hea化學的八卦，Yahoo名人娛樂都在討論

唔知邊年曾經立下過目標🎯
每三個月要搵樣新嘢學下🧠乜都得
可能連你自己都唔察覺
所有興趣都係由你已識或擁有既嘢
無形間結合咗先衍生而成

我既某幾個組合:
旅遊機會+靚景-->愛上攝影📷
認識基本顏色配搭+攝影=愛上執相👨🏻‍🎨
青春期擁有身高+喜歡運動-->愛上籃球🏀
細個hea學琴+大個鍾意唱歌—>愛上自彈自唱🎵

所以，單一項目即使唔係太吸引😑
學住半桶水先無壞⚗
日後當呢半桶水碰上可掀起化學作用既催化劑
就有機會互相配搭成你既興趣
就算未能成為所好，你都吹得兩嘴
應酬時對方會誤以為你識好多嘢😏

假如你仲苦惱搵唔到自己既passion❤
只係代表：你試既野仲未夠多
希望呢件作品會激發到你作出新嘗試！
———————————————————
感謝有份響烈日當空下參與既熱血朋友👬

街頭藝術👨‍🎨: MUM's NOT HOME
飛躍道🤸‍♂: AOMHK Academy of Movement Hong Kong
扁繩👣: Slacklining Hong Kong

🔹製作團隊🎬
拍攝：Dorothy、Sunny Wong
副導演/劇照：Endy
製作助理：Kenneth Yung
剪接/監製：Ming仔
排版：Kaye Wan、Kevin Pang

🔹化妝👩‍🎤
Angela Shum Makeup & Hair

🔹策劃🔎
Create & Yay

🔹影片贊助👖
Lee Jeans Hong Kong
#moveyourlee

去片: https://youtu.be/k7tkekFRQ7k

《去長洲啲遊客，好似去中環啲賓妹》
　
星期日經過中環或者旺角新世紀條天橋，都會好忟憎，真係好多賓妹同印傭，一方面好忟憎，一方面又嬲唔落。有次夜晚喺旺角食完飯，朋友話：「夜晚十點幾，啲印傭仲唔返屋企」，因為個個唔係佢屋企，係workplace，星期日你都唔返office啦。
　
去長洲嘅遊客，同去中環啲賓妹一樣，無目的架，但求有個地方hea一日。我哋覺得啲賓妹同印傭喺條街度好厭惡，阻街 ，整污衊啲地方。喺長洲居民眼中，去長洲玩嘅遊客就係我哋眼中嘅賓妹。大家都唔想架，賓妹(去長洲玩嘅遊客)假期去得邊？
※※※
　
長假期你係特別意識到屋企細，有「土地問題」...
平日，屋企人都係「你有你嘅生活，我有我嘅忙碌」，唯一齊人嘅時候，就係放工食飯(有時OT，食飯都前後腳)，同訓個幾粒鐘，大家訓左係無咁覺屋企細。一放假，你就特別意識到屋企真係好撚細，齊人真係好撚迫。屋企咁細，基本上除左各自坐返喺床，使用電腦同手機，係無野好做，齊人喺屋企移動，你係更加明白屋企真係行都無位行，諗住開個鄭多燕出來跳兩下，行來行去，又俾呀媽叫你唔好行來行去。
　
想話去朋友屋企，但人哋全家都喺屋企...
大家屋企都好細，去朋友屋企，又係好似拜年咁，東華籌款迫巴士咁，差啲要疊住坐，坐呀媽大脾先夠位坐，差啲覺得屋企多人到含氧量唔夠大家同時呼吸。
※※※
　
所以一放假，我哋就好似啲賓妹同印傭咁，局住出街...
我哋笑啲大陸人黃金周去長城，好似動物大遷徙啲角馬咁，游水好似旺角啲魚蛋咁浮下浮下。但睇到啲人去長洲排幾粒鐘，除左打卡，乜都無做過又搭船出返來，其實我哋同大陸人一撚樣。
　
我一向都好感恩香港無天災人禍，如果有咩事要疏散，全港市民唔俾返屋企要落街，成八百萬人，到底有無咁多位俾我哋企喺條街度。上星期大角咀成區都有異味(後來發現異味來自油麻地避風塘躉船載化學品貨櫃)，有個朋友喺大角咀教書，話學校解散哂所有同學，但啲細路其實屋企都喺同一區，返歸只係等於轉場吸異味。香港人走難都唔知走去邊，假期唔知去邊好正常呀，可以點姐？大家包容下囉！( #曲線要講明)
　
PS.其實長洲啲船飛可唔可以好似迪迪尼啲門票咁，除左居民，每日限量發售，大家好似越南難民咁，一批批上岸，當長洲係禁閉式難民營咁玩，好無癮姐。

