情人節當然中過大伏。
同女朋友頭一兩年過情人節，當然順順利利，熱戀中所發生嘅總係美好。但有一年，佢話：
「今年唔使慶祝，唔使送嘢畀我㗎喇！」
天真嘅我誤信以為真，結果當日咩真係咩都冇準備。花又冇買、餐廳又冇訂，禮物當然冇啦！
女朋友同我一邊行一邊見到其他情侶開開心心咁慶祝，眼神中流露一絲絲嘅羨慕，我就知道慘了，結果，佢當晚果然同我講：「你真係冇禮物畀我㗎⋯我諗住你點都有少少準備⋯⋯」
喂！咁樣嚟陰我！？女人講嘢真係唔可以信！
而再下一年情人節。
因為撞正我哋剛剛搬屋，我做咗一件諗番起都覺得蠢嘅事⋯⋯話說我哋買咗部新電視，我講笑同女朋友講：「嗱，呢部電視當係妳嘅情人節禮物啦！好唔好？」
女朋友笑住咁話：「好呀！你話點就點啦！」
結果，應該唔使我多講，喺我睇波嘅時候，佢熄咗我電視：「哼，唔准睇，我嘅情人節禮物嚟嘛！我話點就點！」
唉，送電視機，又中伏⋯⋯
所以，今年我一定要送番件啱嘅禮物！
當我有呢份決心嘅時候，反而一啲困難都冇，世界都為我開路！因為女朋友最鍾意嘅，當然係可以令佢靚上加靚嘅嘢！
「我要成為情人節嘅滿分男友！冇嘢可以阻到我！」我一邊買禮物，一邊喺心入面滿腔熱血。
為咗令女朋友知道我嘅心意、知道我準備充足，我喺一個女友忙到好攰嘅晚上，先為佢準備好愛心晚餐，食完之後再叫佢坐去梳化等我幫佢按下膊頭，然後叫佢合上眼，為佢戴上我準備嘅禮物。
我：「妳平時對我咁好，返工又咁辛苦，今年要送份好嘅禮物畀妳。」
當佢望住頸鏈同戒指，流露出咁多年以嚟最滿意、又最幸福嘅笑容，我就知道⋯⋯
今年情人節我終於成功了！
【後記】令女友靚上加靚嘅禮物，就係Pandora 2019情人節珠寶系列。表達愛意，送畀被寵愛嘅人，即睇唔同款式：https://bit.ly/2MJ5VaN
#PANDORAValentines #PANDORAGift
