（極多粗口冇刪剪，唔鍾意聽粗口唔好入，我會明白的）
頭先搭小巴，兩個阿叔好大聲傾計，全車人都焗住要聽，阿叔A問阿叔B：「你有冇嬲呀？」
咁hehe？幾廿歲阿叔會關心對方有冇嬲？
阿叔B：「有呀，幾撚貴呀！就嚟開英超吖嘛，我個仔上星期啱啱裝完，佢今日就同我講要辭職，屌那媽仲要簽咗兩年合約。」
原來佢係問有冇Now TV……
阿叔A：「你個仔好地地做乜辭職呀？」
阿叔B：「佢話下星期一要罷工喎，老細唔畀，佢話辭職都要罷工，我勸佢都唔聽呀！啲脾氣幾撚臭呀！」
阿叔A：「最撚衰個林鄭，佢就賴死唔辭職，你個仔就走去辭職，痴撚線！」
阿叔B：「林鄭話佢有辭職呀，係阿爺唔畀佢辭職咋！」
阿叔A：「你信唔閪信呀？」
阿叔B：「梗係唔閪信啦！乜嘢工唔可以辭職呀？恐怖組織呀？你要辭職會辭唔到㗎咩？我就未撚聽過喇！」
阿叔A：「其實香港人都戇鳩鳩，罷工都要驚老細唔鍾意，你請病假佢咬你食呀？」
阿叔B：「咪係囉！屌你老味！林鄭都罷撚咗工好多日啦！你有冇見撚過佢吖？特首都罷工呀，香港人驚閪呀？」
阿叔A：「啲高官仲叫人唔好罷工，仆街啦！你班高官個老細咪罷緊工囉！」
然後我到站要落車喇，冇得再聽落去。
#聽到粗口就周身唔舒服
#過多幾年呢兩個阿叔一定畀解放軍槍斃
now tv英超 在 Now TV - 英超23/24 - 各就各位準備交鋒 - YouTube 的八卦
Now TV 同球迷一齊歡呼 迎接新季 英超 bit.ly/3OsdFy0 ... 快啲Click入嚟bit.ly/3OHbvfj ，搵我哋傾吓啦# NowTV #4K睇波# 英超 # 英超 新季#英格蘭足球 ... ... <看更多>