如果我哋兩個去3日2夜呢？✈️🗺🚗☃️🎢🎠哈

佢：做咩我着到生日咁🙄你Hea到咁
我：好攰呀🙄是旦啦😆對住你姐

佢：我哋去凍D嘅地方☃️⋯哈
我：你鍾意啦😂⋯哈

我：我幫你扎辮Set頭💇🏻‍♀️⋯哈
佢：咁我幫你影相📸⋯哈

人馬和獅子的化學作用

#birthdaytea
#sweetie @ Cafe 103

【全家總動遊沖繩 5】黑面八大推介 國際通必買手信

沖繩之旅去到最後一集，今集為大家介紹一下喺國際通必買嘅手信。

1.【鹽屋-海鹽牙膏】
沖繩最出名嘅就係沖繩海鹽，佢有殺菌嘅作用，刷起來又唔刺激牙齦，完全無添加任何化學、香料及酒精，純天然，我一買買咗幾乎一年嘅份量。

2. 【鹽屋-海鹽雪糕】
沖繩嘅鹽味雪糕都係必食之選，去鹽屋可以試埋佢哋嘅鹽味雪糕，有好多不同味道嘅鹽俾你加嚟食，真心推介。

塩屋(國際通)
雪塩冰淇淋
電話：098-860-6405
地址：沖繩縣那霸市牧志3-2-59
營業時間：9:30-21:00

3. 【沖繩黑糖年輪蛋糕】
我哋一開始唔知呢間年輪蛋糕原來係咁出名，我哋被佢嘅廚窗吸引咗，好奇入去睇下，一試食一啖之後就愛上咗。黑糖年輪蛋糕嘅外層有一層脆卜卜嘅黑糖喺面，包住入面好多層軟綿綿嘅蛋糕，必食！
P.S: 如果有朋友去沖繩麻煩通知聲，我想再買。

ふくぎや FUKUGIYA
地址：沖縄県那覇市久茂地3-29-67
電話：+81-98-863-8006
網址：http://fukugiya.com

4. 【元祖紅芋蛋撻】
沖繩三寶：黑糖、雪鹽仲有紅芋（紫薯），而元祖紅芋蛋撻一向都係沖繩嘅必買手信之一，唔需要多解釋啦，買啦！

5. 【沖繩海帶芽】
我好鐘意沖繩嘅海帶湯係，而沖繩出咗盒裝嘅海帶芽，倒少少呢盒海帶芽加熱水，話咁易就變成沖繩海帶湯，好好味！

6. 【邊銀食堂辣油】
來自石垣島邊銀食堂出嘅辣油，沖繩好多地方都有，除咗辣油，佢仲有蒜油、同激辛辣油，而我買嘅就係普通個隻。最佳食法係伴麵。

7. 【沖繩泡盛辣椒】
一隻隻沖繩細辣椒泡喺沖繩酒入面，變成一支辣椒酒。辣得嚟非常香，食法係加入湯麵中，味道好難忘！

8. 【沖繩雪鹽餅】
雪鹽必買品就係海鹽餅，少少鹽又少少甜，手信嘅不二之選。牌子好多，隻隻都好食。

以上8樣就我嘅沖繩黑面推介，當然點只8樣吖，總之大家去沖繩唔該通知聲，幫我買埋手信，哈哈！

一連五集嘅沖繩之旅終於結束，嚟緊將會介紹韓國首爾親子遊，希望可以盡快再出發啦！！

--------------------------------------------
「 hea爆」重温：
【全家總動遊沖繩 1】租車 行程App推介▼▼
http://bit.ly/2W60h5B
【全家總動遊沖繩 2】玩轉水族館 食盡石垣牛沖繩麵▼▼
https://bit.ly/30riugi
【全家總動遊沖繩 3】侏羅紀 Dino Park 美國村酒店推介▼▼
https://bit.ly/2KevMGy
【全家總動遊沖繩 4】琉球村文化遊 Chill爆殘波岬燈塔▼▼
https://bit.ly/2M2K8gQ

#沖繩 #okinawa #黑面媽 #親子遊 #沖繩親子遊 #全家總動遊 #hea爆沖繩 #旅遊 #旅遊制作