mk女衣著的八卦，Yahoo名人娛樂都在討論

環球膠報 膠粉分享【今天捉變太佬的經過】咁都比我見到佢真係冇運行

拍片事主：「今天在9龍塘上車.好急坐地鐵返公司見客.一上車.唔知係唔係我做設計le 一行.好喜歡留意人地衣著打扮.在車箱中.看到一名.著衫怪怪頸上生左好數十粒唔知咩來的男人.我一路偷偷留意.看到這男人用他的下體緊貼前面這位女士.他下體前前後後左左右右咁磨個女士個pat pat..女士當時唔咁出聲.女士見咁樣.又行前多幾步.男士見女士行前.佢又行前幾步..(相)手大字型咁捉住火車上的x手,下體前放再次接觸女士pat pat .好似c字型咁..之後我大叫.小姐唔洗怕呀.有我係到呀.我再說.你個死人變太佬..你真係想撚死....這變太佬看到好似唔對路.馬上跑走.走上對面的車上.我又追佢.佢推我車下.我死都起返身.再捉住佢.唔比佢走...開始我同佢又嘈又打起上來...我見我好似攪佢唔點//大叫d路人幫手..好幾個男士見我咁樣.就開始加入一起幫手..大家都圍住佢.走都走唔到.之後打99 9 捉左佢....警察來到.就問我好多野.個時仲有5分中要見客.

我就打比我個客同佢講有d 咁既事發生..好再個警察可以比我走先.做完左個客.再返mk 再落口共..咁就比佢攪左我2個幾鍾頭fuck

如果女士見到le d 人唔洗怕.大叫叫人幫手..
男士見到馬上捉佢..唔好比le d 人在係pe 個世界上~」

話說幾年前，我同一班朋友仔落Bar吹下水飲下酒，當晚Crystal飲到好High，講野開始無大無細，語無淪次，不斷吹噓自己點樣玩弄男人於股掌之中，又大談女人經點樣可以食住條仔，仲即埸示範比我地睇，拎起手提電話即席打比佢男朋友。

『我依家係諾士佛臺間Bubbles到丫，你快D過黎接我啦! 半個鐘頭內到丫!唔係你就死比我睇!』

Crystal收左線後，即刻笑笑口講:『佢住天水圍架!睇下佢半個鐘頭內黎唔黎到!』

最後過左一個鐘，Crystal個男朋友先出現，個樣仲要趕頭趕尾咁，頭髮又亂，成個恰熟狗頭咁黎左。Crystal當然唔對佢客氣，不斷對佢呼呼喝喝，罵佢點解咁遲，又唔打扮下先出黎，要係班朋友面前失禮死人。面對種種既指控，Crystal個男朋友雖然感到無奈，但仍然笑笑口不斷重覆:『對唔住......對唔住......』之後又對我地講:『唔好意思，唔好意思。』

班姊妹見到之後都暗地裏笑佢，仲打哂眼色比Crystal，就好似同佢講 :『你男朋友黎架? 哈哈哈!咁On9既!』

介紹完之後，原來佢男朋友叫阿Ray，佢細細聲問Crystal:『點呀? 走得未? 我送你返去。』

點知Crystal拍一拍張枱喝住阿Ray:『坐低啦!好趕咩你?趕就自己走先!』

對於女朋友要求佢黎接佢，但依家又叫佢走先，阿Ray顯得無所適從，唯有靜靜地坐低。Crystal意猶未盡，好似High大左咁，不斷分享佢同Ex既經歷，阿邊個邊個點樣對佢好，又買依樣又買果樣，而且床上功夫都一流。

『我之前識左條仔，佢俄羅斯人黎架，黎香港Exchange，嘩!個晚同佢扑野! 攪到我腳都軟埋! 成張床單都濕哂!』

我地知道Crystal真係飲大左，竟然係男朋友面前講埋依D野，我望一望阿Ray既樣，佢感到非常尷尬，呆呆咁拎住個酒杯係到搖黎搖去，好似有心事咁。 但Crystal把口一直都未停，加上班姊妹對於Crystal既性經驗非常有興趣，不斷重覆依幾句說話:『下? 真係架? 』 ，『點解既?』，『之後呢?』。令到Crystal好似講者上身咁，好有虛榮感，愈講愈露骨。我就鄧佢男朋友慘啦，成晚係到聽自己女朋友分享同其他男人既性事，仲要講到人地幾把炮，都唔知阿Ray點樣睇自己。埋單個陣，Crystal要佢男朋友請，之後班姊妹又起哄:『多謝阿Ray!!』

大拿拿千幾蚊張單，話多唔多，話少唔少，依一刻阿Ray唯有恰熟狗頭咁，笑笑口回應:『大家開心姐，唔洗多謝。』不過我好清楚見到佢從銀包拎錢出黎埋單個一刻，流露左一絲絲既無奈同委屈。最後Crystal話同班姊妹有下半埸，順便去佢地到訓，就叫左阿Ray自己返屋企。

咁岩我同阿Ray都要搭火車走，一路行去個陣，都吹左陣水。我拎左兩舊水出黎比佢:『比返你。我自己個份既錢。』

佢有D驚訝，但又好快笑笑話唔洗，估唔到依一刻佢都仲要戴住個面具做人，見佢咁樣我都收返。

『其實Crystal平時都係咁架?』佢似乎有野想知咁。

『呀! 係怪! 佢講野不嬲唔經大腦，成日吹水! 所以你都唔洗對佢咁認真!』我咁講都係想佢忘記今晚既事，唔好放係心入面。

『拍拖點可以唔認真! 不過......可能我第一次拍拖，唔係好識做人男朋友啦! 哈哈! 所以Crystal一直都對我好似好多不滿咁! 不過我會努力! 好好對佢! 做一個稱職既男朋友! 將來同佢結婚!』 阿Ray一路講，佢既眼神充滿憧憬，我都唔知應該話佢蠢丫定係一條認真撚。

