on9界kol的八卦，Yahoo名人娛樂都在討論

最近多左好多人問太空人嘅問題，通常都係老公在香港工作，老婆同仔女先過去英國生活。

在你問咁樣法律上可唔可以之前，其實你更該問：

你們到底有多愛對方？

不，不，不，唔需要咁快發癲，我並唔係想講「你地可以分開到生活，證明其實都唔係咁愛對方」，所有將「愛」同「生活」掛上等號的人，都是on9的。不生活在一起說不愛了嗎？多少人喪偶後終身不娶不嫁，難道又真的不再愛在黃土之下的那個人嗎？

我是真的想問：你們有多愛對方，愛到可以出現一次機會，你可以重獲幾年太空人的自由後，仍然心甘情願回到對方身邊？

我不是說笑的，很多人糊裡糊塗結了婚，他們本來就是不適合在一起的，但因為種種因素、神差鬼使，卻綁了在一起。

現在有一個鬆綁的機會，你真的會願意自由自在生活幾年後，再甘心情願捨棄紅塵，戴上婚姻的金剛圈？

太空人不是法律的問題，而是愛情的問題— 你問一個四十歲的中年中產男人，若果每個月只需要給家用兩三萬，而你可以在另一個時空裡過著自由自在的時光，你可以喜歡什麼就買什麼，你喜歡燈紅酒綠多晚不歸家也沒有人嘮叨，弄不好還可以邂逅一個甚至多個人，重新得到消失了多年愛情的感覺。這樣子過上幾年，然後你要捨棄這一切，到英國的一個小鎮重新當一個「老公」和「父親」的角色，你願意嗎？

同樣地，你一個女人，年芳四十大好年華，對比英國鬼婆，簡直艷壓群芳，所有鬼佬都以為保養得宜嘅你只係廿八歲的單親母親。他們風度翩翩、幽默風趣圍著你團團轉，「You deserve better」成了爆炸的藥引，「I love kids even they are not mine」成了世上最美妙的聲音，你真的想要四年後跟那個多年沒行房、名叫「老公」的中年油膩大叔待到腐朽、待到世界末日嗎？你願意嗎？

最後，祝賀所有曾經太空人而又成功的朋友，這是真愛啦 🙈🙈🙈

#拿唔好話我放負
#我俾個成功例子你
#劉青雲應該係太空人界KOL
#咁你問下自己
#到底你地有幾愛對方先
#唔好成日話為小朋友行先
#到底留在地球嗰個係咪真心想走
#你問清楚未
#我愛你同我離婚
#都係三隻字
#都係解決一切愛情問題的最強答案

我之前講過幾次，呢兩屆政府做得最差嘅係佢地好on9咁DQ晒啲後生仔，大陸叫你消滅香港民主，唔係真係直接DQ晒就會無民主架！

你地係咪無晒商界人材，得返班劏房友？打低競爭對手的方法並唔一定係要對方執粒，也可以係全面收購對手。你睇下在體制內嘅反對派幾乖？在立法會同你打生打死係一回事，某些議員收左工連自己結婚都會請埋民建聯，仲會一齊開心大合照。呢啲就係成功馴化的反對派，也是政府最應該圈養的一群，小罵幫大忙，等大家覺得自己的聲音被聽見，正所謂禁不如疏，自然長治久安。只要你餵得佢地夠肥，他們還會為保自己的利益去自動吃子，那需要政府自己弄髒雙手？

好啦，DQ 左Gphone拉埋佢坐牢，諗住佢會失去政治能量從此日日唉聲嘆氣，由gphone變iphone（Sor... 搞下gag姐）? 泛民有一句說話係真嘅：坐監真係會令你嘅人生更精采，但佢漏左一句，就係「若果你是政客的話」。你能被極權政府抓去坐監，大概是政治界的人權獎了，在本地當然無用，但拎住「香港回歸後最年輕政治犯」這個title，在國際社會上就很精采了。

不要忘了，你就算再唔妥gphone都好，佢都係上過Times封面的萬人敵，不是在香港出入馬會的尊貴議員、也不是在網上吠來吠去的KOL（例如我）能比擬的。你覺得自己有影響力嘅話，你試下同佢一齊去美國國會門前行個圈，睇下班記者會幫邊個影相？

