尋晚一路睇新聞，嬲到癲，一路睇一路內爆，同時亦極大罪疚感，點解我呢個時候唔可以喺香港，要到悉尼做嘢？第一次有大型行動不能在現場，瞬間明白外地香港人嘅巨大無力感。睇到警察無區別地鐵打市民一幕，直情嬲到核爆，一度衝動諗，不如聽日取消成個行程即刻返香港。
不過冷靜落嚟認真思考後，結論係：唔得。呢個運動最寶貴地方正正係各人各佔崗位，拋開情緒做好自己崗位嘅份內事先係真正幫到個運動。而如果呢刻我需要做嘅係到外國轉述香港最新狀況，我就要盡力地去完成，即使有情緒，亦不能輕易退縮。
結果漏夜將昨天所有資訊整合，將本身已經準備號嘅keynote重新由頭做一次，然後睇住Live，嬲到天光先訓。今日一早起身到場地，攞住個IPad見人就俾啲片段佢地睇。原來好多記者員工等已經自行跟上最新狀況，事實係大家都非常關注香港每秒發展，亦難以想像安定繁榮嘅香港會俾共產黨香港政府搞成而家呢個萬劫不復嘅地步。
到講座，上台發現過半觀眾都係居住澳洲嘅香港人，本身一心將香港狀況介紹俾澳洲人，一度心諗「哎呀咁嘅」。但無諗到嘅係，今日竟然係一個非常難忘emotional嘅分享。
中段播出麥打令幫我剪嘅一條片，回顧過去兩個幾月香港呢場運動，剪得真好，好有愛。佢用咗「親愛的黑色」襯底，事前太忙無睇過，音樂一起，見到大家過去八十幾日所經歷嘅日子，忍不住了，鼻頭一酸。
我絕不會為強權打壓而落淚，但睇住香港人勇敢走過來嘅畫面，心情久久未能平復。
我地嘅年輕人為何要經歷如此痛入心嘅一個暑假？香港人真係好辛苦，年輕人更加辛苦，而未來日子必然地更苦。竟然有如此不人道嘅政府，重複犯下全世界都睇到嘅大錯，但仍不斷為所作所為找藉口、講大話、自圓其說？荒謬到極。
最後Q&A，一位香港女生問，到底人在海外，可以為香港做啲咩，眼見日日有人受傷被捕，覺得很無力。我話，就做自己最擅長的。而我想補充：多認識相同想法的人，組成社群、組成團體，一起行動。事無大小之分，想像得到的，都可以做，立刻做。行動唔需要諗有幾大成效，行動本身就係成效，會自然empower其他人。要有獨立思考，但不要讓自己孤單一個。共同面對，一起衝破。
然後我發現，今天留下是對的。
不止香港嘅我地，此刻許多海外香港人都很需要支援，很需要empowerment，需要知道自己在此場運動中也有其身位。今天是個難得的集體療癒，謝謝到場嘅香港澳洲人，以及全球各地與香港站在一起的人。我們都不是孤獨面對的，有你們作後盾，我們如此強大，又何止二三百萬人？
下一站墨爾本，完成任務會縮短行程盡快歸隊。
香港嘅大家辛苦了，務必照顧自己照顧身邊人，萬事小心。 @ Sydney Opera House
keynote 在 Keynote - Apple (台灣) 的相關結果
Keynote 為簡報打好基礎，讓你的提案豔驚四座。簡單直覺的介面，將重要工具放在正前方，讓團隊的每個人能輕鬆添加精美圖表、編輯照片和加上電影般的特效。使用「預演」模式 ... ... <看更多>