有幾多女仔畀長輩政治迫害，叫你地嫁之前，要學識煮野食同做家務？
有個auntie同我講，做c9根本唔需要事先特訓，只要嫁左，局住要做，就會識做。「世上冇難事，只怕殺埋身」。
我覺得呢個auntie係智者，你有冇試過用一晚通宵，做起FYP，有你就明，世界上好多野唔需要太多preparation，總之，最後，無啦啦，你都會做到的。
我地根本唔需要擔心，細路而家唔接受特訓同苦難，將來就做唔到一個成功嘅大人...
而最重要係，細細聲話你知，多數人長大後都唔會成功，所以根本細個唔需要做咁多野，上咁多興趣班，學咁多外語。因為你做哂咁多野，可能同任何野都冇做嘅細路嘅命運差唔多，咁不如慳返，及時行樂啦。
如果你係家長，自知資質唔高，更加唔使谷個細路，個仔你生，你應該好明白，你點谷，都應該同你差距唔大架啦。
大家都講緊要取消TSA，唔好做太多功課，學咁多外語，我好贊成，真係唔使怕輸喺起跑線上，因為大部份人嘅結果都係一L樣。
-----------------------------------------------
我由細到大，都係用蛋黃哥嘅態度慢活，咁multi-tasking做咩姐。我細個活動量最大嘅時候，就係對住屋企boom牆玩黑白嘅時候。我係「唔準郁」呢個遊戲嘅時間紀錄者，點解龜係最長命嘅動物，咪就係因為唔做任何野，少郁動囉，支持取消所有對細路嘅特訓，還細路「得閒」嘅童年。
PS. 取消TSA作用唔大，社會一日有「谷細路」嘅氛圍，TSA 2.0指日可待，唯有人人放棄「谷細路」，先可救細路。
fyp點做 在 點解要做FYP咁折墮 - 港澳u life板 - Dcard 的八卦
2022年1月14日 — 話說我去完台灣exchange過先知，原來台灣嘅大學final year唔洗做FYP，只要core讀齊讀埋你未讀完嘅elective嘅cred，就可以byebye你條尾， ... ... <看更多>