幾年前當我仲讀緊中學既時候，都係中四既時候讀三科elective（我當時讀Econ、BAFS同埋ICT），但因為新高中課程有大量傳統課程以外既IES同SBA，加上自已唔太適應好多課目既課程範疇不斷改變（明明中四學期頭話唔洗考，之後學期尾考評局又話要包埋在課程範圍之內），結果都係同好多高中生一樣淪落到同一下場 —— Drop科，去到中五就只係讀兩個選修科，
當香港學生為左新高中課程喘不過氣既時候，上年既依個時候教育局就出左個《新高中學制中期檢討》，希望鼓勵高中學生修讀三個，甚至四個選修科…………而原因就係希望維持新高中「多元化」科目選擇，而教育局副秘書長陳嘉琪就真係講得好好聽：「修讀科目係有價值，唔係為咗考試」
理想角度出發，讀書當然唔係為左考試，係為左尋求知識同埋價值，但當你班離地高官講到高中生應該讀四個選修科既時候，我真係唔知你地有無體諒過前線學生同埋教師既壓力。
依個檢討宣佈左之後，但願教育局唔會宣佈乜野創新政策破格措施，真係硬性要求未來既高中生讀三至四課選修科，滿足佢地對於「多元化」科目選擇既美好幻想，其實眾所周知香港教育朝令夕改，外行官僚決定學生前途，咪搞到今時今日咁既下場。
ict考試 在 01-5總括ICT的考試藍圖《活學ICT．杜sir》(資訊及通訊科技科) 的八卦
... <看更多>