香港人中意煽情故事，多於認真學習政治。
我講講尋晚喺街頭偶遇一位小朋友嘅故事。
尋晚 #熱血安全車隊 收到求助，有人尋求義載離開旺角，我以短訊同佢聯絡，按指示去到會合地點時，發現一位一臉稚氣嘅小朋友，大約就好似傳媒熱捧嘅十三歲學生記者咁。但我眼前嗰位卻神色慌張，三魂唔見七魄咁瑟縮喺街頭一角。
一般情況嚟講，我哋會盡量載多幾個人先離開，但一見到呢位嚇呆咗嘅小朋友，即使見佢無受重傷、無表面傷痕需要立即送離現場，我哋都決定馬上送佢返屋企。
開車起行無耐，小朋友先至回過神來，唔係好敢講但知道應該出聲，非常唔好意思咁話我知，原來較早時間人群走避期間，喺混亂當中被人扯走背囊，而且內有個人物品。
司機泊去安全位置畀小朋友飲水同食嘢定驚，安撫佢情緒，我就落地折返現場盡力幫忙搵背囊，希望佢可以唔洗憂心忡忡咁返屋企。可惜事與願違，背囊搵唔到，唯有先送佢返屋企，再網上尋失物。
呢個唔係咩特別煽情嘅故事，好多出嚟幫手嘅家長，總會遇上類似情況。
依家郁吓就出高濃度胡椒噴劑，下下警棍爆頭，槍林彈雨，已經有最少有兩位少年身中實彈，只係皇天保佑大命死唔去嘅戰場，適合十三歲小朋友當戰地記者嗎？應該不斷褒獎，鼓勵佢哋繼續上前線嗎？
呢個並非艱深嘅政治難題，唔洗智力門檻，而係常識，基本嘅道德判斷。大眾可以推搪被媒體輿論導向或情緒勒索，政治人物、網上KOL可否不要那麼冷血？仲嫌街頭唔夠少年嘅血汗嗎？
最後，如果有人執到同款背囊，請與我聯絡。財物唔緊要，重要嘅係要令小朋友安心，唔會因此失物而令佢有被人騷擾嘅機會。
kol熱捧 在 【電力廚房Free Style 】日式照燒雞鑊仔Pizza - YouTube 的八卦
... 捧的廚藝導師，擅長食譜設計，把創意和健康元素融入各類料理。 #LoveCookingLoveIC ... 米太-「創意煮食界 KOL 」： 多個品牌 熱捧 的廚藝導師，擅長食譜設計，把創意和健康 ... ... <看更多>