你可以話佢係小政棍，我會話他可圈可點，但誰也不能否認他隨時比任何一個特區官員，在外國更有政治能量。

好啦，你DQ佢嘛，咁佢咪出去闖囉，依家你係咪仲頭痕呀？你最on9嘅嘢，就係將啲司長位俾晒建制、俾左垃圾桶，呢班人本來就無本事可言，簡單來說就是做人唔精做鬼唔靈，你就算俾啲三四等嘅位佢地，佢地都會奶架啦。點解唔將啲靚位留返去收買人心，而係拎去餵狗？

孤陰不生、獨陽不長，一個政府缺乏「反對派」，終究是不行的，對政府來說他們是「必要之惡」。光是有容乃大是不足夠的，你還要有包容到底的器量，不是你成日話要聽年輕人的聲音，但講唔夠兩句又拉又鎖又叫人港獨廢青，有容乃大還需要堅挺到底，否則你望下鄭司長那對慘不忍睹的法律罅，真係要學超人講句：何堪再摘？

#你唔好俾我批死
#佢遲早入聯合國
#到時候你仲頭痕

話說，人妻先生在最近這一兩星期，因為lockdown結束所以「報復式消費」等等行為，令部份讀者產生 #炫富 的迷思，我想喺度講句：

真的非常抱歉.... 你咪L咁on9啦 🤡🤡🤡

首先，如果你覺得在英國搵六十至七十萬港紙一年「好多」嘅時候，你上網after tax 計算機扣埋NI計計數，會發現其實六十萬年薪呢...

每個月其實大約係拎.......... 三萬六港紙 😝😝😝我自己再有月供ISA，就更加少 😂😂😂 一個月三萬六港紙請問有幾富？

但我想講嘅係：我腳踏實地，努力工作，我養得起自己，我買到亦買得起我鍾意嘅野，我生活得很快樂也很有尊嚴，不用「食西北風」好不好？

至於我嘅消費，喂，大佬唔好玩我啦，我買茶茶葉買一百鎊aka 千蚊港紙，但呢個係嗜好黎架！我半年先買咁大把，你問一個男人玩車、玩錶、玩單反、玩音響，甚至玩模型一年要洗幾多錢？你地去一次酒店staycation都唔止啦，各位呀太個愛瑪士手袋條絲巾，都唔止呢個數，我有咩富可以炫？

但我明呀，點解覺得我好似好「富」咁嘅？因為我 #心中富有 呀 🙈🙈🙈 人呢，並唔會因為消費而開心嘅，因為物慾係無窮無盡，你今日買一個愛瑪士好開心，下次就要買更多才能更開心，沒完沒了，到最後就算你擁有再多，都係會覺得「唔夠」，成為物質和慾望的囚奴，很可憐的。

我呢... 我相信萬法唯心，我沒辦法賺幾百萬買跑車買名錶，但我可以控制我的心：買到靚茶葉跟買到絕版波鞋一樣的興奮、開一瓶蜜糖跟人開一瓶陳年佳釀那樣高興、去超市從一班鬼婆手上搶一堆黃色貼紙到期減價貨跟各位呀太去名牌開倉一樣滿足—— 我嘅快樂和滿足並唔需要靠金錢堆砌的。

很抱歉讓部分人誤會我有錢，事實上我真的沒有。鍾生打場擂台一百萬、林生買套西裝四萬、渾水隨便「兩千萬是有的」、英國教育KOL陳生英國買樓好似買菜，今日睇新聞，北角大媽放生都扔五十萬落海。我呢... 買下蜜糖買下生蠔買下茶葉就算架啦，你唔信search下 #炫窮界KOL ，應該除左我無幾多個會用呢個tag用足兩年架啦。

#我其實好反感被人話炫富
#因為真的是在說謊
#不過某程度都好開心
#我證明左俾大家睇
#你唔需要show名牌一樣可以在網上同其他師奶好開心傾計
#我唔需要show名錶靚車一樣會有人like有人喜歡
#你信不信我開post講豉油大家都會七嘴八舌傾埋一份
#人與人之間可以好簡單
#快樂可以好簡單
#滿足可以好簡單
#無論美不美麗也可美麗過這一生
#以上是我很坦蕩的財政分享
#請勿扣我炫富帽子
#留意返配圖係坦蕩兩個字
#睇錯麻煩去面壁