早幾日同班舊同事打邊爐，我哋係以前做體育記者嗰陣認識嘅，佢哋仲做緊呢行呀，得我一個轉完又轉咋，不過聽到班兄弟講公事依然有份親切感，因為我經歷過吖嘛！
Martin：「利物浦真係麻煩， 係要最後一分鐘先至反勝。」
Carson：「咪係囉！維拉點搞㗎，領先大半場，最後三分鐘先至輸1比2。」
Shawn：「唔係唔畀利物浦贏呀，但係下次可唔可以早啲呀！」
係咪好奇怪呢，作為一個球迷，幾時都想比賽係高潮迭起，點解佢哋會唱反調呢？唔通好憎利物浦？
非也非也！件事係咁嘅，因為英超完場時間已經係11點幾至12點幾㗎喇，啲報紙趕住要印，然後再車出去街外面賣，嗰一刻全部美術、排版、印刷版房，仲有總編都等緊你段稿開飯，個賽後報告如果等到完場先寫就遲㗎喇，冇可能趕得切寫幾百字，所以我哋班記者大約70分鐘就要交稿（須知道一場足球比賽係踢90分鐘，好多變數㗎嘛）。
以呢場阿士東維拉對利物浦為例，利物浦大部分時間落後0比1，寫稿嗰位同事嘅方向一定會係「阿士東維拉爆大冷」，負責搵相嘅編輯亦肯定會搵阿士東維拉球員慶祝相，好喇，當一切已經交晒去排版，利物浦嚟到87分鐘先至追和，段稿就梗係要改啦，加內容之餘，連標題都要改埋，正值雞手鴨腳之際，利物浦又喺補時階段入多球反勝2比1，你想唔想像到同事嗰一刻係幾咁無助？😅😅
印刷班大佬話之你係2比1定10比7，總之阻人收工要點，你都好清楚啦！呢個時候體育版嘅記者同編輯就要發揮合作精神喇，搵人報戰果，講埋球波係點樣入，方便寫嗰位同事即刻轉化為文字，搵相嘅編輯亦唔該轉相，揀張利物浦球員慶祝相。仲有邊個得閒？埋嚟埋嚟，幫幫手校對，睇下篇文有冇錯字，互相補位咁就快喇！
睇住Martin、Carson，同埋阿Shawn係咁呻，當年啲回憶返晒嚟，雖然係裙拉褲甩，但真心懷念成班兄弟同心合力打仗嘅日子，我而家雖然轉咗行，冇機會同佢哋喺報館打仗，不過仲可以喺遊戲嘅世界入面一齊打江山，事關呢班友仔介紹我玩 霸王之野望（港澳版），要成為戰國霸王，唔係單憑一己之力就做到㗎，關鍵係要識得點樣同盟友合作，一齊升級、打NPC、打其他玩家，繼而佔領城池，真係少啲策略都唔掂。到目前為止，佢哋幾個係比較合拍，不過我好快就會pick up㗎喇，如果你都有班friend或者同事係好夾，千祈唔好嘥咗呢份默契同埋情誼，立即下載一齊玩啦：
http://bit.ly/2JYj0wR
#霸王之野望港澳版 #6waves #正式上線 #同心合力去打贏場仗
npc梗 在 [朱紫]這代npc看誰最順眼- 看板C_Chat 的八卦