臨近年尾，又係各大樂壇頒獎禮派成績表既時候，年經post「商台女員工大爆叱吒得獎名單」早前亦已經係某討論區出現。
據呢份疑似名單，今年嘅男歌手金獎就由陳柏宇首次奪得，軒仔就屈居銀獎，銅獎就係許志安。今年拍乳bb成績幾突出，演唱會門票搶購一空，睇番歌曲播放率，佢同張敬軒的確排係頭兩名，拋離緊對手，相信佢地兩個已經坐銀望金。
女歌手金獎，容祖兒繼續勇奪，佢仲首奪至尊唱片大獎。而銀獎同銅獎就係Gin Lee 同欣宜首奪，JW亦排第四，係後面追緊。而至尊歌曲獎就係陳奕迅嘅【四季】。而上年橫掃叱吒，勇奪三個大獎嘅坤哥，就有一個十大歌曲獎。
一直有好多歌迷登陳柏宇唔抵，覺得佢值得更好成績，如果呢份得獎名單屬實，真係一吐污氣。
