好多人成日問我一條問題，
「其實你飛來飛去，點去抵個jet lag」
呢個其實我解釋都解釋到口臭，
拿，我可以話俾大家聽，
每個人既生理時鐘真係好唔同，
有啲人係好訓得既睡寶寶，
一次過訓，可以訓到12/13個鐘，而且到到都訓得到，
呢類人就最適合做啲飛來飛去既工。
雖然我都做左呢份工有好幾年，
有好多人都話「你應該習慣左jet lag」嫁啦，
不過可以同大家講，就算你keep住飛同一個地方，
我諗jet lag呢回事都未必會習慣，
況且我每次飛既地方，基本上都係唔同既地方，
今次係歐洲，下一次就美國，再下一班係日本，
Time zone通常都好唔同，
好似我咁，基本上去到邊都其實有jet lag，
我甚至係去澳洲差兩個鐘，訓唔著就係訓唔著😂
有時係張床到諗，
「其實我都好想訓教」
我試過因爲jet lag，搞到內分泌失調，
成面都係暗瘡，又容易發燒見暈咁，
放假又暈暈下因爲太攰。
不過後來我自己就搵到啲方法，
可以抵到jet lag，想係度分享下，
當然我分享得既，就唔係食安眠藥啦！
抵抗jet lag因人而異，我自己就試過幾種方法都work work地，
1. 眼訓就去訓，聽落去好似好廢，但記住幾眼訓都好，訓幾個鐘就要醒過來食個飯，就好似去美國咁，時間咪同我地香港倒轉既，如果我到當地係個邊朝早既話，我就會訓四個鐘就夾硬起身，食完野出街行一陣再翻去訓，呢個方法就最work，反正包你攰到要死咁，然後就好易可以跟到local time。
2. 可以用呢個4-7-8 睡眠呼吸法。好簡單，先用鼻吸空氣 4 秒 ，再 hold 住呼吸7 秒，最後以 8 秒呼出空氣。我試過係有啲用。
3. 有人話可以試下食褪黑激素melatonin，當然效果因人而異，大家要食幾多劑量都唔同，聽講好有用，不過我中意自然點，所以我無食。
4. 我試過用lavender啲噴噴，幾好用，噴落枕頭到，我好快就訓得到。
講真，邊個想有jet lag，不過對於我地呢啲成日要同jet lag玩遊戲既人黎講，
我地成日都會去研究點樣會訓得好，
如果下次我再研究到啲新方法，再同大家share下！
melatonin劑量 在 【褪黑素前世今生02】可怕！市售褪黑素剂量是安全剂量5-10 ... 的八卦
... <看更多>