#珊吹老師
#貼堂系列
#伏已中
#究竟佢個腦生喺邊度
早兩日，珊吹老師中咗一個伏！好想貼堂同大家分享。
唔同其他貼堂作品，呢位仁兄，係捉住我講咗個好奇特嘅偉論。
我完全聽晒10分鐘，先明白佢條伏線點樣鋪，而佢個結論，足以令我立即掉頭走！
不過，我都有好禮貌咁同佢講：「哦。我要走先，拜拜。」
OK，各位同學，here you go，大家一齊分析一吓：
🤔🤔🤔🤔🤔🤔🤔🤔🤔🤔🤔
有個朋友，係都要我去一個另一班朋友搞嘅飯聚，我話：「我真係唔坐低食飯嘞。我親自去打個招呼，多謝佢邀請。」
去到現場，主人家拉住我講，個樣好誠懇嘅：
「喺雞蛋同高牆之間，我永遠會企雞蛋嘅一邊，正如村上春樹講（下刪1000字）。。。
我實在太嬲特首嘞！國慶嗰日，我哋香港水深火熱，佢竟然走咗去，唔肯同啲年青人對話(下刪5000字，佢講咗一個台灣嘅xxx運動例子俾我聽)。。。
所以，我哋一定要保護脆弱嘅雞蛋！但係。。。
（佢一講『但係』，我就聞到伏味）
。。。但係，雞蛋都有分好蛋同埋壞蛋，我哋要搵出嗰啲壞蛋！就係因為呢一小撮壞蛋，破壞左整場運動！
（此時，佢加多幾錢誠懇，開始捉住我隻手)
其實，我係一個🔶黃絲嚟㗎，但係我支持政府，支持警察！懲罰啲壞蛋！」
「哦。我要走先，bye 👋🏼。」
🙃🙃🙃🙃🙃🙃🙃🙃🙃🙃
伏已中！
而我真係唔想多花幾秒鐘回應佢，我寧願用10分鐘喺呢度寫個post，同大家分享：
呢位阿生漏咗個重點，就係雞蛋同高牆之間，攝咗3萬幾支棍棍、槍槍，同埋噴噴！

👋🏼👋🏼👋🏼👋🏼👋🏼👋🏼👋🏼👋🏼👋🏼👋🏼
出門口，我回頭望一望佢，佢已經捉住另外一個人，由村上春樹講起。。。
現場有好多呢位主人家嘅朋友，明顯佢哋好buy呢一類偉論。
佢哋自覺志同道合，同樣心地善良，希望香港好，千祈唔好亂，唔好有暴力，唔好嚇親（佢哋自己）啲小朋友，唔好影響生意，唔好阻住佢收成，唔好影響佢哋下一代繼承。
佢哋企喺槍桿同雞蛋之間，自覺本身係好蛋，而佢支持槍桿，支持高牆。
我心諗：「吖！究竟佢哋個腦係生喺邊度㗎呢？」

here you go禮貌 在 you go first意思在PTT/Dcard完整相關資訊 - 萌寵公園 的八卦
關於「you go first意思」標籤，搜尋引擎有相關的訊息討論：. 不禮貌！別對老外說"You go first"－戒掉爛英文｜商周2013年9月27日· B: I hope not. 我希望他不會。 ... <看更多>