢？
你都係覺得人地呢邊啲鬼佬勁，覺得人地比你有經驗，你先邀請人地表演比你睇㗎啫。吓乜原來你其實係想睇人瀨野，然後恥笑人咁樣樣？
退一萬步，手術檯上面嘅係一個病人，一條生命。咁都笑得出，你仲係醫生嚟嘅？
其實讀咁多年書做醫生，然後冇品、冇性、冇禮貌、冇修養、冇家教、冇醫德到咁嘅田地，真係好恐怖。
咩係守護香港？
我同你講，無論如何千祈唔好俾香港有一日變成咁，就係守護香港。
===========================
後記：
手術有驚無險，老細成功拆彈。事後有同事問：「同樣都係亞洲人，點解日本人咁有禮貌，但係中國人咁樣樣嘅？」偉大嘅facebook，可唔可以教吓我應該點答？
#你睇連公園阿伯都笑你呀
#走到咁遠都避唔開中港矛盾SoSad
#打咁大篇野都冇粗口我覺得自己好叻仔
panelist會議 在 【陳超明×國際溝通講堂】國際研討會及論壇會議手冊撰寫 的相關結果
一般研討會或論壇通常會穿插進行專題討論（panel discussion），由主持人（moderator或host）帶領，參與討論的學者或專家就叫做panelists。而在重要的演講或論文發表場次， ... ... <看更多>