Search
最初「全民造星」開始宣傳即將出街時，有朋友問我有冇留意，我答：「冇興趣，咪又係一堆想發明星夢嘅𡃁仔圍威喂嘅比賽節目！」
到我出席「全民睇波」做表演嘉賓時第一次見到班「𡃁仔」我都係有少少莫視佢地嘅成份存在。
隔咗排有朋友極力推薦我睇，因為呢個節目唔係睇班𡃁仔，係因為個VO講嘢好賤好好笑，監製花姐同一班導師評判評語完全冇餘地，極富娛樂性同好睇，於是乎我開始咗追，因為真係好好笑同好好睇。
未幾，我竟然接到通知我要去呢個節目做嘉賓（嗰時已經開始鍾意睇），我二話不說接咗；我揀咗「時光機」同「內外」，前者係因為好似好多人鍾意呢首歌而我又好似好少喺電視上唱過；後者係因為我覺得D歌詞好似幾啱送比班仔，所以揀咗。可能係溝通上有少少問題，原來我揀嘅呢兩首歌係要同班仔一齊唱！
去邵氏片場一共去咗三日，第一日就夾夾呢兩首歌，之前一日我仲諗咗少少嘢去夾得首歌好聽D，入到錄影廠，有少少興奮，個場原來係咁架！花姐呀！D仔真人呀咁（入廠前自己比較留意到嘅係嚴祺、Ian同肥仔，龍少同我撞衫（我其實唔介意，反而好似龍少覺得唔好意思，保奇同Moley其實唔難相處，OT好虛心聽取意見等...
See More
最初「全民造星」開始宣傳即將出街時，有朋友問我有冇留意，我答：「冇興趣，咪又係一堆想發明星夢嘅𡃁仔圍威喂嘅比賽節目！」
到我出席「全民睇波」做表演嘉賓時第一次見到班「𡃁仔」我都係有少少莫視佢地嘅成份存在。
隔咗排有朋友極力推薦我睇，因為呢個節目唔係睇班𡃁仔，係因為個VO講嘢好賤好好笑，監製花姐同一班導師評判評語完全冇餘地，極富娛樂性同好睇，於是乎我開始咗追，因為真係好好笑同好好睇。
未幾，我竟然接到通知我要去呢個節目做嘉賓（嗰時已經開始鍾意睇），我二話不說接咗；我揀咗「時光機」同「內外」，前者係因為好似好多人鍾意呢首歌而我又好似好少喺電視上唱過；後者係因為我覺得D歌詞好似幾啱送比班仔，所以揀咗。可能係溝通上有少少問題，原來我揀嘅呢兩首歌係要同班仔一齊唱！
去邵氏片場一共去咗三日，第一日就夾夾呢兩首歌，之前一日我仲諗咗少少嘢去夾得首歌好聽D，入到錄影廠，有少少興奮，個場原來係咁架！花姐呀！D仔真人呀咁（入廠前自己比較留意到嘅係嚴祺、Ian同肥仔，龍少同我撞衫（我其實唔介意，反而好似龍少覺得唔好意思，保奇同Moley其實唔難相處，OT好虛心聽取意見等等）。開始夾歌，夾完後我發現，班仔原來一早已經諗咗唔少心思落隻歌度去演繹得更多更好，之後就係現場樂隊真心唔錯！同埋班仔，真係好熱血，見到佢地兄弟間嗰種微妙嘅溝通，我都想同佢地friend埋一齊，之後懷住少少不捨同期待第日再見嘅心情離開，返到屋企Whatsapp心美吹水兼問佢第日喺唔喺現場，閒聊間先知今次評判有Ellen份，我第一時間心諗：「PK，我仲揀咗內外，班仔要打醒十二分精神至得！」
到咗第日我一入到錄影廠即刻搵同我一齊唱嘅十個仔話佢地聽評判有Ellen，叫佢地醒定D；點解我會咁著緊班仔嘅？原來由我開始睇造星，再真正同佢地相處後，係會比佢地份熱血感動到，去到同佢地夾歌嗰日，電視啱啱播到姜B唱完，呢班就係我最初認為畸呢嘅仔？進步咗咁多嘅？！跳舞嗰part好睇到吖！
去到第三日正式比賽，即係大家啱啱睇完嘅第37集，後台前台氣氛異常緊張，花姐緊張到大叫唔敢睇，我見到Alton扭親仍然要準備比賽叫我唔駛咁擔心，我見到小平跳舞時發出耀眼光芒，開始喇，連師兄都話唔知點解好緊張，冇錯，因為在場所有人都想班仔好，點解會咁嘅？真係好神奇！我真係好耐冇遇過D咁真心、咁熱血嘅情況，短短三日嘅相處已經比佢地感染得要死。
到我地喇，A2同B2企喺我後面準備出場，我都真係幾緊張，唱時光機時唱錯咗一句（我成日凝住係咪因為咁而令到接住我唱嘅肥仔出錯，如果係我真係萬分抱歉）！完咗唱歌嗰part，後台非常緊張，我本來要趕下一場去柴灣唱歌，但我想盡量留底睇埋，我承認喺嗰一刻我係有少少偏心B2組，到佢地出場跳舞，非常精彩！其實我覺得A2都唔差，不過B2實在太精彩！我同Hailey喺後台嗌到癲咗，評判評語對B2演出亦高度讚揚！心諗應該冇問題掛，點知......
後台充斥住一片非常傷感嘅氣氛，我想同佢地講D嘢但唔知可以講D乜嘢好，我同事Kaman話真係夠鐘，要走架喇，我懷住超級不安同不捨嘅心情同佢地無聲道別咗......
嗰一晚我真係非常之咁唔開心，我喺當晚嘅fb同ig都po文發表咗，除咗因為B2輸咗之外，我都冇機會同A2、B2黎個正式嘅道別，個心好唔舒服，當晚我Whatsapp問阿芝肥仔佢地點，之後仲傾咗好多好多，知道佢地已經冇事個心先至舒服D，仲相約咗第晚同Ellen一齊飲嘢......
錄影嗰日到今日出街之間嘅十數集，我更深入了解到佢地，好似陪住佢地成長咁，除咗肥仔跳得、嚴祺唱得之外，我再深入留意到阿Dee嘅強、阿神嘅認真、Jeremy嘅努力、龍少嘅才華、Frankie嘅舞藝、保奇嘅傻勁、Moley嘅rap同OT嘅認真，我想同您地10個講，我唔係被邀請黎同您合唱嘅歌手，我係您地第十一位隊友，多謝您地！
P.S. 我想講「全民造星」呢個節目一入到廠就會同您帶個收音咪，佢地會隨時打聽到邊度有嘢要拍，同埋入面除咗set咗好多cam之外，亦好多handcam跟住，所以絕係冇123 action咁戇居嘅事情，所以希望大家都多多支持呢個節目同呢班仔！
#全民造星 ViuTV
［全民造星III］畢業日
辛苦了這麽多台前幕後，幾個月以來日夜顛倒的照顧和提點，謝謝給予我的機會和鼓勵！
花姐，阿包，耀sir，Rock Sir，CM，Dull，KK，Helen，Himtos，濟哥，Moley，Nat姐，Panda，阿富，Susan，Vivienne，文森君，還有很多音響部燈光部服裝部的工作人員，多謝大家的盡心盡力。
@cmgroovy
@tl1226
@samm0123
@iamvvnchung
沒來得及和你們影相😭
也十分感謝一直以來的化妝和髮型 @makeupforever
@privateisalon
#全民造星3
