📘
《檢討會》
喺醫院成晚，可能加上生保床啦，瞓極都瞓唔著，不如寫出嚟啦⋯⋯釋放下都好。
2019半年過去，其實今年都唔錯吖，不停地迫你作出檢討、思考，人生其實唔係太多機會可以拋開自身每日面對緊個人問題，而去擔心一個地方嘅發展，應該好好把握哩啲機會。
自由哩個詞語，其實好空泛，每人都生而自由又其實毫不自由，首先我地毫無選擇權地出咗世，不過健康嘅話，至少可以自由咁呼吸；後來天資約束，繼續冇乜選擇地升學，但係可以自由分配努力嘅程度去唔同嘅方向學習；到成熟到可以自由地戀愛，又會發覺有好多現實條件限制住發展。我地總係喺好有限嘅自由底下尋找自由，全部人都喺「冇乜得揀」嘅情況下，盡量揀今日、哩一刻最好嘅選擇，跌跌碰碰行到今日。
冇人會知揀啱定揀錯，冇人會100%估算到未來嘅走向，任何立場，都只可以對哩一刻感到不合理嘅事說「不」，以及努力爭取合理嘅事。又或者大家都應該誠實地承認自己唔係一個太聰明嘅人，或者極權都work呢？只要佢唔封殺你。我成日都諗可能北韓內部超happy，大家都好得金仔，又的確，國內都有大量人口認為封鎖言論唔係問題，有《好聲音》咪得囉；唔洗乾淨水，有喜茶飲咪得囉；唔洗版權法，有免費戲睇咪得囉；係冇乜自由，有空間娛樂又或者有娛樂空間，都幾好吖？做人為咩先？係囉，做人只為娛樂填肚打咭執相睇戲淘寶搵錢洗錢嗎？唔係唔得，可以！但係哩個唔係我要嘅自由，而且反正以上哩堆自由，喺我爭取緊我要爭取嘅嘢嘅同時，一樣享用到，難道我去遊行，喜茶就唔賣珍奶俾我嗎？咁點解我唔行多步？
可能行多步嘅犧牲係一個大陸市場，有十四億，但你人生有需要搵到十四億嗎？你射精都用唔到十四億啦。2019年，環球市場，netflix經濟，如果你有料到，點會得一條路？係地區限制，定技不如人？有膽裝無知往臉上抹假笑獻媚，冇膽開發新機會？每一次聽到人講年輕人好抗拒北上工作搵機會，我聽到嘅只係哩班人只識得消耗住舊香港嘅光環北上攞機會，好似除咗哩條路就冇其他路揀咁，究竟係邊個唔敢開發市場？
你改變唔到世界，所以改變自己；我地改變唔到自己，所以改變世界。最終做唔做到係一回事，但未戰先降，似乎唔係大家嘅選擇。兄弟爬山，各自努力，路唔只得一條，若然做人一定要夠滑頭先生存到，我地就打造老實人都可以做到生意嘅市場。若然你認為哩堆係漂亮話，我地就拼盡全力去兌現哩一堆漂亮話。到最後點先叫揀啱？歷史自然會話我地知，唔洗心急。
觀察員 檸
netflix地區限制 在 [古奇哥] 解鎖NetFlix 地區限制| Ivacy VPN - HBO MAX - YouTube 的八卦
台北101. [古奇哥] 解鎖 NetFlix 地區限制 | Ivacy VPN | VPN 用途| 最佳VPN 推薦| YouTube movie | HBO MAX | Disney Plus. 7.2K views 6 months ago. ... <看更多>