醫學到底有d咩係唔可以單靠google/UpToDate？
最近日日返工都要塔火車，多咗時間寫下文同思考宇宙萬物，想分享下睇法
新世代擁有好多luxurious嘅資源，打開部iPad/surface就可以即刻google/pubmed/youtube/UpToDate，要搵咩文獻搵咩資料都可以十秒內搵到。的確，這些資源都令新一代醫生可以更輕鬆面對新事物，但有一樣嘢你係無論點玩你部iPad都唔會有幫助嘅。
臨床技巧、bedside manners、醫療程序
特別係surgically inclined嘅學生或初級醫生，睇書睇文獻睇video了解個procedure點做的確可以幫到你，起碼有個概念件事要點做。
但係！！！
第一次做嘅時候真係會緊張到瀨屎
我仍然記得第一次抽血、第一次打豆、第一次插尿喉、第一次插胃喉、第一次麻醉插喉、第一次做shoulder reduction、第一次洗膀胱、第一次做子宮頸檢查、第一次插腹水等等嘅緊張感
每個人都有第一次，第一次做嘅時候你睇幾多次Youtube, UpToDate都好，你個腦真係會真空一輪咩都諗唔到，呢個時候你真係要有一個有經驗嘅senior從旁指導，senior step by step嘅guidance係最能令你安心同學最快嘅方法。
不過個重點就係，其實senior真係無義務一定要step by step guide你做。有教過學生或同事做procedure嘅都知，教人做仲麻煩過自己做，自己做快好多仲唔洗驚你唔小心插太深到時又要執屎。
雖然postgraduate training你個senior如果攞咗個指導role佢係有責任睇實你令你唔好出事。但hea睇定用心睇+指導真係兩件事，大家都實有遇過d好hea嘅tutor同好sharp好用心嘅tutor，對你嘅成長真係兩個次元嘅分別。
你嘅態度決左你嘅高度，99.9%嘅人都係情感行先，如果人地睇到你有心、好學又好有活力，態度又好嘅時候，真係會唔介意用多少少心機去教你同groom你。
呢一行你嘅exposure好取決於你嘅proactiveness，你進取主動嘅真係會多好多機遇同機會去做d advanced少少嘅程序，呢個對你日後專科想去邊科可以有決定性嘅影響。
當然如果你覺得做得愈少愈好就無所謂啦，但如果你想走得比人更遠，你想變得更advanced更competent嘅醫生的話，不妨多去試多去問。
外國醫學院同醫院嘅文化相對比較保護醫學生同醫生（某程度上為咗避免medicolegal issues），如果你唔comfortable去做一些程序，真係可以唔做或要求senior去做，好多香港houseman會做嘅程序，例如LP/BM aspirate/joint aspirate/ascitic tap etc都會由resident/trainee做。不過如果你主動嘅話就算你係houseman都可以做。
其實真係無分對錯，唔comfortable做嘅就慢慢試慢慢進步，想走多幾步advanced d嘅，就多試多做多問多搵幫手。
但搵幫手嘅前題係你要得歡心，你嘅態度決定你嘅人緣（除非你係Isaac又醒目又靚仔高大身材好仲要著緊身scrubs，咁態度不良都容易被人原諒）。
自己人生條路自己簡，無論你點簡都好，你都要負擔返你選擇嘅後果
