最鍾意突擊測驗嘅女朋友，又失驚無神問我嘢。
她：「講！同我拍咗拖咁耐，你記得啲乜⋯⋯」
我：「唔⋯好多嘢都記得㗎喎！」
她：「諗咁耐！證明咗你冇記住我哋之間嘅事啦！」
我：「唔係呀⋯妳突然咁問，個腦諗唔到嘢咋⋯⋯」
她：「唉，原來我哋之間冇回憶㗎！」
我：「吓⋯⋯邊係呀⋯⋯」
她：「咁你講吖！拍拖咁耐，邊件事最難忘！」
我：「⋯⋯」
這次對話後，我便知道，女朋友除了喜歡計劃將來，還會留戀回憶。
她說，因為人愈大愈易忘記，害怕時間久了感情會淡，所以約會的片段需要記下。你不在的時候，她可以拿來重溫；將來老了，也能喚起快樂的畫面。
我：「嗱，妳知我不嬲記性好，唔好考我啦！」
她：「你喺邊度第一次拖我隻手？」
我：「⋯⋯」
她：「我哋第一次去旅行嘅地方係邊度？」
我：「旺角⋯⋯？」
她：「我第一次煮畀你食嘅係咩？」
我：「白飯⋯⋯好似係。」
她：「唉⋯⋯」
我：「吓，妳又嬲呀？」
她：「唔好掂我！」
她說過，想跟我拍很多很多張照片，不是為了曬命，只是很簡單的一份紀錄。
突擊測驗，也不是為了考我，而是「再唔好好記低啲嘢呢，我哋好快就老，慢慢就唔記得發生過嘅事，所有開心同唔開心嘅回憶都冇晒，全部都好珍貴㗎，我唔捨得唔記得呀⋯⋯」
重要的是，兩個人久不久坐在一起，翻看舊照片，一起說著從前：「睇下以前你個樣幾傻！」、「原來我哋睇過呢套戲！」、「嘩！我以前好靚女呀！」、「唔係呀妳依家都靚。」⋯⋯是窩心的溫馨舉動，因為「原來你仲記得我哋嘅嘢」。
我：「唔好嬲啦，妳聽我解釋先啦⋯⋯」
她：「唔聽！」
我：「咁⋯睇呢？」
她：「咩呀⋯⋯」
我：「妳睇下先啦！」
我拿出的，是一本筆記簿，上面的頭幾頁寫著我們的相識經過，然後是貼上電影票尾、機票、即影即有，後面還紀錄了每年的體重、發生過的瘀事，旅行過的地方及感受⋯⋯寫了大約整本簿的一半。
我：「呢本嘢應該解答到妳啲問題啦？」
她：「點解你會無啦啦帶住喺身？」
我：「作為一個冇記性嘅男朋友，咁啱帶住本簿記低我同妳嘅嘢，係好合理嘅⋯⋯」
她：「喂！呢張影到我咁肥你都貼落去！？」
我：「哦，妳第時睇返就覺得瘦㗎喇⋯⋯」
那天，我們還坐了下來，一起在簿上紀錄了還希望擁有甚麼回憶：
我：
1. 同妳去至少十個國家旅行
2. 陪妳入產房，睇住BB出世
3. 搵日一齊射波唔返工，全日去玩
4. 放工返嚟見到妳喺廚房煮飯
5. 身邊永遠有妳
女朋友：
1. 影好靚嘅結婚相
2. 幫你抆眉化妝Full Mask
3. 一齊揀屬於我哋嘅傢俬
4. 每次食完飯都見到你主動去洗碗
5. 身邊永遠有你⋯仲有我哋嘅小朋友。
結論是，腦袋的容量太少，但值得記下的畫面太多，但我倆要繼續努力，儲起所有快樂。
【等等先吖介紹返】如果你想記低嘅回憶係兩個人一齊拖住手去做Facial，Oasis Group HK可能幫到你，一齊保養下之餘仲有埋由正宗泰國按摩師主理嘅「高能量火山石身體深層按摩」送𠻹！想舒服到瞓著，偷偷哋影低對方個Full Mask樣，即刻撳入去睇啦：
【男嘅呢邊】 OASIS homme x ERNO LASZLO皇牌淨肌緊膚及身體護理 (首次體驗價$288)：
http://goo.gl/iDYD2h
【女嘅呢邊】OASIS beauty獨家InLase嫩膚膠原增生療程 (首次體驗價$268)：
http://goo.gl/w2pAAy
#拍住拖做facial #儲起美好回憶 #OASISgroupHK #OASISbeauty #OASIShomme
-------------------------
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
著作：《原來比單戀更寂寞》、《鬼叫我唔識拍拖》
網上試閱：http://on.fb.me/1PKxJnS
