「職業治療活動」中文部首篇
小朋友最中意 #寓學習於遊戲，上到K3，為了迎接小一一大堆中文認字抄寫默書嘅挑戰，家長開始教下小朋友認下 #部首，從而記下相類似嘅生字詞語。大多數相同部首嘅字都有相關意思，「木」部跟植物有關，例如樹林、松柏；「手」部跟用手做嘅動作有關，例如拍手、拉推，家長可以同小朋友從日常生活中搵出呢d生字，再組成詞語，慢慢再寫成句子，咁就輕鬆好多。
今日介紹一個玩法好簡單，令小朋友可以開心學習同抄寫生字，就係擲部首骰仔搵生字！
1️⃣自製一粒有常見部首嘅骰仔
2️⃣預備一堆相關部首嘅中文字，部首同生字需按小朋友程度而選取
3️⃣擲骰然後搵出相對部首嘅生字
4️⃣抄寫出來，高階嘅小朋友可以自行配詞
翹哥當然覺得好新鮮，K3嘅佢可以認到同配到好多字，但翹妹K1都唔差，認唔到咁多生字但可以叫佢搵下部首，例如日、口、木等等
家長們記得 #按步就班，選擇適當嘅字詞，#因材施教，先可以引起佢地 #主動學習，抄寫能力未穩陣嘅小朋友，可以先訓練 #寫前技巧，唔駛咁快揸筆架！
想要部首骰仔同埋字例，歡迎話比OTMama聽，我就會send比你地架啦，唔駛tag人架😂
不過如果你地覺得值得鼓勵下我，讚好下，開心share下，我當然會仲開心🧡 隨心啦～
otmama 在 120 OTmama ideas | activities for kids, crafts for ... - Pinterest 的八卦
Jun 10, 2015 - Explore Patty Whipple's board "OTmama", followed by 184 people on Pinterest. See more ideas about activities for kids, crafts for kids, ... ... <看更多>