同大家講過啦，未做headhunter之前，我曾經有一段日子係做sales，喺嗰度我遇到個好上司，佢真係教識咗我好多嘢。
其實我最初唔係咁鍾意呢個上司， 條友太過著重細節喇，有個同事可能比較多頭皮，佢真係走去話人：「喂，你冇洗頭定係冇揀啱洗頭水？黑色西裝褸個膊位好顯眼㗎！」連外觀都執得咁緊，工作上嘅detail位你唔難想像啦！
不過說話又要持平啲，呢位舊上司做嘢方面絕對係100分，對住啲客幾時收幾時放？去人哋office開會應該坐邊個位？點樣分邊啲客係運桔？邊啲客真係有potential？佢的確有自己獨特嘅一套，每個步驟同部署都好細緻。唔知你信唔信潛移默化呢？跟咗佢一段時間之後，不知不覺間都學到好多嘢，所以就算我下一份工跳咗去做headhunt，嗰啲對客嘅技巧都幫咗我唔少。
早排先至同成班舊同事出嚟食飯，而家雙方變咗朋友關係，傾計講嘢就更加坦蕩蕩，唔使下下就住就住囉，起碼唔係under佢吖嘛。
「話時話當年都幾憎你，永遠早唔過你返公司，想扮下勤力同上進都唔得。」
舊上司：「我跟C朗學咋，呢位球王踢曼聯嘅時候，有個隊友叫泰維斯，佢好唔鍾意C朗，9點去健身室已經見到C朗，結果第二日8點去，C朗又喺度，第三日7點半去，C朗已經做緊，諗住再早啲7點啦，點知C朗仍然係早過佢，結果由唔鍾意變到心服口服，趁後生勤力係好事，人哋攞咁多冠軍唔係靠運㗎！」
「你唔係覺得自己似C朗呀？」
舊上司：「就算我唔係C朗，你都唔係泰維斯。」
「講開C朗，之前見到佢代言嗰隻CLEAR洗頭水，即刻諗起你當年兜口兜面話呀邊個多頭皮？呢單嘢你有冇印象先？我當時心諗：你使唔使咁mean呀？」
舊上司：「嗱，阿仔，我同你哋講，總好過啲客同埋街外人同你講呀，出嚟做嘢image好重要，outlook同工作一樣，要乾淨俐落。」
啱！後來我對住自己嘅下屬都係咁，除咗有需要嘅時候作出提點之外，毫無隱藏咁傾囊相授都係關鍵，希望佢將來有一番成就嘅時候，可以好驕傲咁向人講同我work過，正如我而家覺得同呢位舊上司work過咁榮幸。
我舊上司咁鍾意C朗，唔知當時佢有冇向嗰位同事推介偶像代言嘅品牌呢？因為CLEAR嘅去屑洗髮乳系列有獨特3重淨屑技術，包括淨屑，抗屑，同埋止屑，成個系列仲有清爽控油、深層淨碳、冰爽薄荷止癢，每位男士可以揀啱自己嘅髮質去使用，唔理你係咪C朗fans，去屑能力咁顯著都真係值得留意。我舊上司講得冇錯嘅，身邊人有問題，我哋應該開聲提點，咁樣總好過由啲街外人或者客人同佢講吖嘛。
CLEAR HK
#CLEAR淨 #CLEARAntiDandruffExpert #0%頭屑 #抗衡頭屑再生 #CLEAR三重淨屑技術 #淨屑抗屑止屑 #男士專屬 #nothingtohide #出嚟做嘢image好緊要 #Outlook同工作一樣要乾淨俐落 #好嘢一定要學 #注重細節