為左令佢清醒下，我試下打擊下佢，於是話:『Crystal性格咁差，又爛浦，你仲咁有恆心對住佢? 你唔辛苦咩?』

之後佢笑笑口咁回應:『辛苦架! 但無所謂啦! 我相信我可以改變到佢! 令到佢變返個好女仔!』

拜別左阿Ray之後，內心對佢充滿敬佩，個刻真心希望佢同Crystal可以得到長久幸福。

過左幾個月後，Crystal係Facebook到顯示出單身，終於同佢阿Ray分左手。但唔洗好快，Crystal又再一次In a relationship，身邊既好友都送上祝福同Like，Crystal都哂幸福咁講:『我好鍚我老公架!』之後成個Facebook都充滿佢同"老公"既幸福相，但好快就回覆單身，以前同"老公"影既相全部Del哂，之後又好快in a relationship，身邊既好友都送上祝福同Like，Crystal再一次哂幸福咁講:『我好鍚我老公架!』之後成個Facebook都充滿佢同"老公"既幸福相，但好快就回覆單身，以前同"老公"影既相全部Del哂，之後又好快in a relationship，身邊好友既祝福都講都講到口臭，反而開賭今次維持幾耐先散。

幾年後，琴晚再一次約左班老友出黎聚下舊，我地太耐都無出黎見大家，Crystal依一晚好乖，又無化濃妝，衣著已經變得正正常常，無以前咁性感同妖艷，講野既語氣都比較斯文左，總之一句講哂，成個人乖左又成熟左啦!

摸酒杯期間，Crystal話自己玩夠，係時侯想穩定返，最開心既，佢搵到佢心目中既Mr.right! Crystal話估唔到依一刻，個位Mr.right都唔介意佢既過去，肯接受返佢，所以決心好好同佢一齊，而且依位Mr.right對佢好好，又專一，已經係一個絕種好男人。正當大家估緊邊個咁好既時侯，個位Mr.right就出現左，原來係幾年前既男朋友，阿Ray。

Crystal見到佢黎左，好Sweet咁橋住阿Ray隻手，好似執到寶唔捨得放手咁，個刻我地都為佢地感到開心，都真心為佢地送上祝福。同時令我諗起幾年前，阿Ray對Crystal個種專一熱情，如今終於都開花結果。

令我深深感受到一篇潮文。潮文如下:

"好多女仔即使同十幾廿個賤男或者MK拍拖後，到三十歲咪又係搵返個外表老實既專業人仕黎嫁！MK賤男付出了精液，最後卻一無所有 ！

好男人係婚禮上吻著自己的妻子，禮台下觀禮的MK賤男卻只能係心裏回味新娘子以往高潮時面上泛起的紅葷 ！新娘子臉上的精液早已被抹掉，準備迎接生命中新的一頁。 "

各自AA制埋單之後，我同阿Ray去左廁所，我都有撩佢講野:『終於開花結果啦你!』

阿Ray好似唔明白我既意思，之後好快拎起電話打:『你地係邊? 開始左未?...屌!又唔等埋我? 我要應酬個臭西呀! 真係麻撚煩! 不過依家鬆得人! 你叫班女等我呀! 我餓撚左好耐! 今晚要大開殺界!』

收線後，阿Ray搭我膊頭笑笑咁問:『今晚我有地方開P!大把女任媾全屌! 岩唔岩先! 岩就一齊!』

我一時之間比唔到咩反應，唯有話累要返屋企，下次先! 之後阿Ray又再次拎起電話打比人，聽佢語氣好似同D女傾緊計.....漸漸地，阿Ray一路好開心咁傾一路離我而去，聲音慢慢消失了。

我望住佢離去既背影，我睇唔透究竟阿Ray份人本來就係咁既人? 定係佢個種單純既心被Crystal傷害過而改變左呢?

我猜不透。

【Be 編輯有話兒：性平等】

內地吳亦凡事件持續發酵，更令其他有「前科」的男星被陸續爆料。香港本地也有男藝人被指食女無數，往時「撩女」的對話被公開，不過網友的反應算是一面倒力撐該藝人，認為公開舊事的女生是搏出位多過正義感使然。

筆者初時覺得奇怪，畢竟香港人對性的尺度一向也只是「口講開放」，這次竟然完全不覺得「食女有罪」？看到留言就開始明白，皆因該男藝人一向形象MK，講明會睇AV會媾女，早前更有一腳踏兩船的是非纏身，所以大家早已見怪不怪。反而公開舊事的女生平日衣著性感，就被覺得是壞女生和搏出位。看到這些評價，不禁令筆者想起多年前的艷照事件，明明食女無數又不慎處理私人照的男主角是罪魁禍首，但事件被公開，反而是對幾位女主角的形象造成毀滅性破壞。

筆者驚喜大家對男性「食女」的態度變得更開放之餘，相反地想，換著是女藝人呢？有多少女性可以大聲說自己會看AV、自慰而不會感到尷尬，又會不會有一日，大眾都可以平等地覺得享受性愛、愛周旋於男人之間的女性是人之常情而不是淫蕩呢？

#BE_HKinsight #Be編輯有話兒
__
💕Be都開佐MeWe喇：https://mewe.com/p/beautyexchange
💕立即Follow 我哋IG：instagram.com/be_hk/
💕Be都開佐MeWe喇：https://mewe.com/p/beautyexchange
💕訂閱YouTube Channel：youtube.com/beautyexchange
💕搶先睇Be資訊可以喺網頁版cover photo下方，㩒『Following』按鈕之後㩒『See First』