同同事喺餐廳食飯，隔離枱四位仁兄叫嘢飲：「三杯凍奶茶，一杯凍檸茶。」
當中一個男仔即刻插嘴：「有一杯凍奶茶要少甜吖唔該。」
佢嘅朋友話：「你唔好搭沉船啦！真係好麻煩㗎，一陣嚟到四杯嘢全部少甜，上次已經係咁㗎喇！」
另外一個女仔又講：「點止呀，你叫親咩餐都會漏單，次次嚟淨你一個。」
當事人相當無奈：「所以今次咪跟你哋叫A餐囉！」
點知佢班朋友仲無奈：「喂你唔好啦！即係唔止全部少甜，仲4個餐一齊漏單啫。」
其實......我同事都出晒名黑仔，所以輪到我哋落單嗰陣：「凍奶茶少甜吖唔該。」
同事：「一樣吖。」
我：「點解呢？」
同事：「有咩點解，飲咁甜唔健康呀，會糖尿病㗎，你係咪覺得我會搭沉船？」
我：「冇，冇咁嘅事。」
坦白講，我真係好想轉返杯正常嘅凍奶茶，不過諗起糖尿病愈嚟愈年輕化，冇理由因為佢黑仔就屈委自己飲甜嘢㗎嘛。再者，全香港約有70萬人都患糖尿病，換言之每10個人當中就有一個係患者，根據國際糖尿病聯盟估計，去到2030年嘅時候，香港患有糖尿病嘅人數更加會激增至92萬人！
可能你會話做嘢咁辛苦，唔係苦中一點甜等自己開心啲都唔得呀？咁就要睇下你開心嘅定義係咩喇？經常口渴、尿頻、食量不斷增加，同時又體重下降，容易覺得身體疲倦，搞到好多想做嘅嘢都做唔到，想去嘅地方又去唔到，傷口遲遲唔識痊癒之餘，亦容易受到感染，咁仲點會開心呢？
真正嘅開心，應該係有健康嘅身體，咁先可以照顧到自己，仲有你所愛嘅人。
嚟緊11月14號係世界衛生組織同國際糖尿病聯盟每年所訂定嘅「世界糖尿病日」，目的係提高全球對糖尿病嘅關注， 糖不得冰室 – 關注糖尿病專屬港式茶餐廳 更聯同 Sun Life Resolution Run - Hong Kong 開咗個「外賣仔訓練營」，完成挑戰仲更可以免費換領精美禮物，而且只要你成功完成訓練，永明金融會捐出港元10給 Diabetes Hongkong 香港糖尿聯會，希望鼓勵大家做多啲運動踩走糖尿病！星期六日有咁好咁健康嘅活動，唔使傷腦筋諗節目啦！
BTW，最後隔離枱啲A餐食完咁滯，我哋要三催四請先追返兩杯凍奶茶少甜返嚟，一個人經常搭沉船，真係有數據可尋。
外賣員挑戰 踩走糖尿病
11月7及8日 (星期六及日)
荃灣愉景新城2樓
上午10時至下午9時
11月14及15日 (星期六及日)
九龍灣MegaBox G樓
上午11時至下午9時
更多資訊可參考活動網頁：https://bit.ly/38bIdkm
#糖尿病 #世界糖尿病日 #糖不得冰室 #永明金融 #外賣仔訓練營 #週末好去處
megabox活動 在 Pin by Michael Wang on SD高達世界群英集 ... - Pinterest 的八卦
Jun 3, 2021 - This Pin was discovered by Michael Wang. Discover (and save!) your own Pins on Pinterest. ... <看更多>