【耐唔史打返篇長文先】
數月前，收到 DJ Tommy 既Email，得知有幸 feature 農夫一曲，同做埋演唱會嘉賓，心情固然高興，係因為知道，噢，自己同農夫走到呢個 Check Point 既時候，終於到了。
其實，我同佢兩個，係我十幾歲既時候就搭上，當時佢地啱啱出左《月下思》，而嗰時我仲玩緊 And1，當時我地一齊出show、拍MV，俾我有機會係十幾歲無啦啦接觸到鏡頭後既世界，其實真係好難得。
而之後，自己都未開始 Rap, 就去左跟 DJ Galaxy 學打碟，輾輾轉轉先由維園開始說唱。
係，個人硬頸，偏偏鍾意靠自己係地下開始慢慢摸、慢慢玩。十數年間，唔算多見，大家雖然分開行，但係各取所需，再會合返，我相信集合所得既成果，應該會更大！就好似我地既演出咁！😆
所以，呢段演唱會既日子，漫長得來亦寶貴。就好似發清明夢，難得察覺自己發緊夢而同時自覺自在。人生唔係有好多次呢啲時候。😎
十數載，由幫你地出show 打波到今日一齊唱大家寫既歌，人生既感覺可以好奇妙。感恩有呢兩位師兄！🙌🏽
（仲有4日，再見大家！😆）
@ckwancheng @6wing_fama @famahk #麥花臣 #農夫 #等錢駛 #演唱會 #heyoliztic #hkhiphop #香港 #嘻哈
